السلام عليكم ورحمه الله وبركاته ..
انا اليوم بطرح لكم مشكله لي تقريبا اسبوعين من عرفتها واحاول ادور حلول لاكن ما فيه فايده كل الابواب مسكره في وجهي .
في البدايه اخي مصاب بالتوحد عمره 20 سنه بالطبع هذا الشخص لايمكن اقناعه بشي ولا التأثير عليه .. لان الي في راسه يسويه .
المشكله هي انه دائما يطلع في الشارع يروح يشتري ويتمشي .. وطبعا هو رجل ولا نقدر نحبسه في البيت واذا حبسناه في البيت يسوي مشاكل يضرب ويصارخ .. وما نقدر نسيطر عليه .
انا توني دريت منه ان عيال الحرام في الشارع يستدرجونه لبيوتهم ويقول لي هالشي بعد ما استدرجته في الكلام وبينت له اني ما راح اهاوشه . بعد الكلام معه عرفت انهم يعرضون عليه فلوس ويروح معهم لاكن ما يعطونه يلعبون عليه وهو يصدق المسكين .. وانا مرررررره ضايق صدري وما ادري ايش اسوي .. وانا متزوجه لو اني في البيت كان حاولت امنعه او اي شي .لاكن والله العظيم ما في ايدي اي شي .. وحتى امي ما قلت لها اخاف تتضايق ويجيها شي .. وهي ما تقدر تسوي له شي .
تكلمت مع امي في موضوع انه لو يدخل مستشفى او شي لاكن قالت ما فيه احد يقبله ,,
لان حالته مستقره .. لان المستشفى يعطيه حبوب نفسيه مهدئه ..
وقلت لاخوي الكبير عن المشكله لاكن سكت وما قال شي .. انا ما ادري هو ما اهتم والا ايش .. حتى الاخوان ماهمهم الا بيوتهم وعيالهم .. الله يهديه بس .
انا قلت لكم هالمشكله وابيكم تكفون تعطوني حل وتدعون له . وكان فيه شي اقدر اسويه علشانه .. والا كان تعرفون مستشفيات او مصحات يقبلون حالته .. حتى لو بفلوس ..
علما ان حالته مو مجنون لاكنه مصاب بالتوحد فقط ..
الله يجزى خير كل من ترد علي .. والله يشفيه ويعافيه ويحمه من اولاد الحرام يارب .. وكل قارئه لموضوعي ..
تكفووووووووووون ابي حل الله لايصيب ولا وحده منكم مكروه
طفش مليت @tfsh_mlyt
عضوة جديدة
يلزم عليك تسجيل الدخول أولًا لكتابة تعليق.
الصفحة الأخيرة
ما تسكوتيش
هو مش عشان ولد هتسكتى وتقولى خلاص ديه كارثة
تصورى لو كان بنت كنت هتسبوه
ربنا يشفيه
قولى لامك وصعدى الموضوع هو مش بأيده المشكلة فى ولاد الحرام الله لا يسامحهم