قصه بعنوان شهرياروشهرزاد بنكه سعوديه 2011متعه وتشويق

//// السلام عليكم ////




مرحبا حياكم الله اليوم حبيت أحط لكم قصه من نسج خيالي كالعادة بس اليوم أنا اقتبستها من شهريار وشهرزاد طبعا الكل يعرفهم بس أنا أخذت منهم أشياء بسيطة والباقي انا كملته واليوم شوي الفكرة غير عن كل مره اتمنى تعجبكم اليوم كتبت لكم كذا قصه مو قصة وحده
قبل أبدء بحط رابط القصتين ألا خيرات حقاتي
للي ماشافهم أنا وعدتكم أحط كل قصصي لكن البحث في المنتدى معطل بإذن الله إذا رجع بحطلكم الباقي
القصه الاخيره مصدرها عالم حواء
باسم كسرت راسها ونسيت باب قلبي مفتوح

http://forum.hawaaworld.com/showthread.php?t=2953218
والقصه القبل الاخيره <جميله ولاكن >
http://forum.hawaaworld.com/showthread.php?t=2916661


والحين اخليكم مع القصه الجديده لاكني مابيح ولااحلل الي تنسبها
لنفسها الي تاخذها تقول انها منقوله وتقول اسمي والحين تفضلوا حياكم الله
*********************
في إحدى المستشفيات سنة 2011

الممرضة : مبروك مدام أنتي في جيب ولد
**************
إلام : ولد الحمد لله وين زوجي ماي هازبن
***************
الممرضة : واحد دقيقه أنافي نادي
***********
الزوج : مبروك ألف مبروك
***************
الزوجة : الله يبارك فيك أخيرا بعد صبر هالسنين كلها الحمد لله
****************
الزوج: ايو الله ربي كريم طيب ماقلتي لي وش نسميه
*******************
الزوجة : وشرايك نسميه شهريار
*****************
الزوج : شهريار وش هالاسم بس على راحتك شهريار ليه لا
وبعد ماجابو شهريار ما رزقهم الله غيره لابنت ولا ولد وكانت إلام تهتم فيه وتحبه بصوره مبالغ فيها دلعته دلع عمر محد شافه وكانت كل يوم قبل النوم تقص له قصه صار شهريار يحب القصص ويموت فيها كبر شهريار وبعد ماتخرج من ألجامعه
قررت أمه أنها تزوجه فقالت له
******************
إلام : وشرايك ياولدي اخطب لك بنت الحلال إلي تسعدك وتهنيك وعشان تملي لي البيت بعيالك
**************
شهريار : شورك وهدايت الله يمه أنا ماعندي مانع لكن أنا عندي شرط بالعروس إلي تخطبينها أبيها تكون حلوه وجميلة
وتكون تحب القصص تعرفين يمه إني متعودعلى القصص وماقدر استغني عنها ولاانام بدونها
********************
إلام : بس ولايهمك بسيطة ماطلبت شيء من بكره أبدء أدور لك كم شهريار عندي
******************
وفعلا بدئت إلام تدور وتسال والحق يقال إن شرطه غريب وعجيب فإلام المسكينة تعبت وهي تدور عليها لحد ماراحت يوم لوحده من جارتها
الام : والله ياخيتي إني تعبت ودي ولدي يتزوج لكنه شارط شرط مالقيته في ولاوحده وكل ماقول لاحد يحسبوني مهبوله ويقولون لي روحي بس ماعندنا بنات للزواج مدري وش أسوي
***************
الجاره : الله لهدرجه وش هاالشرط هذا إلي يخليهم يقولون لك كذا
**************
الام : ولدي طالب وحده حلوه وجميله وتحب القصص يبها كل يوم تقص له قصه تخيلي وين الاقي هالبنت علمته عالقصص وتورطت
*****************
الجاره : ولايهمك يا أم شهريار طلبك عندي لي بنت أخت عقلها وروحها القصص اسمها شهرزاد أمها تقول طفشتنا ماغير تقص لنا ذالقصص وجمالها لوتشوفينها بسم الله عليها تقولين من ألف ليله وليله لكنها لسه تدرس وشرايك إذا ودك اكلم أختي واسألها يزوجونها وش قلتي
****************
الام : الله يسعدك يختي والله هذا عز الطلب تكفين كلميها وان وافقت لها مني إلي تبي هذا ولدي وحيدي وأبوه الله يرحمه مات وخلاله ثروة كبيره والي تطلبه مراح نقولها لا وإذا قالت
لك تبيها تكمل درستها قولي لها تكمل في بيت زوجها مراح نمنعها
*****************
وبعد ماقلت ألجاره لأختها هذا الكلام وافقت وقالت خلي أمه تجي عشان أتفاهم معها عندنا شويت شروط إن وافقوا صار بإذن الله النصيب وان ماوفقت الوجه من الوجه ابيض (يادار مادخلك شر) وفعلا جت إلام عندهم

أم شهرزاد : ياهلاومرحبا ياحيا الله من جانا
*******************
أم شهريار : الله يحيك بصراحة جارتي قالت لي إن عندكم بنت نفس مواصفات الي يبيها ولدي
******************
أم شهرزاد : صحيحح أختي صادقه بنتي فيها طلبكم تموت في القصص ومالها سيره غيرها وفيها جمال ماهو على احد بسم الله عليها لكن قبل أخليك تشوفينها لازم تعرفين شروطنا وان وافقتي عليها زين وان ماوفقتي يكفينا أننا تعرفنا عليك
*****************
أم شهريار : اطلبي الي تبين شروطكم مستجابه انا تعبت ودخت ماخليت بيت ماطقيته قولي وش شروطكم
**************
أم شهرزاد : شروطنا بسيطة ومقدور عليها بنتي تدرس ولازم تخلونها تكمل دراستها وثاني شيء بنتي متعودة
على ديك هي مربيته من كان صغير ماتنام إلا إذا سمعت صوته وإذا صاح هالديك بليل لازم تنام حتى لوايش مايكون
هي تعودت على كذا وشرطها انه مايئذي الديك ولايمنعها عنه
هذه شروطنا وش قلتي
****************
أم شهريار : خلاص طلباتكم بسيطة وماعندنا مانع واتفقت الأمهات على موعد الزواج وفي ليلت الزواج قالت الأم لبنتها
الأم : يابنتي أنتي الحين صرتي زوجه لازم تحافظين على زوجك وتعاملينه زين واعرفي إن الرجال زي الطفل يبقاله معامله خاص احترميه يحترمك حبيه يحبك أوعي في يوم تغلطين في احد من أهله حتى لوهوغلط فيهم أنتي لاتجارينه مافيه رجال مايعصب أذا شفتيه معصب روحي عن وجهه ولا تكلمينه لان الغضب من الشيطان وكلمه منك ومنه ممكن تصير كبيره لكن لو خليتيه يهدء وبعدين تكلمينه كذا أنتي الكسبانه لا تخلينه يشوف فيك إلي يكره كوني له زي مايبي
عشان تملكين قلبه وترى ألكلمه الحلوة لها تأثير حلو في نفسه
********************
شهرزاد : حاضر يمه الي تقولينه بسوية
*********************
ودخلت شهرزاد على شهريار وطبعا أول يوم ماكانوا فاضين للقصص كانت عندهم أشياء أهم من القصص
بعد مرورر كم يوم وفي الليل قال شهريار لشهرزاد
طبعا أمي قالت لك عني إني أنا ماعرف أنام إلا لما اسمع قصه
*************
شهرزاد : أكيد ياتاج راسي وأنا جاهزة لكن إلي أوله شرط أخره نور إنا بقص لك قصه لحد مايصيح الديك أول ما سمعه يقول كوكوكوكو بوقف وبنام انا كذا متعودة
****************
شهريار : ماشي كلام الحريم يالله ابدئي تراني متشوق صارلي مده ماسمعت قصه وعلى ماسمعت يقولون قصصك كثير حلوه ومشوقه
*****************
شهرزاد كان يامكان ومايحلى الكلام إلا بذكر النبي عليه أفضل الصلاة والسلام
****************
شهريار: عليه الصلاة والسلام
*****************

شهرزاد : دخلت إلام على ولدها غرفته
الام : عمر ياولدي أنت لحد الحين ماخلصت يالله أبوك ينتظرك تحت تاخرتوا على الناس فشيله
****************
عمر:وهو يلبس شماقة عند المرايه طيب يمه خلاص خلصت
تعرفين معرس ولازم اتكشخ أخاف ماعجبها وبعدين أطيح بكبدك
****************
الام : مين هاذي الي ماتعجبها تحمدربها بسم الله عليك كامل والكامل وجهه كل هالحلاوه والزين ماتعجبها
******************
عمر : ها يمه اشوف بديتي من الحين شغل الحموات
*****************
ألام : لاياولدي انا ماعندي هالشغلات لاتخاف بس خلص ترى ابوك تحت بدء يعصب
***************
عمر : يالله أنا جاهز بنزل الحين معاك
*******************
الأب : أعوذ بالله وش هذا ياعمر ساعه وأنا استناك
اجل وش يسون البنات يالله لاتفشلنا قدام الناس
****************
عمر : تعرف يابوي عريس واليوم أول يوم تشوفني لازم
ا تهندس شوي بس خلاص الحين أنا جاهز تفضل يالغالي
*******************
إلام : الله يحفظكم ويسهل امركم لاتنسون تكلموني أول ماتطلعون منهم لاتخلوني على أعصابي
*****************
الأب : وش نكلمك ماتصبرين لين نوصل ونعلمك الإخبار وطلع وسكر الباب
*******************
عمر: باس رأسها وقال ولايهمك يالغالية بس أشوفها بتصل عليك وقولك ولايهمك ادعي لي يمه
***************
الام : الله يوفقك ويكتب لك الي فيه الخير لك
****************
في بيت العروس في المجلس الأب وعمر والأب راح ينادي العروس عشان تطلع لعمر يشوفها الشوفه الشرعيه
**************
الأب : أف وين راحوا هذول طولوا كثير
*************
عمر : شفت يبه وأنت تأخرنا وتاخرنا أكيد البنت تتكشخ وتلبس عادالبنات وش يخلصهم أشوف خواتي لرحنا مكان ساعتين عند المرايه
****************
الاب : اسكت شكل أبوها جاء اسكت
****************
أبو العروس : أسف تأخرت عليكم بس تعرفون البنات
تعال ياعمر عشان تشوف العروس
***************
عمر: أوجعه بطنه من الخوف سم ياعمي وقام
***************
دخله الأب الغرفة وقاله اجلس هنا ياولدي بروح أناديها لك
*****************

دخلت العروس كانت شايلة صينية العصير وقدمت له وبحياء قالت تفضل
***************
عمر كان يشوفها من دخلت من الباب خصوصا انه كان جالس على الكنب إلي قدام الباب وجلس يناظرها يشوفها
كانت طويلة نحيفة بيضاء شعرها طويل اسود ناعم كانت نعومه مانتبه إلا وأبوها يقول
**************
ابوها : تفضل ياولدي خذ العصير
**************
عمر : انتبه ايوا شكر واخذ العصير
****************
جلست على الكنب ورفعت شعرها بدلع
***************
عمر : صلح شماغه عشان يداري ارتباكه و اخذ نفس وتشجع وقال كيف حالك
***************
العروس : وهي منزله رأسها الحمد لله
**************
عمر : أنتي خلصتي جامعه أو لا طبعا كان يعرف أنها خالصة لكنه بس يبي يكلمها
****************
العروس : ايوا صارلي سنه
*****************
الاب : خلاص يابنتي روحي داخل
****************
عمر : انقهر ممداه شافها كأنها حلم
*****************
عمر : ياعمي يشرفني إني أناسبكم
****************
الأب: خير إن شاء الله الحين خلنا نروح للوالد وبعدين نتفاهم
في المجلس
أبو ألعروسه : بصراحة انتوا والنعم فيكم وحنا قبل تجون سألنا عنكم والحمد لله سمعنا إلي يسرنا لكن في موضوع ضروري لازم تعرفونه قبل لايصير أي شيء خل الحريم يتفاهمون فيه أحسن
******************
ابوعمر : على خير بكره تجيكم أم عمر ويتفاهمون على كل شيء
******************
عمر في السيارة وهويسوق ومعاه أبوه : هلا يمه أبشرك كل شيء تمام وهذا إحنا جاين بالطريق
*****************
الأم : الحمد لله عجبتك يعني
*****************
عمر : عجبتني وبس لوماستحيت قلت الزواج الأسبوع الجاي
والله يمه طلعت أحسن من ماوصفتوها بكثير بكره يبونك تروحين لهم
*********************
الام : بكره قريبه ليش
*****************

كوكوكووووووووووووصاح الديك وسكتت شهرزاد عن الكلام المباح
شهريار :لاتكفين قولي لي وش الموضوع الضروري الي يبون يقولونه لهم
****************
شهرزاد : أسفه ياتاج راسي الحين بنام بكره أكمل لك
اتمنى إن الجزء يكون اعجبكم انا في انتظار ردودكم 000000الماهرات