فيه اخت كانت تحب ولد عمها ومريضه ومات ولد عمها بحادث.. وكانت تقرأ عن القرين وخرافات اللي يسوون فيديوهات باليوتيوب لأجل اللايكات والشهر..
المهم وصلت لها عن طريق ردود.. و رقيتها فكانت تقول اللي رقيت عندهم يقولون قرين متسلط.. رقيتها ونطق الجن وقال انا قرين ما اطلع معاها.. قلت قرين ما ينطق ولا ينسحر لانه طبقه أعلى من الشياطين اللي تخدم الاسحار.. يعني ممكن يساعد بالمعلومات لكنه ماينسحر..
المهم قال قرين ماراح اموت.. وبديت بآيات الحرق والحمدلله البنت متعاونه يعني ما ملت جلست ساعتين أرقى.. واخر شي قال تدري انا مو قرينها انا قرين ولد عمها.. قلت طيب القرين يبقى مع صاحبه ليش داخل للجسد... قال ولد عمها مات وهو يحبها قلت طيب.. وكملت الرقيه.. وبعد وقت قال تدري انا ماراح اطلع لاني احبها.. من حسب خبرتي ان شيطان العين والحسد اذا نطق يحوم حول الاصابه وأحيانا يقول نفس كلمة العائن.. مهما تغير الموضوع يرجع ينتقد الشي المصابه فيه.. فكان يقول ليه حلوه كذا ليه حلوه كذا... فركزت اكثر عليه بما اني عرفت الاصابه عين.. قلت وش اكثر شي عاجبك فيها... قال جمالها وطيبه قلبها.. قلت تمام.. واكرر آيات تخص الجمال بمجرد اني عرفت وين الاصابه خلال عشر دقايق قال بطلع لكن وين اروح... قلت صاحب العين مات.. فما راح يمدي تتقوى بشي ثاني... أما تسلم وتعيش حياتك.. والحب اللي تحس فيه هذا ربط بينك وبينها بسبب ولد عمها.. انت الان هنا بسببه فإما تقتنع بكلامي وتخرج وان أحببت تسلم وتصير أقوى وعزه ويرزقك الله بزوجه جميله وذريه... هنا قال طيب اطلع لكن وين اروح... قلت لمكه هناك جن مسلم راح يعلمونك الإسلام الصحيح.. لكن قبل تخرج.. وش سويت داخل الجسد... قال اشياد كثيره منها عقدت القلب وخليتها تبكي عليه ليل ونهار ومنها خليتها تحاول تنتحر ولعب بجمالها وشعرها... قلت كل هذا يرجع طبيعي الان بإذن الله بقرأ عليك ايه الكرسي واذا انتهيت تقول لي... قرأت وقال كل شي الحمدلله طبيعي لكن فيه اشياء تاخذ وقت منها جمال الوجه فقلت مو مشكله اهم شي ما يبقى فيه أذى... هل تشوف بجسمها حسد او اي أصابه ثانيه فيها او في عايلتها قال لا.. هي بس والان مافي شي... وخرج
من علامات الشفاء ان ولد عمها ما يروح عن بالها وايضا بكاء وحزن.. كل هذا ثاني يوم ولا كأن فيه شي.. وكانت من النوع اللي اذا حضر الجن عليه ما يتذكر.. فما قلت لها شي إلى ثاني يوم... ثاني يوم قالت احس بهدؤ وراحه وخفه ويوم ناظرت في المرايه وجهي مختفيه الحبوب عليه و مورد قلت قولي ما شاء الله.. انتي كذا وكذا امس صار معك.. ففرحت والتزمت فتره بالزيت والقرآن وبعدها تزوجت..

الهدف من القصه : كيف تتعامل مع الجن خاصه خادم العين والحسد لا يخرج الا والشي اللي خربه يطلعه.. بعض الرقاه يقول للجني اطلع والجسد مريض بشي والأثر باقي... منها سرطان بالمخ لو ما قلت له المرض تشيله.. ما يروح ويدخل اخر يتسلط عليه ويزيده لأجل يحمي نفسه بجسم المريض..

والفائده الثانيه العين والحسد ما يتكلم الا بالاصابه... والفائده الثالثه الجن اذا حس انك مصدق موضوع معين يساعده بالمرض يركزلك عليه.. انتبه.. لا تبني حياتك وتضيع الايام واخر شي إصابتك شي ثاني وممكن سهله...

الفائده الاخيره تسأله هل فيه غيره بالجسد.. أيضا اذا كان فيه غيره تقول له هل يريدون الخروج.. هل يريدون الإسلام.. هنا تختصر العلاج... صحيح الشيطان كاذب لكن ممكن يساعد اذا راح يترك الجسد.