قصه اعـــجبـتنــي ....................م.ن.ق.و.ل

السلام عليكم ورحمة الله وبركاته


هذه القصة قصة واقعيه وقريبه جدا لأسابيع


مع احد الاصدقاء يقول


كنت مسافر أنا وواحد من عيال عمي مرورا الدوادمي الي مدينة الرياض نهاية اجازه قبيل عدة اسابيع .


طبعا كان طريقا الدوادمي القرنه ومن ثم لبخه وحويته هذا الطريق الكل يعرفه


في سفرنا مرينا بعد العصر مع الدوادمي ومشينا ولما تبقى على كبري الخط السريع حوالي 4 كيلو تقريبا
كان الوقت مابعد المغرب ونسبة الضلام تتطلب أشغال الانوار وأشلغت الانوار وكان الطريق مسار واحد الذي ياتي من لبخه فيه منحنا قبل الكبري ب4 كيلو وهذا الكبري يدخلنا طريق الرياض والحجاز ومعروف لدى الجميع .


( مع المنحنى دائما يخرج نور السياره خارج حرم الطريق لابد) وهنا شوهد الحدث يعني ليس على الاسفلت .جنب الاسفلت بما يقارب 50 مترا تقريبا .


خارج حرم الطريق فيه نبتات كثره ومتنوعه بما في ذلك الرمث
وبعد ماخرج نور السيارة خارج حرم الطريق شفت أو لمحت شي غريب وراء الرمث ولكن كذبت نفسي وواصلت مشي ولم نبعد
فقال لي خويي يأخي كأني شفت شي برا الطريق قبل شوي قلت أنت شف بعد وأنا كذبت نفسي


على طول قلبت السيارة رجعه


ولفيت لنفس الموقع والاضاءه قويه وتقربت من الرمث ولا أشوف شي


بعد ماتقربنا مره
وإلا بنت عمرها تقريبا سبع سنوات
وتشخط ركض وهروب وصياح والدنيا راحت ظلامين عندنا مع الليل صدمة هذه البنت
وأحنا نمشي وراها بالسيارة أقول لخويي وش هذا جن وإلا أنس قال مادري نطالع جنبنا عوائل غيره ولا فيه أحد ابد



قلت مافيها تعال سوق السيارة وأنا بحلقها برجولي لما أمسكها طبعا


نزلت وراها ركض ما أسمع إلا صياح وعلى نور السيارة عن بعد


ركض






وركض







وركض


حتى
مسكتها وأنا متخوف منها ومن ثما تشنجت البنت لا تبكي ولاتتكلم


حملتها بين يدي وإلا فعلا أنس وليست جن . بنت حليوه مره حتى شياكتها جنتلها عمرها تقريبا سبع سنوات .
( وش ذا ياولد أكلم نفسي)
وقف خويي بالسيارة جنبي وأخذت ماء وغسلت وجهها
تركتها تريح شوي
حاولت أسالها وش أسمك ؟
من وين جايه؟
منهو ابوك ؟
تطالع فينا فقط بخوف وبكاء ولاتتكلم
حاولت أهديها وأريحها نفسيها لعلها تتكلم رفضت الكلام


وأحاول
طبعا في موقفنا لم نتحرك
واحاول


حتى بدأت تتكلم بشويش بصوت غامض لايفهم
طيب قولي وش فيك ؟
قولي وش فيك ؟
أخيرا قالت أهلي تركوني وراحوا
متى؟
قبل شوي
وين رايحيين؟
ما أدري
طبعا كل سؤال يتكرر عشر مرات .
جايين من وين ؟
ما أدري
طيب وش سيارتكم؟
قالت صالون ابوي ( انا وش عرفني صالون ابوك )
كيف لونه؟
مأدري
لو شفتي الصالون بتعرفينه مع الطريق؟
قالت نعم
قلت ممتاز .
خويي وش الحل برضه خويي منلمخ ما (أدري) .


جلست اضربها بالتخمين .
رايحين للدوادمي!؟
أو مع الكبري بيروحوا يمين للطائف أو يسار للرياض !؟ في حيره من أمرنا


قلت ياخوي أمسك البنت وحاول تكون هادي معها بالمره وأنا اللي بسوق .
أقرب تخمين أنهم بيروحوا للرياض ولكن طالما البنت تعرف شكل الصالون بشخط طيران بأتجاه واحد للرياض لعلنا أقل شي لو كانوا رايحيين للرياض نمسكهم قبل دخولهم للمدينه وأذا دخلوا ماعاد قدامنا إلا نسلمها للجهات الامنيه ولكن مسكينه وتقريبا تجرأت علينا


مشينا هذا الكبري قدامنا يارب توقفنا لهم
دخلنا السريع ودعسة 200 ,190 ,220 طبعا السرعه
ونطالع بالصوالين.كابس النور العالي لعلها تشوفهم . أعميت الاتجاه المعاكس بالانوار
هذا يابنت
لا
هذا يابنت وأضطر اهدي السرعه
لا
أحلا شي تفاعلت البنت معنا تشوف الصالون وأحنا مارين لا مو هو بسرعه تقول .وصارت مبسوطه عشان نطرد السيارة تحسب أنا في ملاهي وتنبسط . وأحيانا تقلب علينا بكاء .
قربنا من المزاحميه
مع السريع قدامنا هناك صالون يمشي ونقرب منه وأحنا مسرعين
إلا البنت تصيح هذا صالوننا
هذا صالوننا
وإلا الصالون شكله محمل ومانشوف مابداخله ضلام
أكيد بابنت قالت والله هذا هو
قلت والله موقفه موقفه هو إلا ماهوب هو .


وأهدي السرعه وأجلس أكبس له بالانوار
ويرفض يوقف
أجي قدامه يوخر عني ويتجاوز
من سوء الحظ لمبة السقف عندنا عطلانه وإلا نشغل النور الداخلي وكذا يمكن يشوف البنت ويوقف
أجي جنبه من يسار وأضرب بواري عليه
وإلا بس ينفظ يديه ويطالب يحسب أن نغازل عوايله عشان ضايقناه مع الطريق.
أحنا قفلت معنا منه عدم وقوفه
أخيرا قدامنا محطه وأحاول بحشره مره لجل يوقف عندها لو كان خايف
ستر الله وهدا السرعه يتهيئا للوقوف
وقف
نزل كذا ناوي الشر ويطالب

قلت هذا ابوك يابنت اللي نزل قالة هو ابوي .
وأنزل وأوقف قدامه ماتكلمت وهو يطالب بصوت عالي سويت به حركه لاتذكر مره وأثنين وثلاث وقف هو محتار خلاص بيقتلني
نزل خويي والبنت معه وشاف البنت انصدم عرف اننا مع حق وأنصدم مره كاد يغما عليه وجلس برعشه
,,,,,,,,,,,,,,,,,,,,,,,,,,,,,,,ثواني,,,,,,,,,,,,,, ,,,فقط
ونزل علينا من الصالون أمه أن كانوا قليلين ثلاثين شخص مابين أطفال وبنات وحريم
اللي يصيح واللي يذكر الله واللي يبوس البنت توقعت البنت تروح عشرون قطعه كل خمسة ماسكين عضو( مهرجان) قدام المحطه منظر غير طبيعي .يبكي القلوب المتحجره.
سجد والدها شككككككككككككككككككككككككككككككككككككككككككككككككك كككككككككر لله
قال والدها أحنا وين ووش صاير ؟


قلنا ذا البنت لقيناها جنب مفرق لبخه وحويته
سكت . قال فعلا وقفنا هناك وصلينا المغرب وعلى طول مشينا لم نفقد أحد
قال على العموم ماقصرتوا ولا تروحون أطلاقا ومن ذا الكلام .....وهو جالس مو قاوي يقوم تقريبا............................................ ..........@ تحس بشي ؟ قال لا .
أطلبوا اللي تبونه ومن ها الكلام .وعزايم . قلنا الله يستر عليكم بس دعواتكم لنا هذا اللي نبيه
جعلنا الله وسيلة أنقاذ وإلا لو أمضت ليلتها برا
وأين سوف يبحث عنه والدها
لو فقدتها أمها قبل ماتوصلها راح تشكل خطوره على حياة الام كذلك


كل شي بأرادة الله عز وجل وكاتب لها حياه .
.
ومشينا وتركناهم عند المحطه
شكلهم بيحسبون بعض من جديد