حب زوجي @hb_zogy
محررة برونزية
قصــــــه وصارت
مسائكم وفل وكـــادي...:26:
هذي قصة وحده طلقها زوجه وغدر فيها وخذ عيالها منها (7)...
كتبت القصيده ذي ...
تكفين يا طيور حرار افزعيلي***أبي عن ديــــار الأهل منك الأخبــار
تكفين حومي فوقهم وارجعيلي***وإلا إن حصل لك حومة داخل الدار
تكفين حول ابيوتــــــهم دوري لي***سبعة فروخ يـوم أخــليهم صغار
شوفي ضناي وعودي وانكفي لي *** وشلونهم ياعلهم صــــــاروا كبار
نسوا دفاي ونومهم في شلـــــيلي***وش علمهم ياعلهم طول الأعمار
قولي لهم إن إمـــكم له عويــــــلي***خمسة سنين دمعـــها دوم مدرار
وقولي لهم إني علـــــى طول ليلي *** أنوح ولــــيا قرب الصبح أنهار
وقولي عـــــيونه دايم له همــــيلي***تبكي ليا شافت من الناس زوار
كل يوم أقول غدي حديهم يجي لي***راحـــت سنيني مابهم واحد زار
وأنا اللي من سبــة سوات الحليلي ***حالـــــي تردت كل ماله وتنـــهار
وفرقى ضناي اللي تردت بحــــيلي***كني على شوفتهم اصلى على نار
ياويلي كان الله عــــــجل رحـيلي*** وأنا لي ســـنين أبي لوهي أخبار
ياعــــونة الله من يبي يرتكــي لي***جارت علي بأمر الولي كل الأقدار
تنكروا من يدخــــلون الدخـــيلي ***واللي بوسط ديارهم يامن الجـــار
قولي لهم ياطــيور قلبي علـــــيلي***الله يكافي قلوبهم صــارت أحجار
وأنا اللي لبراق الخيال استـــحيلي***وأقول ياعــــل (.......) للأمطار
تكفين وسط ديارهم صـوتي لي***شوفي عسى لاسمي مع الناس تذكار
وقولي لمن نسيانهم يستـــــحيلي*** يااللي نــسيتوها ترى الوقــت دوار
ياهيه ياللي بالسما لك هديلـــي*** ردي خـــــــبر تكفين يكفيني أمرار
شوفي أكا اللي نومهم في شليلي *** من آذان المغرب لوقــــت الأسحار
شوفي أكا اللي ماهتني في مقيلي *** إلا بمقيل معــــــــــهم كبار وصغار
وقولي لهم إن كان حـــملي ثقيلي *** مره يجــون وعقبها شي ماصار
وأنا يـــــــتولا ني كريم جلــــــيلي *** ياعلــــني في جنته وسط الأبرار
الله ينتقم من كل ظالم... :(
4
816
يلزم عليك تسجيل الدخول أولًا لكتابة تعليق.
بكتني قصيدتك الله يفرج كربهم وينتقم من اللي ظلمها امين يارببكتني قصيدتك الله يفرج كربهم وينتقم من اللي ظلمها امين يارب
الصفحة الأخيرة
فعلا قصيدة معبرة ومؤثرة والله يخلف على صاحبتها بخير في عيالها ويحنن قلوبهم عليها