قصه اجهاضي ... + دعوه للي اجهضو :(

السلام عليكم حوائيات

طبعا قصه خبر وفاه جنيني ذكرتها في موضوع سابق لكن الي مادخلت موضوعي
انا حامل بالشهر الخامس ورحت لموعدي واكتشفت ان الجنين ميت وطبعا تبهذلت مع المستشفى الي اراجع عنده ووعدوني بعمليه قيصريه اذا مانزل وحددو لي موعد بعد اسبوعين تقريبا

رحت لمستشفى ثاني لما شفت ان نفسيتي تازمت مع تاخر نزول الطفل قعد في بطني ثلاث اسابيع وهو ميت
المهم رحت ونوموني وعطوني حبوب وتحميلتين وطلق صناعي واحس لو عندهم شي ثاني ماقصرو كلها مره وحده مابينهم الا ساعه او اقل وعقب مافتح الرحم نص سم اعطوني الطلق فقط ومن شدته عطوني مسكن لان الدكتوره تقول الالم كثير لازم نخفف عليها
المهم نزل الطفل والمشيمه بولاده طبيعيه ولله الحمد وكانو كاملين مااحتجت تنظيف وطلعت من المستشفى
الحمدلله اللهم اجرني في مصيبتي واخلف لي خيرا منها

سوؤالي :

الي اجهظت من اربع شهور وفوق متى حملتي بعد الاجهاض؟

وهل استمر الحمل وكان تمام ؟

وهل صلحتي تحاليل قبل الحمل علشان تعرفون سبب وفاه الجنين ؟ وايش هي التحاليل اللازمه ؟

وايش نصيحه الدكتوره لك ؟

دعووووووه للمناقشه للجميع
والله يعوضني انا وياكم ياااااارب