قصـــــــــــــــــــــــــــت ي ياليت تسمعوني

بسم الله الرحمن الرحيم..........




ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
بديت بخامس ابتدائي طفله وكنت احب العب و كنت احب السواليف بس محد كان يحب يجلس معاي ولا كان احد يحب يلعب معاي كنت وقتها اتمنى لو الاقي اي وحده *****الله تكون في الروضه بس الاقي من العب معاه مو مهم اتكلم .كنت اقول في نفسي الى متى محد يبي يلعب معاي الى متى بتفسح لحالي الى متى ..! البنات كانو من كرههم لي يبعدو عني كنت بطاوله لحالي في زاويه محد جالس فيها الى انا كنت انحرج يوم يشوفوني جايه ويهربو كنت انحرج يوم اوقف بل طابور وتسير مسافه وراي بعدين بنات فصلي ليه ؟انا مافيني مرض انا مافيني عيب يخليهم يسو كذا فيني وليتهم كانو بنات فصلي بس كذا كانت الابتدائيه كلها تكره تجلس جمبي . كنت اشوف نفسي ولا شي .واسال نفسي دايم ليه انا يسير فيني كذا ؟ ليه مو احد ثاني ليه؟وصبرت الين سرت باول متوسط وقلت بنفسي انا راح اجي بدري للمدرسه قلت يمكن تجي بنت جديده اتعرف عليها ونسير اصحاب لكن ما جت غير بنت وحده كانت دبهـ وقلت بنفسي يعني من زمان ما عندك صحبات ولما تجي تتعرفي .تتعرفي على وحده دبهـ<<كان يهمني الشكل >> وتركتها وقلت *****الله يجو غيرها بس بدا الترم اسبوع اسبوعين ثلاث .ماجو بنات جدد وخفت اني اقضي الترم بروحي ترا صعبه تقعدي في مكان لوحدك كثير . لكن ما زلت مصره اني ما اتعرف على البنت الدبهـ قلت لنفسي الوِحده حلوه انا متعوده اقعد بل حالي طبعاً البنت الدبهـ بنت طبيعيه راحت واتعرفت على البنات وحبوها وسارو ما يتفسحو الى معها بس انا الي قهرني مو اني ما اتعرفت عليها الي قهرني انو كل ما جت بنت اتعرفو عليها وحبوها طيب انا يوم جيتهم ليه محد رظا يتعرف علي او يشوف وش بدا خلي ؟
وقلت بنفسي بصبر مصيري اتعرف على وحده.قررت اكسر الخجل الي فيني وأطلع اتعرف على بنات الجيران وفعلن خرجت وقعدت بل ساحه تبعت البيت وتنزل بنت تدور على اختها وسالتني اذا كنت شايفه اختها ولى لا .قلت لها لا بس مافي مانع لو دورت معاكي ورحت دورت معاها ولقينا اختها بدور الرابع وتعرفنا على بعض وقعدت ساعتين بس اسولف معها وقلت لها ايش رايك تجين بيتنا اعرفك على خواتي ونسولف قالت لي اوكي . بس البنت يوم جت اعجبت باخواتي اكثر مني لدرجة انها سارت تنزل عشانهم مو عشاني وسارت مع وحده من خواتي الي اكبر مني بسنتين معها بعلاقه قويه واختي تطلع لها واهي تنزل ولى حتى اختي فكرت تناديني اجي معها ولى هي فكرت تقول نادي اختك خليها تجي .جاني احساس اني بقعد وحيده لو ايش ما كان يكون انا بعيش وحيده .سرت اكره اني اتعرف على احد خفت اتعرف ويتركني ويروح عند احد ثاني .وقعدت على الحاله دي الين سرت اول ثانوي نقلت من مدرستي ورحت مدرسه جديده اتعرفت على بنت اسمها ريم كانت جالسه جمبي وقلت البنت دي هي الي بتسير صاحبتي الوحيده بس مع الوقت بديت اتعرف على الهنوف وعلى سماهر وعلى انتصار وفرحت انا سويت معجزه اتعرفت على اربع بنات بسنه وحده انجاز ومن الفرحه حطيت اسمهم على شنطتي وبس اكتب حروفنا لني كنت اشوف البنات زمان كل وحده ماسكها صحباتها ويحطو حروفهم على الجدار وعلى الطاوله قلت بسوي مثلهم بعيش نفس حياتهم .وقعدت مع صحباتي لين سرت ثاني ثنوي بس فرقونا لني دخلت علمي واهم ادبي ..حزنت لني راح افارقهم وبسير لحالي بل فصل بس الحمدالله انا اتعرفت على شله شاطره بس كانو مصريات والثلث كان سعودي بس فعلن كانت احلى سنه مرت في حياتي كلها ثاني ثنوي . ودخلت ثالث ثنوي بس تصدقو اول مره احس اني انسانه طبيعيه في ثالث ثنوي ماخفت اني اقضي ترمي لحالي . ومراح اكدب لو قلت لكم اني ما سويت لنفسي ايميل واتعرفت فيه على الناس الى بل إجازه تبع ثاني ثنوي طالعه لثالث ثنوي وما سويت الفيس بوك الى يوم سرت ثالث ثنوي وعلى الترم الثاني بعد . وما سرت اجتماعيه الى باول ثانوي . حياتي الي اعتبرتها ولا شي يوم دخلت الثنويه سرت اشوفها كل شي يوم شفت الناس يوم سار عندي صحبات يوم حسيت ان في احد يبيني .
انا اعترف ان كان عندي 7 خوات بس كلهم كانو اكبر مني وما كانو يبغو اطفال معاهم .وانا الي كان اصغر مني ولد وبنت بس كانو صغار ما ينفع العب معاهم. كنت اتمنى تمني اقعد مع اخواتي بس كل ما كنت اروح عندم يطردوني ويكملو كلامهم ماكنو يحسوا بلي كنت احس فيه وانا صغيره انا اعترف كنت صغير والكل بيقول الصغار مراح يحسو بس انا كنت احس لنو انا ما كان احد معاي يغطي على معاملت خواتي انا يوم كبرت صحيح ساعات اطرد اختي بس ما اطردها كل ما دخلت علي لنها ساعات تسوي حركات بلها بس مراح اعاملها مثل ما عاملوني تدرون ليش لني كنت احس بلإهانات الي كانت تجيني وكنت اسكت لني صغيره وما اعرف ارد ومراح اخلي اختي الصغيره تحس فيها .انا عندي ام بس امي تهتم بل كبار واخر شي تفكر فيه ايش انا سويت اليوم لنها راح تسمع كلام مني تافه بس كان بنسبه لي الكلام الي راح اقوله مهم وكنت ابغها تسمعه وعندي اب بس ابوي يهتم بل صغار مره وانا ماكنت اعد من الصغار لنو تحتي في اثنين اصغر مني .انا مراح انكر واقول امي وابوي ظلموني هم ما ظلموني بس ما كنت اشوفهم يهتمو فيني مثل ما كانو يهتمو بباقي خواتي كنت اتمنى احد يجيني يقولي اش تبغي او ايش فيكي او لو زعلت يسالوني ليه زعلتي. والشي دا ما شفتو الى لما كبرت واخواتي اتزوجو وما سار في البيت الى انا والي اصغر مني انا صحيح الحين عايشه الفله وعايشه حياتي بس انا كل ما اقعد لحالي ما اترك الذكريات اليمه الي مريت فيها وانا اعترف ما كانت لي ذكريات حلو من طفولتي لين دخلت ثالث متوسط ما كان في شي حلو او مملي عيني .انا خليت حياتي النت وطلعات والدخلات والي يبيعني ابيعه والي يزعل من غير سبب ما اجيله والي يتركني اتركه لو كان غالي .لني الي شفته مو قليل والي كتبته لكم مو كثير من الي سار فيني على فكره اصعب شي يوم تجي اختك تقولك انت تفشلني لا تتعرف على اصحابي واصعب شي يوم اختك تقولك انتي تتعرفي على اهل زوجي عشان تتزوجي واصعب شي لما اختك تبي تطلع من البيت وتقول انا ابي ارمي وصخي عليكي قبل ما اطلع واصعب شي يوم تلاقي عدوك اخوك واصعب شي لما تسمع كلام قدام امك وابوك مثل النار ويقهررك وامك وابوك ساكتين ما يدافعو عنك القهر لما تحس ان اختك تقولك ذا الكلام بس عشان تشوف دمعتك عشان هي تنبسط الكل راح يقول مافي اخت كذا بس انا اقولكم ان فيه وفي اسواء من كذا وصدقوني اصعب من كل الي قلته ذا كله يوم احد يجبرك تعتذر للشخص الي قالك كل ذا الكلام كله وانت تكون ما سويت له شي واهو البادي ترا صعبه انك تعتذر وانت حتى ما سبيته ولى اخدت حقك منه ومه ذالك اعتذرت . انا المفروض تكون بدايت عمري وهمومي دخلتي للجامعه بس انا احس اني خلاص شفت من الدنيه الكفايه والي سمعته كفايه والحياةوالطفوله الي عشتها كفايه انا مستعد اخصر كل الناس الي تمنيت اني اعيش معاهم واصادقهم بي كرامتي لن كرامتي اتهانت كثير ومراح اسمح بإنها تتهان مره ثانيه.انا شفت من اقاربي الي ما يتشاف وسمعت الدعاوي الي ما تتسمع . لكن بصبر لني ذا الي تعودت عليهــــــ ............................................................................................
انا قلت لكم حكايتي لنو ظايقه بي الدنيه ونفسي افضفض ومافي غيركم اقوله اتمنى ما اكون ظيقت لكم خلقكم بقصتي .........
مع الف سلااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااام