قصـــــــــــايد للمعــــــاريس

القصيدة الأولى

جت تمشي شيخة الحفل شحلاها = جت تمشي لعرشها مثل الأميره
الأرض زانت يوم داستها خطاها = وفي خطاها كالظبي لحظة مسيره
الخجل كل الخجل والله أحتواها = بنت أبوها شيخة في كل ديره
هذي عروسنا الزين كله أكتساها = بنت ابوها مابها حسد وغيره
القمر من زينها يطلب رضاها = ومن نفسها الورد هو مآخذ عبيره
من حلاها الكل يحلم في هواها = وكل عين لعينها صارت أسيره
عروسنا شمعه ومنوّر والله ضواها = عروسنا مهره ومابعد عسفت صغيره
فيها خصر ناحل زاد بحلاها = وفيها عيون واسعات ومستديره
ومعرسنا له اليوم موعد في لقاها = معرسنا فاز بقربها دون غيره
وصلوا على محمد في منتهاها = محمد رسول الله صلاة كثيره

القصيدة الثانية

هلهلولة وباركولة شوق شوق قوموا ارقصولة
يكبر حظة ونصيبة نالها وقلبة عطاها
وردة زاجي عطرها ياملا منهو مثلها
غالية وغالي ثمنها يابخت منهو شراها
هلهلولة وباركولة شوق شوق قوموا ارقصولة
ربي يحفظها عطاها نور كالشمس في ستاها
لي مشت تمشي وكنها للبدر تهدي حسنها
هلهلولة وباركولة شوق شوق قوموا ارقصولة

القصيدة الثالثة

هلا يافتنه الحفله .... هلا والفرحه أكتملت = هلا باللي سحرت كل العيون والزين كاسيها
هلا باللي القمر منها رحل يومنها طلت = هلا بفلانه ومثل فلانه بالدنيا أثنين مافيها
نويت أني أوصّفها وحروفي بوصفها أحتفلت = وأشوف الشعر يسبقني ويكتب كل معانيها
عليها من الحسد عيني ذكرت محمد وصلت = وعليها من الفرح شعري رقص بأحلى لياليها
أنا بوصفها أببدأ بشعرها يوم له فلت = سواد الليل والجبهه قمر نوره يغطيها
وعيونها عيون حوريه ومنها الحور أتحلت = يعني بأختصار كامله وجمال الكون بيديها
وفلانه أذا رخت رموشها وسلت = تصيب اللي يحب الزين ويعشق غواليها
وفلانه مثل القمر عيونا منها ماملت = عسى ربي من الحاسد بأمره اليوم يحميها
والليله الليله كل الناس أحتفلت = ليله من العمر صارت فلانه اللي تحليها

القصيدة الرابعة

اقبلت والليل ياخذ راحته فوق الغصون 000 وانتفض لعيونها يصب الونس للشمعدان
هزت رموش الغرام وجاوبت كل العيون 000 طفلة ما كنها الا تنثر زهور الحنان
يوم شافوها شهقت كل الحناجر من تكون ؟ 000 وين جت هالصرخة اللي زلزلت صمت المكان
وقفت تقرأ الوجية وتزرع آيات السكون 000 طولها يشرب سحاب العز ويدوس الهوان
استدارت واشعلت برد الهوى وبرق الجفون 000 واعشبت معها الحنايا شوق والشوق امتحان
استجنوا يوم فلت شعرها وزاد الجنون 000 يوم قامت تطوي الشال وتفل الزعفران
سلت يديها وتثنت ولعبت كل الفنون 000 ورقصت والليل بيدينه يتل الخيزران
والجمر يستعطف الرمان ويزف الطعون 000 وجيدها يختال مادرى وش ترك للكهرمان
كنها تجفل حيا لا راحت وتقبل تمون 000 منهو اللي عطاها وحط في يديها العنان
تلبس اطياف الشموع وتنتهي في كل لون 000 وتنثر المسك بمداها والزهر والقحويان
غنت وكن البلابل شدوها العذب الحنون 000 والكناري تعزف انغام المسا والكروان
ذوبت معها القلوب وهيجت معها الشجون 000 صوتها فرحة وتر عود وحزن ناي وكمان
وش تقول السالفة عن شيطنتها والمجون 000 والبحر في ملحها يغرق ويضماها الزمان
العنود الترفة الدلوعة الغنجا الفتون 000 وش عليها ولو تغطرس سيدة كل الحسان
فالعيون ازدادت الغيرة وثارن الظنون 000 ما بقى شي سواها يلبس ثياب الامان
اول الليلة وكل ما طرا فباله يخون 000 وآخر الليلة تغير كل شي الا المكان

القصيدة الخامسة

اقبلت حنان مثل البشارة في طرف ليل جلب نورة بأثرها
كل نجم من ضياها شب نارة ولا سهر معنا القمر ليلة سهرها

عطرها زف الخبر قبل انتشاره وفلت حجاج المسا طلعت قمرها
دربي أمست فرحته ليلة نهارة تنشد غيوم النواظر عن مطرها
***
ما سمح طرفي لحملة بانحدارة كل عبرة لاول الفرقا ذخرها
فرحة اكبر منتصر وقت انتصارة طلت الوجه الطفولي تختصرها
***
جاد لي تشريفها طال انتظارة فكري وعيني وخفاقي ديارها
جت تهاذا تارة وتختال تارة والدلال ذنوب والعشق يغفرها
***
جت تبي من الشمس ليديها سوارة ومن نجوم الليل عقد في نحرها
جت لسان غرورها ينشد عبارة هي درت تسع الكواكب عن خبرها
***
جت ملاك كلها عشق وطهارة جت عنود لفت الراس تعسرعا
حفلة يدي مصافحتها في حرارة وعيدها لاجات تسبح في شعرها
***
بنت بدو دللوها في الحضارة سالفة عربانها من اول شهرها
كم طلب يدها و لا ظن الخسارة طيب يزداد في رفضة فخرها
***

لين روح تفرك يمينة يسارة منوتة لو هو ولد عم وحجرها
ما تبي الا الي عصمته باختيارة ساق شبكتها الغلا وقلبة مهرها
***
وايش علية ان سولفت عنه بغزارة بين غيدن صانها الرب وسترها
وايش علية ان خاطت الجرح بمهارة اذكر انه يوم ميلادة شكرها
***
كنت الم الشوق ويزيد انتثارة كنت اسولف واحسب اني منتظرها
ماكرهتك يا الصبر لولا المرارة ماعرفتك يا لضما لولا ثغرها
***
ما حملتك يا الهوا لولا الشطارة ما عشقت الغرق لولا نظرها
قلت اببحر والغلا اسباب الجسارة احرجتني غرس اغرقني بحرها
***
دونها جفن يغير دونها غارة ما سلمت من السيوف الي شهرها
ليتها تاخذ وفا شيخ الزيارة كم لفاني ماخذ منها صورها
***
بح صوت الوجد ما خلصت ثارة وسبحت اشواقي نثرها اللي نثرها
يوم جا للبان وقفه واستدارة راحت اتجر اسود الليل بسفرها
***
وادعت درب توعد به سماره وغض خافقي مع غضت بصرها
ما عذرها خاطري وقت انكسارة عذرها ان اللي سرا معها عذرها

القصيدة السادسة

صلوا على محمد ريــــح العطــــر والعــــــــود
من ليلة مايقدر يعيد الكـــون هدبــــــها
هـــذه الليلـــــة انـــــــــور نورهـــــــــــــــــــا زود
والسمـــاء نجومها اضوت في ذهبــها
كيف ماتضوي والكل حــــاضر وموجــــــــود
بشـــــوق المحبة نلتقي من سعــــــدها
عروسنا العروسة ياكل الحسن فيها موجود
يغـــــار منهــــا البدر من طلة هدبــــــها
عروسنا العروسة يابنت الاصل يابنت الجود
فيــــك القصـــــــــايد ماتوفي سببـــــها
عريسنا العريس ياكل الشهـــــامة بــــــلا زود
ولد الرجــــــــــال والمكـــــــارم هو اهلها
واللـــــه يجعـــل ايامكــــــم حـــــــب وورود
وسعادة يحكي بها الكون ويعجب بها


قصائد صوتية


قصيدة صوتية للعروس أمــــاني >> روعه .. بموسيقى


للعروس نــادية قصيدة صوتية بموسيقى