@@ قصـــه ولادتــــى @@

السلام عليكم ورحمه الله وبركاته
اول شي احب اشكر كل من سأل عني وباااارك لي بمولودتي الغاليه ( دانه ) mile:" class="inlineimg" />
ثاني شي وهوالمهممممم..
اشكر كل عضوات ومشرفات منتداي الغااالي منتدى حواء على الدعم والتعاون الكبير
اللي لقيته فيه واللي رافقوني طوووول فتره الحمل من اول شهر الى آخر شهر. ألف ألف
ألف شكرررر لكم جميعا والله يجازيكم كل خير يا رب mile:" class="inlineimg" />
ثالث شي.. الا وهو قصه ولادتي.
بسم الله نبدأ.
يوم الاثنين مساء ومثل ما قلت لكم آخر مره كتبت فيها رد لي اني ناويه اشرب زيت الخروع
على كثرررر ما سمعت وقريت عنه انه يعجل بالولاده.
قمت ورحت الصيدليه وشريت لي غرشه وحطيت 3 ملاعق بس ما كثرت فى عصير برتقال فررررررش
وشربته كانت الساعه 11 ونص بالليل بالضبططط. رجعت البيت وتميت سهرانه على النت ومنتدى
عروس طبعا اليييييين اذان الفجر صليت وقريت قرآن وادعيه تسهيل الولاده عقبها نمت.
نمت وانا حالتي عاديه جدا ما فيني لا طلق ولا الم ولا حتى اسهاااااال او مغص من زيت الخروع!!
غريبه.. يعني ما جاب اي نتيجه معاي!! يلا.. تجربه وعدت على خير هههههه.
بعدين.. الله يسلمكم.. الساعه 5 الفجر حسيت اني ودي اروح الحمام الله يعزكم.. وبمجرد اني
قمت من على السرير.. حسيت بشى سااااخن ينزل مني وصكيت ارجولي قلت يمكن سويتها
فى اثيابي ههههه او يمكن كيس الماي انفتح عندي يااااااااا فرحتي 2" class="inlineimg" />
وياااااا فرحه ما تمت.. اكتشفت ان اللي ينزل مني لا ماي ولاهم يحزنون انما كان دم ومو قطرات
لا كان مثل النزيف لدرجه اني خفت موت والفرحه اللي كانت بقلبي انقلبت رعب لان النزيف مب
زيين للحامل او البيبي ولااااازم اروح المستشفى حالا!!
وانا واقفه بالغرفه.. طبعا زوجي مسكين كان نايم.. قعدته وانا اصيح فلان قووووووم اكو ينزل
مني دم مسكين زوجي تخررررع وقام مو عارف شسوي يلبس اثيابه ولا يسكتني ولا يوديني تكرمون الحمام ولا يمسح بقع الدم لاني دمرررت السجاده منه واعليه للحين كل ما اتذكر هالموقف يعورني قلبي عليهad:" class="inlineimg" />
المهم.. قلت له البس اثيابك وامسح السجاده اخاف يجوفونها لعيال ويخافون.. وانا بروح الحمام بغسل وانظف روحي.. وتوني بقعد الا وتطلع مني قطعه دم كبيييييره بحجم السمبوسه متتتتتتتتت
من الخوف والله يا خواتي قلت هذي اكيد قطعه من المشيمه ولازم بيولدوني قيصري الحين
مع اني مجربه القيصري ببجري بس بعد العمليه مب سهله لي.
وعقب ما تغسلت طلعت للغرفه والدم ما زال ينزل مني بس مو بغزاره اول مره قلت بتصل فى اختي
وبسالها لانها ممرضه بالمستشفى واتعرف هالامور وبمجرد ما ردت على طول قالت فيج ولاده اكيد لانمج متصله هالحزه وكانت الساعه 5 ونص الفجر قلت مدري فيني نزيف بس اما الم لاااااا قالت لي
ضروووووري تجين الستشفى احتمال يكون انفصال فى المشيمه لا سمح الله
قلت اوكيه.. اروح وعلى الله.
تسبحت زين وقريت القرآن سوره مريم وأدعيه تسهيل الولاده وكليت لي 7 تمرات وشربت الماي المقري عليه وتوكلت على الله ورحت المستشفى.
رحت الطوارئ وفحصوني وسووا تخطيط للبيبي طلع كل شي سلييييييم والحمد لله بس الدم مب عارفين من شنو بالضبط؟؟ قالت الدكتوره لازم افحصج من تحت ( كشف نسائي ) علشان اعرف من وين النزيف؟ طبعا انا رفضت لانه يعوووووووور وطلعت من عندها وقلت برجع لكم اذا جاني الطلق. بس فيه ممرضه الله يجازها الخير كلمتني وقالت لي اش بينقص منج لو فحصتي على الاقل تجوفين اذا كان الرحم مفتوح عندج او لا وبالمره تعرفين شنو سبب النزيف حتى لو كل شي سليم عندج. هنييييييييه اقتنعت وقلت يلا على ايدج. فحصتني الدكتوره وقالت مفتوحه 3 سم. استغرررررربت لانه ما فيني الم ولا شي وطبعا قالت مستحيل ترجعين لانج ولاااااده وبتتوسعين بسرعه الحين خصوصا ان معاج نزيف. الدم طلع مو من المشيمه والحمد لله بس الضاهر انها علامه الولاده وبس. بس انا خفت لان اول مره يصير معاي هالشي.
المهمممم..
تميت فى المستشفى وبدليت اثيابي ورجع زوجي البيت لانه ممنوووووع يتم معاي بغرفه المخاض والولاده قانون جديد عندنا مااااااااا اسخفه ابصراحه اشكثرررررر الوحده تحتاج لزوجها بهاللحظات لكن الشكوى لله
بدا الالم يجيني وكان يزيد عليي كلما سمعت باقي الحريم يصارخون ويولولون ههههههه يعني مشاركه وجدانيه. وسبحان الله كل شي مشى تمااااام والحمد لله لحد ما وصلت ل 10 سم هنيه كل شي اوكيه. بتقولون ليش قالت ان ولادتها صعبه الحين بخبركم شنو صار معاي.
يوم وصلت عشره سم المفرووووض اني اقوم بالدفع صح.. لكن اللي صار العكس.. ولا حسيت بشي بس الالم يروح ويرجع كل دقيقه تعبتتتتتتتتتتتتتت متتتتتتتتتتتتت والبنوته مو راضيه تطلع وانا مو قادره ادفع مو لان ما فيني قوه بالعكس انا واااااايد اساعد روحي فى ولادتي بالتنفس ولا اصارخ ولا شي واحتفظ بقوتي وطاقتي لمرحله الدفع بس المشكله اللي صارت اني ما حسيت اني ابي ادفع لدرجه ان البنوته راسها تحت وبدت تضعف نبضات قلبها
هنيه جت الدكتوره واتقول لي معقوله ما فيج عصره على قولتهم قلت لها لا دكتوره خلاص سوولي عمليه وفكوني لاني تعبت من الالم قالت لااااااااااااااااااااع حرام طلقج تمام وما فيه احسن منه ومفتوحه 10 سم حرام نسويلج عمليه حاولي حاولي قلت لها خلاااااااااص ما اقدر ما فيني.. حتى انهم اتصلوا في زوجي ونادوه علشان يوقع على العمليه وهو كان فى حاله ما يعلم بيها الا الله
مسيكين ريلي.
بعدين نادوا لي دكتور ريال انا من جفته خفت وقلت شنو ريال فى الغرفه طلعوه ما ابيه حراااااااام ههههههه وهم يقولون لي اشفيج حالتج متعسره ويمكن البيبي يختنق هو صج ما فحصني ولا لمسني ولا شي بس طالع التخطيط تبع البيبي وقال عندها 10 دقايق بعد اذا ما ولدت نسويلها عمليه!! قلت خلاص بحاول يلا ساعدوني وشمرووووووووووا الممرضات عن سواعدهم وحده تمسح ووحده تضرب هههه كأني فى حلبه مصارعه هههههه وقمت ادفع من غير احساس بس جذيه لعل وعسى يطلع الراس !! واضطرت الدكتوره تسويلي شق طبعا علشان تساعدني ووالله العظيييييييييم اني حسيت بالقطع لانها ما عطتني مخدر ما كان فيه وقت اصلا.. وطلع الراس بس مو من قمه الراس لا.. طلع الوجه والله موووووووووووووت موووووووووووووت اتصوروا ما كنت اقدر ادفع لان البنوته نزلت من وجهها مو من راسها كانت الولاده صعبببببببببببببه جداااااااااااا جداااااااااااااا ما اقدر اوصف لكم اشكثرررررر تعذبت والله حتى الدكتوره تعبت معاي حاولت قد ما تقدر انها تساعدني من غير ما اتعذب اكثر وبعد عناء طويل طلعتتتتتتتتتتت دانه حبيبه قلبي وصراخها نساني كل الالم يا سبحااااااااااااااااان الله صج الوحده تنسى كل شي بمجرد سماع صوت البيبي.
وحطوها على صدري فديتها كانت زررررررررقه لانها مختنقه بس الحمد لله صارت زينه بعد ما عالجوها ونظفوها بسرررررعه. اما انا فقامت الدكتوره تخيطني وسالتها قلت لها ليكون وااااااااايد الغرز بس ؟؟ قالت لا اشوووووي وخذت 10 دقايق بس فى الخياطه وخلصت وهي اتقول لي ناس ياخذون سااااااعه كامله فى الخياطه تحمدي ربج ههههه.. الف حمد وشكر لك يا الله مو مهم التعب مو مهم الالم مو مهم القطع مو مهم الخياطه كللللللله مو مهم المهمممممم بنوتتي وولادتها بالسلامه وقيامي انا بعد بالسلامه ولله الحمد من غير عمليه ولا شي.
ادررري طووووولت عليكم وااااايد حشى فيلم هندي مو ولاده هذي ههههههه بس حبيتكم تعيشون معاي كل لحظه بلحظتها mile:" class="inlineimg" />
وبسسسسسسسس..
هذي قصه ولادتي من طأطأ الى سلامو عليكو..
وامسامحه مره ثانيه على الاطاله.
الله يخليلي دندونه يا رب ويسهل على كل حامل ووالد ويرزق كل محروم باذن الله.