قصه ؤلمه ..احببته فطلقني

كاي فتاه تحلم بفارس الاحلام كانت امنيتي....بع تخرجي من الكليه وهبني ربي ماكنت اتمناه نعم انه فارس احلامي ملكت مده لاتقل عن 6 اشهر عشتها معه كانها 6 سنوات انسان لا ازكيه متدين خلوق طيب رومنسي معلم يعني اي مواصفات حلوه راح تلاقينها فيه بس ربي مااراد اني اعيش معااااه توفااه الله ,,,اظلمت الدنيا بعيني وكنت اقول مستحيل الاقي انساااان مثله ,,,دعوت لربي يربط ع قلبي ويعوضني خير ,,وفعلا تحقق حلمي الثاني ,, رجل من نوع اخر متدين بار بوالديه ذو شهره ومنصب,,, كنت مستبعده اني احب رجل مثل حبي لزوجي الاول,,,,ولاكن الله غرس محبته بقلبي فكنت اعشقه,,ملكت خلال شهر وزواجنا كان بعد اللملكه بشهر,,,خلال الملكه كان يراسلني وعاااد انتوا تعرفون كلمااات الغراام خلال هالفتره... اول مادخل علي بالملكه قالي تدرين انا ماسالت عن العمر قلتله العمر مو مشكله اهم شي السعاده سكت؟؟ وكن عمري 28 وبعدها صار الزواج ,,اول ماركبت السياره ماباركلي بالزواج ولا كلمه حلوه قالها ,,, بس بتستغربون حاجه وحنا بالطريق كان يقلي ان المرأه ماهي ملك للرجل يمكن يطلقها يمكن يتزوج عليها وووو؟؟؟؟ طبعا انا خجلانه سكت ولا كلامه ماله داعي ابد بس الشكوى لله ,,, دخلنا الفندق بعد ماتعشينا اعطيته هديه مني وربي ماكني اعطيته شي ولا قالي ولا كلمه ,,, جاب لي هديه وشكرته عليها ,,كان رسمي معي لايسولف ونادر مايضحك ,,, كان يقلي عطوراتك قديمه مع انها من افخم الماركات ..اي شي اجيبه مااايعجبه ابد,,,, الفواحه ريحتها ماهي حلوه ,, كان يقلي هذا العود اللي جبته غالي احسن من العود اللي جبتيه,,, مع اني انسانه راقيه وفنانه وهو بعد بس مدري وش هاالتصرف,,,, سالته سؤال انت تحبني قال مستحيل اقلك الحين ,, الحب مع العشره,, هذا الكلام كله فالاسبوع الاول ,,,رجعنا من شهر العسل اللي حسيت فيه اني مهاااانه بشكل ماتتوقعونه,,,, مااشوفه يبتسم الا وقت الجمااع فقط,,,, رجعنا لديرته واستقبلتنا زوجته احسن استقبال ع مااشوف انها طيبه مره,, طبعا ع شان مااظلمه انسااااان عاااادل ,,, عني ليله وعندها ليله ,,, طبعا وهوعندي يروح لمكتبه الساعه8 ويرجع 10 ع حسب يدخل والله مايقول السلام عليكم قلتله ليش قال طبيعتي كذا,,, مايمدح لبسي ولاطبخي ولاشكلي اااابد ,, صراااحه لو وحده ثانيه قالت طلقني,, بس انا حبيته فكانه ماسوى ولاشي,,, مر الاسبوع الثاني نفس الاول وبعدها الاسبوع الثالث قلتله بروح لاهلي قال اوكي بس يومين وتلرجعين قلت من عيوني ,,, ماتتوقعون وش كانت فرحتي ... جلس 3 دقايق وقال اقلك خذي اغراضك كله قلتله ليش قال بعدين اقل .. طبعا الكلام هذا العصر ... جلست افكر ليش يقلي كذا,, اكيد بيسافر او او او؟؟؟ طلع الاستراحه ورجع لي الساعه 12 وانا تعبانه حيل حاااامل وماكنت ادري ,,, رجع وقالي المفاجئه وليته ماااقال ,,,, قال انا مارتحت معك انا تعبان ,,, صراحه انصدمت صدمه للحين وانا تعبااانه بكيت وترجيته,,,, قال الله يعطيك واحد احسن مني ,,,, بعدها طلع لزوجته الثانيه ونام عمدها بحكم انها ليلتها,,, وانا لوحدي ابكي واصيح الين الفجر,,, اتصلت عليه وقلتله ودني لاهلي طبعا الساعه السادسه صباحا,, قال لا خليها 8 عندي شغل بالمكتب,,,, سكت وانتظرته وبعدها نزلني عند اهلي ع اساس انه بيطلقني,,, بعد يومين جاه خبر اني حامل>> ارسلي رساله يبارك وانه فرحان وبيرجعني وانه يبي العيال,,,, ماتتوقعون كيف فرحتي,,, بعده صار يحول جواله يطنش رسايلي... حتى تعبت نفسيتي انا واللي ببطني.... ارسلتله ليش كذا يقلي تعبان وووو... بعدها تعبت وسقطت... قال حاولي تنسيني واللي بيننا شبه منتهي ... وطلقني... لبى فؤادك يامنى الروح وين انت... ياللي حياتي دون وصلك ولا شي,,,,,,, صراحه وبدون مجامله حبيته وللحيين ادعي ان ربي يسعده ويرزقه الذريه الصالحه,,,, هو الحين تزوج بعد ماخلصت من العده ,,,, بس ياليت توصله رسالتي ويدري اني سامحته ع كل كبيره وصغيره وببيح منه للموت,,,, واقله ليتك من البدايه خليتني معززه مكرمه عند اهلي ولا قلت الحب يبااان مع اعشره,,,, اسالكم بالله تدعون لي ان ربي يرده لي اذا فيه خير,, او يعوضني خيرا منه..... مطلقه في شهر العسل:44: