جتنا خاله صديقه الوالدة الله يوفقها تقص علينا
تقول كانوا ساكنين ببيت وسط النخل
فقر و شح ايام الأولين
ابوها تزوج امها على أساس تساعده الام بالنخل اول الناس تتزوج بنت مطلقه ارمله اهم شي حرمه تساعد زوجها
رزقهم الله بالخاله ام صالح بعد سنوات بعد طفلين
تقول كان والدها الله يرحمه شديد ما يضحك
لكن هيبه ويخافون منه واحيانا بزعلن منه
وبالعيد الام تنزل تشتري لها ملابس من الديرة وخويتمات ذهب وتخصها من بد خواتها وهي تموق عليهن أن امها تفضلها عليهن
والهواش لاخواتها وهي احسن منهن الحمدلله
وبيوم نزلت بطن ااحوي لقت دميه تستناها من اسواق الرياض من يطول الجفرة و الديرة كانت مثل العقاريه وزاد حبها في امها الي تجيب لها
ثم جاء ابوها مرض وكثير كانوا يطيحون من النخل ويموتون مافي اول عمال ولا رافعات تساعد
سبحان الله الأب تحسن. ثم سافر لطلب المعيشه ولافي جوال ولا نت تواصل كل سنه يوصلهم كم قريش مع خوي له
البنت الي هي الخاله ام صالح فقدت الخويتمات بالعيد والدراعات المختلفه عن خواتها صار لبسها مثلهم والام تشغلها مع خواتها بحلب العنز والكنس وخبز التاوة
سالت امها اكتشفت أن الأب هو الي كان مغليها من بد خواتها لأنها تشبه امه
ومخبي حبه لان طبع الأباء اول تربوا على الخشونه لكن بداخله رقه يخفونها لزوم المرجله ،
وحملت وكملت وفي اصيبع الصغير دملت.
الله يطول بعمر ام صالح وكل الجدات الي قصصهم جميله وفيها عبرة من زمن الأولين زمن الصبر والزهد
سميه بنت عمار @smyh_bnt_aamar
عضوة نشيطة
يلزم عليك تسجيل الدخول أولًا لكتابة تعليق.
حرم الفارس 💟
•
مافهمت بعض الكلمات بس ام صالح شكلها حبيبه 😅
شكلكم من قرى نجد أو القصيمشكلكم من قرى نجد أو القصيم
ليش بتناسبيني
الشاهد أن الأب مهما كان قاسي داخله رقيق الا الحالات المرضيه
الشاهد أن الأب مهما كان قاسي داخله رقيق الا الحالات المرضيه
ليش بتناسبيني الشاهد أن الأب مهما كان قاسي داخله رقيق الا الحالات المرضيهليش بتناسبيني الشاهد أن الأب مهما كان قاسي داخله رقيق الا الحالات المرضيه
استغفر الله ...ياشين بعض الطبوع
رديت على كلام التعليق اللي فوق لما قالت بعض الكلمات مافهمتها
رديت على كلام التعليق اللي فوق لما قالت بعض الكلمات مافهمتها
تجنن القصه ولها فائده جميله
فعلا بعض الاباء مايبيون لانهم تربوا ع كذا بس بداخلهم شي ثاني
مشكوره ع هالمشاركه الجميله
فعلا بعض الاباء مايبيون لانهم تربوا ع كذا بس بداخلهم شي ثاني
مشكوره ع هالمشاركه الجميله
الصفحة الأخيرة