السلام عليكم
هذي سلمكم الله قصة ولادتي المفاجاة والمرعبه:06:
يوم الاربعاء كنت طالعه مع اهلي لاستراحه وكان معي الام تجي وتروح نفس كل مره
ويوم رجعت تنقعت بمويه دافيه ورحت انام و
يوم الخميس2-2-1432هـ
اصبحت الساعه8 ورحت دورة المياه تكرمون
ويوم قضيت حاجتي وجيت بطلع الا مويه تنزل مني بس شكيت :35:قلت يمكن اتوهم
ورجعت نمت وعلى العصر قمت
والا تنزل مني مويه شوي
صحيت ابو الشباب وجهزت عيالي
ورحت للمستشفى كشفت قالت موباين عندي انو مويه نزلت لازم ترقدين تحت الملاحظه 24 س وسوولي اشعه رباعيه قالو المويه اقل من المعدل الطبيعي
جت امي ونوموني وقلبي مع عيالي
قالو اذا ماجت ولاده الفجر لازم تحاميل طلق صناعي..
وانا معي الام بس خفيييفه
نمت وانا بين الخوف والالم ودعيت ربي انه يفكني من الطلق الصناعي والعمليه
وجت الدكتورة الفجر قالت 2سم ماتغير بس فيه استجابه للرحم ان شاءالله بتولدين خلال 24 س الحمدلله فررحت مرره انه افتكيت من الصناعي
المهم استمر الم يروح ويجي لين بالليل الساعه 3 زااد الالم كانت امي جايبه لي دارسين وكف مريم شربت ورشيت بطني بمويه زمزم مقرئ فيها ورد الولاده واكلت تمر
ودعيت ربي وصليت الفجر الاتنزل السداده ارتععععت وشوي الا تنفجر المويه
ويزووووووود الالم ويبداء الجد
جت الدكتورة قاست قالت 4سم الحمدلله ربي فرجها بدون تدخلهم
وابداء امشي بالغرفه واشم حلتيته
لين خلاص معد قدرت امشي شالوني لغرفه الولاده الساعه 8ص
ومع معاناة الالم الله يكتب لنا الاجر
ولدت الساعه 12الظهر يوم السبت 4-2-1432هـ
الحمدلله كما ينبغي لجلال وجهك وعظيم سلطانك
والحمدلله ربي سهلها لان ولادتي تعسرت
طلع الحبل السري ملتف على ولدي
واول ماطلع الراس قعدت فتره الكتوف ماطلعت:06:
وطلع ولدي ازرق ولابكى بس الحمدللــــــــــه
ربي كلــــــــه فرج
وعقبال كل حامل ومحرومه بالسلامـــــــــــــــه ودعواتكم ربي يصلح فيصل واخوانه
ديما111 @dyma111
محررة فضية
يلزم عليك تسجيل الدخول أولًا لكتابة تعليق.
الحمدلله على سلامتك وسلامة العريس
شدة وزالت بفضل الله وتبقى ذكريااااات وعقبالنا ياااااااارب ولادة سهلة ميسرة
شدة وزالت بفضل الله وتبقى ذكريااااات وعقبالنا ياااااااارب ولادة سهلة ميسرة
الف مبرووووووووووووووووك الحمدلله على سلامتك وسلامة البيبي يتربى بعزك ان شاء الله والله يسهل عليناويفرجها من عنده .. امينالف مبرووووووووووووووووك الحمدلله على سلامتك وسلامة البيبي يتربى بعزك ان شاء الله والله يسهل...
الصفحة الأخيرة
الحمدلله على سلامتك وسلامة البيبي يتربى بعزك ان شاء الله
والله يسهل عليناويفرجها من عنده .. امين