وهج المساء انتي الاروع يالغلا
شتاء 3 اسعدني كثير مرورك ياعسل
ملاك 5 : الله يرفع قدرك 00000الماهرات

ماشاء الله تبارك الله بصراحه مبدعه
وقصتك جدا مشوقه بس لا تطولين علينا

واييييييييييييييييييييييييييييييييييييييييينك

هذا البارت الجديد اتمنى يعجبكم
************
**********************
شهرزاد : كان يامكان ولا يحلى الكلام إلا بذكر النبي
عليه الصلاة والسلام
**************
شهريار: عليه الصلاة والسلام
*******************

الجدة : وشرايك تقولين لوليد هوزي ولدك ومراح يقول شيء
******************
الأم : ايو الله فكره كيف راح عن بالي بس عساني ألاقيه
*******************
في السيارة :

وليد : يمه عبد الكريم ماكلمك مقالك شيء
**************
الأم : إلا كلمني يقول انك أنت وياه تبون تعرسون وتبوني أدور لكم عرايس
******************
وليد : ياليت يمه تعرفين أنا ساكن بشقه وموظف وجاهز باقي لي بس العروس بس أبيها تكون عاقله ورزينه وماتكون صغيره 18او 19 لا ابيها تكون بالعشرينات
*****************
الأم : نفس طلبات عبد الكريم ولايهمك بدور لكم عرايس
وبنزوجكم بعد بيوم واحد
*******************
وليد : ياليت يمه والله كان زين
******************
ولما وصلوا السوق
وليد : يمه تبون انزل معكم
*****************
الأم : لايولدي روح إحنا مطولين روح أنت وحنا إذا خلصنا كلمناك بالموبايل
***************
ودخلو الأم وحصة وندى المجمع ودخلوا محل أطفال
****************
حصة : وووو روعه يمه شوفي قسم البنات يهبل
*****************
ندى : شوفي يمه وشرايك بهذا الفستان يدنن بيطلع عليها روعه
******************
الأم : يالبي يحليله خلاص حطيه بالعربية
وختاروا ملابس وإغراض كثيرة وسرير ومع الوقت تعبت ندى من الدوارة بالسوق

ندى : يمه انتوا كملوا وأنا بروح فوق المطاعم تعبت حدي من الفر فره بشرب لي كبتشينوا وإذا خلصتوا ألحقوني
****************
الأم : بتروحين بالحالك اصبري لين نخلص ونروح كلنا
*****************
ندى : يوه يمه وش بيصير يعني بيأكلني الذيب إذا خلصتوا
كلموني ونلتقي فوق ومعاك حصة تكفين يمه والله تعبت
****************
الأم : أف منك روحي أمري لله
********************
حصة : يمه كيف تخلينها تروح بالحالها
*****************
الأم : يوه يبنتي وش أسوي لها ماعليها إلا العافية
****************
طلعت ندى فوق قسم المطاعم وجلست على الطاولة
وطلبت كبتشينوا وسنيبون بالتوفي وجلست تأكل
كان على الطاولة إلي قدامها فيه واحد لابس بنطلون جينز
وتشيرت اصفر وشعره طويل لحد كتفه وحالته حاله لكن مع الأسف هذا إلي يعجب ندى شاف ندى وهي جالسه بالحالها وتلعب بالجوال صار يطالع فيها وندى تطالع شوي وتأكل شوي بعدين أرسل لها جوالهبالبلتوث وبعد فتره جو حصة والام بعد ماكلوا كلموا وليد وراحوا البيت
*******************
ندى : حصة شفتي إلي كان يطالعنا في الطاولة الثانية
*******************
حصة : حسبي الله على بليسك شفته ماشال عينه عنك
*****************
ندى: لا وبعد عطاني رقمه
****************
حصة : ياويلي وعسى مانتي تكلمينه أعرفك تسوينها مهبوله
*****************
ندى : طبعا بكلمه وليش لا الحين اغلب البنات يسون كذا يتعرفون عن هالطريقه يمكن تضرب معي ويتزوجني
*******************
حصة : لاحبيبتي بنات المتربيات مايسون كذا والله مافيه احد يكلم وحده ويبي يتزوجها لأنه
يقول زي ماتكلمني تكلم غيري وحتى لو تزوجها بيشتغل عليها غيره وشك
*******************
ندى : يوه يا حصة والله أنتي قديمه الحين في احد يفكر كذا الناس تطوروا والشباب تغير تفكيرهم مصاروا متخلفين زي
أول
*******************
حصة : إذا العقل تسمونه تخلف اجل أشوى إني قديمه
*********************
ندى فيه: أنا أبي يكون يفهمني وافهمه مو أتزوجه وأخر شيء يطلع مايعجبني واتوهق
*****************
حصه : أعوذ بالله وش هالتفكير خافي الله يا شيخه ماتسمعين هالمصايب إلي نسمعها وهالبلاوي إلي ضحك عليها والي اخذ صورها ويهددها والي والي وماخفي كان أعظم
*******************
ندى : أنا مو مجنونه أعطيه صوري أنا أول بس اكلمه وطمن له ولما أخليه يتعلق فيني أقوله تعال وخطبني
****************
حصة : صراحة تفكيرك غريب عجيب أنا ترى حذرتكوأنتي بكيفك عقلك براسك تعرفين خلاصك
****************
صارت ندى تكلمه في الجوال وفي المسن وكلام ورسايل
وكان يقولها كلام عمرها ماسمعت زيه ويهديها هدايا وكان يصر انه يشوفها لكنها ماترضى وأخر شي قالت له إذا تبي تشوفني تعال أخطبني من أهلي لحد ماجاء في يوم هكر جهازها واخذ صورها إلي كانت حافظتها بجهازها وهددها
ياتطلع معاه يايفضحها وينشر صورها خافت ندى وماصارت تدري وش تسوي ترجته مافيه فايده إصراره كل ماله يزيد
وكانت خايفه تقول لخوانها أو أبوها يذبحونها لودرت تكلم
فكرت أنها تقول لوليد اتصلت فيه وشرحت له السالفة
**************
وليد : الله يهديك معقولة أنتي تسوين كذا ماتخافين على نفسكوعلى سمعت اهلك ماتخافين لودرى أبوك أو أخوك وش بيصير مصيرك
*******************
ندى : تكفي لاتلومني أنا عارفه إني غلطانة والله بس كلمته بس كلام ماقد شافني ومتحسفه قد شعر راسي قلي تكفى و ش أسوي بموت من الخوف وهو مصر على كلامه
*******************
وليد : الله يهديك وليش تحفظين صور بالجهاز ماتخافين احد يأخذها
*****************
ندى : أنا مدري انه بيهكر جهازي وش دراني وهي كلها صورتين بس لكن خايفه ينشرها أو يقول لأبوي و عبدا لكريم والله انه يموتني لو درى تعرفه
********************

ولايهمك أنتي زي أختي الصغيرة ومراح أخليك لو ايش مايصير
*******************
ندى : بس تكفى حلفتك بالله ماتعلم لا أبوي ولا عبد الكريم والله يموتون لودروا
*******************
وليد : لاتخافين مراح أعلمهم بس أنتي قولي له بكره انك وافقتي بشرط يجب لك الصور إلي عنده وأنا بكلم
الهيئة يتصرفون معاه وان شاء الله خير
******************
ندى : والله مانسى لك هالجميل كل عمري
********************
وفعلا اتصل على الهيئة وسوو له كمين وصادوه آخذو منه صورها وصور بنات كثير كان يهددهم وأخذوه يتصرفون معاه واتصل وليد عليها يبشرها
******************
وليد : أبشرك كل شيء تمام الهيئة صادوه يس ترى موكل مره تسلم الجرة انتبهي تعيدينها مره ثانيه ولاترى أنا إلي
بعلمهم لوعدتيها
**********************
ندى : لاوالله معاد أعيدها هذه أول مره وأخر مره
أنا ماعمري سويت كذا بس مدري حسبته بيتزوجني
**********************
وليد : كيف يكلمك ويتوزجك مافيه احد يسوي كذا اسمحي لي
*****************
في نفس الوقت إلي كانت تكلم وليد
عبد الكريم : حصة وين شاحني من أخذه أنا ماقلت لحد يأخذ شاحني
*****************
حصة : أنا والله ماخذته أكيد انه مع ندى هي تخصص لطش شواحن
**************
عبد الكريم : أكيد هي مافيه غيرها بطلع أشوفها ياويلها إن كان معها
****************
طلع وليته ماطلع طلعته هذي كلفته غالي دخل غرفتها فتح الباب وسمعها تكلم وليد
وسمع الجملة هذي خرقت إذنه
*******************
ندى : تكفى ياوليد استر علي تكفى لودروا أبوي وعبد الكريم يموتوني حلفتك بالله تستر علي ياوليد
*****************
فتح الباب وتجمد في مكانه
******************
ندى : عبد الكريم
***************
عبد الكريم : وليد وليد ياندى وليد يابنت ال.........
*****************
ندى : لحظه لحظه أنت موفاهم
*****************
عبد الكريم : موفاهم ايش وش إلي مو فاهمه يستر عليك كيف وتترجينه بعد ضربها كف ورماها على السرير واخذ جوالها
الو
*****************
وليد : الو عبد الكريم
*****************
عبد الكريم : ايوا عبد الكريم يا ناكر الجميل
عبد الكريم إلي قصيتوا عليه أنت وها لحقيرة هذي
***************
وليد : لحظه لحظه أنت فاهم غلط
*****************
عبدالكريم : فاهم غلط أنا بجيك الحين وفهمني الصح
والله لواجي مالقاك ليكون أخر يوم في عمرك
*****************
ومسكها من شعرها عشان كذا ماكنتي تبين تتغطين عنه
ندى تصرخ وتقوله لاانت موفاهم لكنه ماكان يخليها
شوفي أنا بروح له وبجيك ووريك ورماها على السرير
بكت ندى لحد ماقالت أمين ماكنت تقدر تشرح له لأنها أصلا
غلطانة وتستاهل لكنها كانت مقهورة على وليد أنها ماقدرت تدافع عنه وهو إلي أنقذها
**********************
طق عبد الكريم الباب على وليد وبس فتح له
مسكه من رقبته وقال
*************
عبد الكريم :ليه ليه سويت كذا ياحقير هذا جزاء أبوي إلي فاتح لك بيته و هذا جزاء أمي إلي مربيتك زي أعيالها
**************
وليد : أنت فاهم غلط والله أنت موفاهم شيء أختك أختي
مستحيل آذيها فكني خلني اشرح لك
***************
عبد الكريم : تركه وقال أنا فاهم غلط أنت فهمني كيف
تقولك استر علي ياوليد أبوي وعبد الكريم لو عرفوا يموتوني
وليش تكلمها بالتليفون من ورانا تكلم اشرح لي
**************
وليد : عبد الكريم أبوك أبوي وأمك أمي إنا أمي وبوي ماتوا وعمري 3سنوات ماعرفهم ولا اذكرهم أنا تربيت عندكم في بيتكم عمري كله وخواتك خواتي كيف تظن فيني كذا أنا مقدر اشرح لك إلي صار لكن احلف لك بالله إني بريء واني ماسويت لختك شيء لا تضلمني تكفي
******************
مسكين وليد ماقدر يقول له شيء عن إلي سوته ندى لأنه ممكن يموتها وهو حلف لها ووعدها
******************
عبد الكريم : طيب إذا كنت بريء ليش ماتقدر تشرح وليه تكلمها من ورانا وليه تقول لك استرعلي انا موغبي عشان تقص علي بكلمتين
*******************
وليد : ندى كل عمري أعدها أختي وأنا توني قايل لامك تخطب لي وحده وتخطب لك ونتزوج بيوم واحد وافقت ليش أسوي كذا ليش صدقني أنت موفاهم بس أنا الحين مقدر اشرح
لك الحين بعدين بتفهم وتتحسف انك ضنيت فيني
****************
عبد الكريم : أنت تقص علي ومين أصلا بيخليك تتزوج
أنا بقول لبوي وشوف كيف يتصرف معاك عمري ماتخيلت انك تسوي فينا كذا
*****************
وليد : لاتكفى تكفى لا تقوله حلفتك بالله ما تقوله

*******************
عبد الكريم : أنت عارف إن أبوي ممكن لو درى بالي سويته ممكن يروح فيها كل عمره يعدك ولده الثالث وأمي بعد ماعمرها ترضى احد يقول فيك كلمه ولو أقولهم بيمتون مافيه إلا حل واحد انك تخطبها من أبوي وبدال ماتتزوج وحده ثانيه تتزوج ندى أنت إلي سويت كذا بنفسك ولازم تصلح إليسويته وش قلت أو إني أقول لهم واخلي أبوي يتصرف معاك وذنبهم برقبتك وش قلت
*********************
ولأول مره من سنين حس وليد انه يتيم وانه ممكن بلحظه
بيفقد أمه وأبوه مره ثانيه حس انه عاجز ماهو عارف كيف يتصرف
**************
وليد : كان واقف وجلس وقال أنت ظلمتني والله الشاهد
ومسكتني من يدي إلي تعورني وبكره الأيام تثبت لك
لكن أنا مقدر أضحي بأمي وبوي أنا موافق ياخوي
بس أوعدني انك ماتقولهم ماودي اخسرهم
****************
عبد الكريم : حس بصدق كلامه لكنه موقادر يكذب
إذنه والي صار قدام عينه قال خلاص صار
***************
حصة : أنتي مو إنسانه أنتي حجر ماتحسين ينقذك وينقذ شرفك وتسوين فيه كذا ليه ماقلتي له انه مووليد ليه ماتكلمتي تدرين انه عبد الكريم ممكن يذبحه ويصير ذنبه برقبتك يا مجرمه
*****************
ندى : تبكي ومنهارة قصب عني ماقدرت لوشفتيه كان كأنه وحش عمري ماشفته كذا خفت حسيت انه بيذبحني انعقد لساني وماقدرت افتح فمي من الخوف قصب عني
*****************
جلس عبد الكريم مع أمه وأبوه
عبد الكريم : بقولكم شيء وليد طلب مني طلب استحى هو يقولكم
**************
الأب : افا عليه بس يستحي مني وأنا زي أبوه وش يبي
**************
عبد الكريم : وليد وده يطلب منك يد ندى يبي يتزوجها
****************
الأب : ندى بنتي ماغيرها كيف
******************
الأم : كيف كذا توه من كم يوم يقول اخطبي لي ومابيها صغيره أبيها عاقله ورزينه كيف كذا معقولة
******************
كوكوكوككككككككككو صاح الديك وسكتت شهريار

شهريار: ليتني سكنتك بعاشر دور عشان أسوي نفسي مادري واحذف هالديك من عاشر دور
***************
شهرزاد : حرام عليك يعنيى مافيك صبر لحد بكره
*************
أتمنى إن الجزء هذا عجبكم ونال على رضاكم
لاتبخلون علي بالردود 0000000الماهرات

رووووووعة