قصه أمل .....

كانت البسمه بشفاهي
والحزن عن عيني لاهي
كني مثل شمس الربيع
املك أمل يكفي الجميع
لكن حصل كل العجب
يوم اجبروني ع العرس قوه وغصب
طبعا ولي امري السبب
وفي ليله فـبدايه شهر
صار النحر
وكنت الاميره بالقصر
وتحت انوار الشموع *** طليت انا بثوب الزفاف
و وسط افراح ودموع *** سمعت انا كل الهتاف
وبلا غرور .. نلت انا اعجاب الحضور
كني البدر ليل التمام
كني النجم فوق الانام
مكمله بزين وحسن
بس للاسف كلي حزن
بكتفي بوصف المظاهر
والتفت لاقسى المشاعر
منجم الماس بعيوني
والجواهر هي شجوني
تتحدر كنوزي بغزاره
حارقه الخد بحراره
والكل يظنها من الفرح
وبداخلي ينزف جرح
هذي انا بليله زفافي .. في عيون الحاضرين
وكل شي اختلف في نظرتي .. عن كل عين
هذي انا بليله وفاتي *** وهذا انا بثوب الكفن
مودعه ايامي وحياتي *** مستقبله يوم الدفن
وهذي الجنازه مقبله
وروحي سجينه مكبله
وقبري هو البيت الجديد
بيسكنه قلبي الوحيد
ياحصن كمل جميلك بالصبر
واكتم الغيظ المصاحب للقهر
الحل اكمل دنيتي حتى يوافيني الاجل
والامل اني اتوفى بهذي الليله عجل
وانتظر موت سعيد
يحتويني بيوم عيد
والفظ انفاسي الاخيره
ياعسى في موتي خيره
وتنتهي قصة (امل )




م
ن
ق
و
ل
وأتمنى انها تكون عجبتكم...