الماهرات :

مشكورات على الرفع حبيباتي وشكر لردود الحلوه وهج المساء : ههههههه والله ضحكتيني تسلمين ياعسل شوفي ماطوعني قلبي اطول عليكم بس والله خلصت شغلي جيتكم اتمنى يعجبكم تفضلوا البارت ****************** *********************** في الصباح شهريار :صراحه انا كل يوم احقد على هالديك زيادة أمس صراحة حسيت انه نحيس كأنه يعاندني شكلي بذبحه وارتاح ***************** شهرزاد : لا حرام عليك أوعى تأذيه انا مقدر متعودة عليه وعلى صوته ترى إذا سويت له شيء مراح أكمل القصة وازعل عليك إحنا اتفقنا انك ما تأذيه ******************* شهريار : لاخلاص أنا مقدر على زعلك ******************* وفي الليل تسحب شهريار وخرج للحديقة وشاف الديك قال تعال أنت يا الي مزعجنا خذ كل هالحبوب أعرفك مفجوع تحب تأكل ..كل هذي الحبوب المنومة كود (يمكن) تنام وتريحنا أزعجتنا كوك وكوك يالله كل ولاتبقي شيء وان سمعتك تصيح ياويلك وفعلا أكل الديك الحبوب كلها ونام فرح كثير شهريار ودخل **************** شهرزاد : وين رحت تأخرت كثير الحين بيصيح الديك وأنا ماقصيت لك ***************** شهريار: لالاتخافين مراح يصيح ****************** شهرزاد : ليش مراح يصيح ليكون سويت فيه شيء ******************** شهريار : لا معقولة أسوي بديك شهروزتي شيء بس أقول تونى بدري يالله كملي ****************** شهرزاد : طيب كان ياماكان ومايحلى الكلام الابذكر النبي عليه الصلاة والسلام ****************** شهريار : عليه الصلاة والسلام ************** شهرزاد : فتحت نجود الشنطه وتفاجئت أنها لقت جوال ثاني في ا لشنطته أخذت البطاقة وأخذت الجوال وقالت **************** نجود: غريبه جوال ثاني ليش ماقالي معقولة يكون هو ؟؟! لا مستحيل وأخذته ودقت على جوالها منه طلع رقمه عندها نفس الرقم إلي كان يتصل عليها ولقت في الشنطه السماعه إلي تغير الصوت انصدمت معقولة هو إلي سوى كل هذا معقولة يشك فيني أخذت البطاقة وسكرت الشنطه راحت أعطتها لعمها ورجعت لقت عمر خلص من الشور وجالس يمشط شعره ****************** نجود: خلصت شور ****************** عمر: ايوا خلصت ****************** نجود: أبيك توديني عند أهلي ******************* عمر: الحين ليش توك رايحه لهم من كم يوم ********************** نجود: صحيح بس هالمره غير أبيك توديني وماراح ارجع مره ثانيه ****************** عمر : ماترجعين ليش وش صار ***************** نجود : وش صار تسألني وش صار شوف هذا إلي صار ومسكت موبايلها ودقت على موبايله الثاني ودق قالت له شفت هذا إلي صار أنت الي سويت هذا كله معقولة تشك فيني ليه موحرام عليك تحسب الناس كلهم زيها شكلي إنا ماقدرت أخليك تنساها ******************* عمر: حرام عليك لاتقولين كذا وليه ماقلتي لي انه في احد يكلمك ليه أسالك وتقولين محد كلمني لو أنتي مانتي خايفه ليه ماقلتي لي وليش طلبتي تغيرين جوالك واسلك ليه تقولين لي رقمه موعاجبني ليه تكذبين علي ***************** نجود: أنا ماسمح لك تغلط فيني أنا خفت أقولك وماتصدقني وأنت صاير شكاك بقوه ولو أقولك مراح تصدقني أنا استحملت شكك كثير وكل مره أقول ماينلام لكن لهنا وخلاص أنا ترى بنت ناس مانت ماخذني من الشارع ********************* عمر: بنت ناس ايوا صح بنت ناس ******************* نجود: وش قصدك ايوا بنت ناس وأحسن ناس بعد خلاص لهنا وكفاية بالله الحين توديني بيت أهلي ولاعاد أبيك خل شكك ينفعك بكره تتحسف لكن أنا مراح ارجع لك لو ايش ماسويت وجمعت ملابسها كلها وحطتها في شنطه ونزلت تحت سلمت على أم زوجها والعنود ******************* العنود : عمر حرام عليك وش سويت نجود بريئة لاتظلمها تراك بتندم ************************ نجود : خلاص أنا الي مابيه موهو حتى لو يندم أنا مابي *************** في السيارة كانت نجود تبكي وصوت بكائها يذكره بلمياء هو موكان مايقدر ينساها لكن مكان يقدر ينسى الي سوته نجود خلته يقدر يحبها ويتعلق فيها بشكل غير طبيعي لكنه مصدوم ليش ماقالت له عن المكلمات وليش كان يسألها وتكذب عليه ************* عمر: خلاص يانجود تكفين لاتبكين اسكتي خلاص ******************* لكن نجود كانت تبكي وماهي مصدقه كيف يشك فيها وكيف يتريق عليها وعلى أهلها كانت تبكي وكأنها ماتسمعه يقول خلاص ****************** وعند باب البيت نزلت وأخذت شنطتها وسكرت الباب بعصبيه ودخلت بيت أهلها وقف عمر يشوفها وهي تنزل وتدخل البيت وكان قلبه معصور كان وده يقول لها لاتروحين بيموت ولا يصير إلي صار حس انه روحه بتطلع منه لكنه مايدري يصدقها أو لا الشك ذابحه نزل من السيارة وصار يمشي خطوتين عند الباب ويرجع يقير رأيه *************** في البيت استقبلته العنود العنود : عمر حرام عليك وش سويت والله نجود بريئة أنت ظلمتها ********************** عمر: تكفين يالعنود أنتي ماتدرين عن شيء خليني بحالي الله يرحم والديك *********************** العنود : كيف مادري إلا ادري نجود قالت لي كل شيء عن إلي يكلمها وكانت مسكينة محتارة ماتدري وش تسوي كانت تقول أنها خايفه انك ماتصدقها إذا قالت لك فقلت لها أنها تقول لك تغير الرقم انا الي قلت لها ******************* عمر: انتي الي قلتي لها وليش ماقلتي لي ليه سويتي كذا فيني ******************** العنود : أنت ماعطيتني فرصه أخذتها ورحت قبل تسمعني كأنك ماصدقت **************** عمر: وش تقولين أنتي ماتعرفين وش نجود عندي ماتعرفين أنها عيوني ولو دريت أنها زي لمياء مراح استحمل عشان كذا ماودي أنصدم والله وهي تبكي كان قلبي يتقطع عليها لكن كنت بنجن ليش ماقالت لي عن الي يكلمها ليه يالعنود سويتوا فيني كذا **************** العنود : وش نسوي فيك شكك هو إلي سوا كذا فيك أصابعك يدك موزي بعضها مو لان لمياء سوت كذا لازم كل الحريم يطلعون كذا نجود ساكنه معانا ونعرفها مؤدبه وخلوقه أما لمياء واضح عليها من تصرفاتها أنت ظلمتها حرام عليك **************** عمر: يالله معقولة مسكينة ظلمتها فعلا أنا شكي أعماني لكن الحين كيف بترضى هي قالت أنها ماعاد تبي تشوفني وش أسوي كيف اخليها ترضى ********************** العنود : نجود تحبك ومستحيل تقدر تستغنى عنك بس الواحد وهو معصب مايدري وش يقول خلها اليوم تهدء وبكره الله يعينك يبقالك تتعب شوي بس أنت تستاهل على إلي سويته **************** عمر: كيف يعني وش أسوي ****************** أرسلها رسايل اعتذر لها قولها كلام حلو وبعدين روح السوق واشتري لها طقم ذهب أو هديه فخمه تراضيها فيه وباقت ورد ترى إلي سويته موشوي انت شكيت باخلاقها وروح بيت أهلها واعتذر لها وهي بتسامحك هي تموت عليك لاتخاف ********************* ودخل عمر الغرفة أول مره من يوم ماتزوجوا ينام بالحالة بدونها كانت حتى لما تروح لأهلها ترجع بنفس اليوم تمدد على السرير وحس انه فاقدها حس بالبرد والمكيف شغال وجلس يلوم نفسه كيف شك فيها طق الباب كانت العنود تقوله العشاء ****************** عمر: تعشوا انتوا أنا مالي نفس ********************* العنود: تعال ياخوي تعشاء تعرف أمي لوما تعشيت مراح تتعشى ******************** نزل على عينه وجلس معاهم على الطاولة كانت دايما تجلس على الكرسي إلي جنبه والحين كرسيها فاضي حس إن الأكل ماله طعم كانوا أمه وأبوه يسولفون معاه وهو يردعليهم وهو أصلا ماهو معاهم وستأذن وطلع غرفته دخل وجلس على سريره واخذ الموبابل وأرسلها : انا اسف سامحيني البيت ماله طعم بدونك *************** لكن مالقى جواب ****************** أهون عليك تتركيني تقدرين على فراقي إن كنتي تقدرين أنا ماقدر أنا غلطان بس قلبك كبير إذا تقوا أنا مقوى وترى الدنيا ولاتسوى *************** مافي جواب كانت نجود تقرءا رسا يله لكنها كانت مقهورة منه وماترد ******************* وجلس يراسلها طول الليل رسايل وأشعار وكلام صارت نجود مره تبتسم ومره تضحك ومره تحمر خدودها لكنها ماترد **************** وبعد ماتعب وجاه النوم تصبحين على خير لاتنسين تصحيني لصلاة الفجر ترى إن ماقمت ذنبي برقبتك ******************* وأول مآذن دقت عليه وأول مقال الو سكرت شاف الرقم عرف أنها هي ارسل لها كنت عارف انك كنتي تقرئين رسايلي بس حبيت اتاكد الحين بس تطمنت شكرا ياقلبي ***************** نجود : ضربت بكف يدها على رأسها أخ صحيح إني غبية قص علي (ضحك علي ) زي عوايده وعرف إني كنت اقرأها **************** وفي الصباح راح السوق وشترى لها طقم ذهب نعوم حلو وباقت ورد وراح عند أهلها ******************** عمر:أعطاها الورد والهدية وقال انا عارف إني ظلمتك وغلطت في حقك كثير بس أنا أسف سامحيني أوعدك ماسوي كذا مره ثانيه ********************* نجود : أنت موبس غلطت في حقي حتى على أهلي أهلي وش سوولك ****************** عمر: أنا أسف حقك علي انتي واهلك على راسي تعرفين إني كنت معصب ومدري وش أقول بس أوعدك مراح أسويها مره ثانيه بس سامحيني أمس حسيت إن الغرفة تخنق بدونك وإذا تبين تجلسين عند اهلك عادي أشيل إغراضي وعفشي وأجي اسكن أنا عندك ********************* نجود: ههههههههههه ههههههههههه لاخلاص سامحتك قلبي مايطاوعني ماسامحك ******************** شهرزاد : وتوته توته خلصت الحدوتة حلوه ولافتو فوته **************** شهريار : خسارا خلصت والله كثير حلوه بكره بتقولين لي وحده ثانيه ****************** شهرزاد : ايوا بكره بقولك وحده ثانيه بس غريبة وش فيه الديك ماصاح اليوم ماله صوت ******************* شهريار: الله لا يلومه تعب من كثر هالصياح خليه الحين يمكن نايم وبكره شوفيه ******************* ياترى وش صار لديك تابعوني عشان تعرفون وش صار 00000000الماهرات

مشكورات على الرفع حبيباتي وشكر لردود الحلوه وهج المساء : ههههههه والله ضحكتيني تسلمين ياعسل...