الماهرات :

نورتوا موضوعي بردودكم اسفه على التاخير تفضلوا يالغاليات ************************** *************************** شهرزاد : كان ياماكان ولايحلى الكلام إلا بذكر النبي عليه الصلاة والسلام ********************* شهريار : عليه الصلاة والسلام ****************** في الصباح أشرقت الشمس على بيت أبو عبدالكريم في المطبخ وعلى طاولت الطعام كانت الجدة أم أبو عبد الكريم جالسه تفطر مع زوجت ولدها دخلت عليهم حصه : صبحك الله بالخير ياجده صبحك الله بالخير يمه ***************** الجدة : هلا والله يابنتي تعالي افطري *************** الأم : تبين أصبلك حليب أو تبن قهوة وتمر ****************** حصة : لا أبي قهوة مايصحصحني وانأ حصة إلا القهوة ياجده *************** الجدة اجل وين ندى ماقامت ليش ماتجي تفطر معنا ****************** حصة : ندى ياجده سهرانه أمس مانامت إلا الفجر الله يصلحها على أساس أنها بعطله ***************** الأم : أعوذ بالله مصارت عطله روحي يابنتي صحيها قولي أمك وجدتك يقولون قومي بلا دلع يكفي نوم باقي شوي ويأذن الظهر بس كملي فنجانك أول وروحي ******************** حصة فتحت الباب لقت ندى نايمه على سريرها ومتقطيه ونايمه بعمق حصة : ندى وجع قومين ماتشبعين نوم وسحبت الغطاء عنها قوم ترى امي وجدتي يقولون قومي بسرعة أحسن لك قبل يأذن الظهر ****************** ندى : افففففففففف أعوذ بالله متخلون الواحد ينام توه مآذن إذا أذن صحوني الي يشوفكم يقول انا الامام بروح اصلي بالمسجد اطلعي ياحصيصة مدام النفس طيبه عليك يالله أشوف ****************** حصة : أعوذ بالله أنا مدري كيف أنتي أختي فرق السماء والأرض أنا هاديه وحبوبه وأنتي ألسانك متبري منك *************** ندى : حذفتها بالمخدة أقول يا لهاديه اطلعي أحسن لك قبل اخلي يديني تتبرى مني مولساني أبي أنام يامفتريه ****************** حصة : طيب بطلع بقولهم ماتبي تقوم ***************** حصة : رحت لها وحذفتني بالمخدة تقول ماني قايمه أبي أنام **************** الأم : أف منها البنت *************** الجدة : مسكينة خليها تنام وش عندها عطله لاحقه على القومه بدري بكره أذا عرست (تزوجت) بتقوم بدري خليها يابنت الحلال ******************** وجلسوا يفطرون كلهم وجاء معهم الأب وأولاده عبدا لكريم ويوسف ************** أبو عبد الكريم : هالله هالله بالغداء الزين اليوم ترى وليد ولد اخوي الله يرحمه بيجي يتغداء عندنا اليوم *************** أم عبد الكريم : حياه الله ولايهمك يابوعبد الكريم بصلح لكم إلي تبي هذا بعد ولدي زيه زي يوسف وعبدا لكريم *************** حصة : الحمد لله يمه انك رضعتيه معاي عشان يصير اخوي وما تغطا عنه **************** عبدا لكريم : صدق على طاري الغطاء هي ندى صارت تتغطاء عنه اولا هو اخو حصة بس مو أخوها ************* حصة : لاطبعا ماتتغطاء تقول اشمعنى أنتي ماتتغطين زي ماهو أخوك اخوي ****************** الجدة : معليش زي أخوها طول عمره متربي معها موبلازم بعدبن ندى توها صغيره *************** عبدالكريم : كيف ياجده مولازم مايصير لازم تتغطاء عنه كبرت البنت وصارت حرمه موزي اول صغيره نقول معليش لاياجده لاتشجعينها ترى مايجوز حرام ****************** الأم : ياولدي يعني من كثر مايجي عندنا كلها يومين في الأسبوع الي يجي فيها **************** عبد الكريم : الله يهديكم بس بدال ماتعقلونها تشجعونها حتى هوالحين وش يقول عليها ماتستحي ******************* ندى : صباح الخير جميعا كيف حالك ياجده كيف حالك يامامي ***************** يوسف : مامي ياشين السرج على البقر ماتلبق لك المشكلة **************** ندى : يالله صباح الخير يوسفوه ترى توني صاحية ومالي خلق لخفت دمك يخافه نقطنا بسكاتك لوسمحت ************** عبد الكريم : أقولك تراك كبرتي وصرتي حرمه لازم تتقطين عن وليد سامعه اليوم بيجي إن شفتك جايه بدون غطاء ياوليك *************** ندى : ايش ..هذا إلي ناقص بعد أتغطى عن وليد كل عمري ماتغطيت عنه وش معنى الحين وبعدين كل إلي في البيت مايتغطون بس أنا وبعدين وليد زيه زيك وزي يوسف كل عمره متربي معانا يعني اخوي وبعدين أنا توني صغيره ولابكيفكم أصير صغيره وبكيفكم أصير كبيره ***************** عبد الكريم : اسمعي الكلام وبلا قلت أدب زي ماقلت لك أول كنتي صغيره أما الحين كبرتي وصرتي حرمه إن شفتك طالعه عنده ياويلك سمعتي وقد اعذر من انذر **************** ندى : أف منك والله اعلم عليك أبوي حرام عليك توني صغنطوطه كل إلي في البيت يقول كذا حتى اسأل جده وأمي موصح ياجده أنا صغيره *************** الجدة : أي والله صغيره عشان خاطري ياولدي خلها على راحتها ***************** عبد الكريم : وش أخليها على راحتها حرام ياجده حرام مايجوز **************** ندى : أنت وش خايف هو مستحيل عينه تجي علي لأنه يعتبرني صغيره وزي أخته وإنا من سابع المستحيل أشوفه غير اخوي حتى لو يخطبني ماوفقت لأنه زي اخوي أولا ثانيا لأنه موهوالنوع الي يعجبني عاقل وثقيل يصلح أب أخ أما زوج نوووووووو مستحيل أنا أبي واحد مرجوج دجه رجه هجه يجنني واجننه وليدكم هذا موعلى مزاجي ابد يعني تطمن وحط في بطنك بطيخه صيفي مع انك ماتحتاج خخخخخخ *************** عبد الكريم : أيا قليلة الأدب في وحده تكلم أخوها الكبير كذا أنتي على مين طالعه كذا مرجوجة حصة أختك ومنيرة كلهم هاديات ومؤدبات أما أنتي مهبوله الله يخلف عليك والكلام ضايع معاك بروح شغلي أحسن لي بس ******************* ندى : أف أحسن مابقى يطلع مابقى إلا أتغطى عن وليدوه ****************** الأم : عيب عليك يابنت أنتي ليش كذا لسانك طويل ماتحترمين اخوك الكبير **************** ندى : يمه ماتسمعين وش يقول لاتخافين يزعل شوي ويرجع يرضى ****************** يوسف : تعالي الحين رجه ودجه عرفنها لكن هجه وشو هذي كلمه جديدة أول مره اسمعها **************** ندى : يعني اهج معها ههههههههههه هههههههههههه قف مي فايف (كفك) ****************** يوسف : الله لويسمعك عبد الكريم كان قص لسانك احمدي ربك أنا موزيه بس لاعاد تعيدينها مره ثانيه **************** ندى : أحلى أحلى يارجال والله صرت رجال وحنا ماندري ***************** يوسف قصب عنك رجال **************** الام : بس أنتي وياه حشي ديكاه موخوان احترموا جدتكم يالي ماتستحون ******************** الجدة : خليهم والله أنهم ملح البيت ياحبيلهم توهم بزارين ***************** يوسف : افا ياجده بزارين ترى كذا انتي هزئتينا **************** ندى : ههههههههههههه ههههههههههه قلت لك ماصدقتني ******************* يوسف : تراك معاي بس نقطينا بسكاتك بروح اطلع أحسن من مقابل وجهك ******************** ندى : أحسن اذلف ريحنا حضهم ذا العيال كل ماطقت في رأسهم طلعوا أما حنا مغير محبوسين في ذا البيت بين أربع جدران ****************** في الظهر في الصالة كلهم كانوا قاعدين ينتظرون الأب وعبد الكريم ******************* ندى : وليد مادريت اليوم صنفت في رأس عبد الكريم يقولي غطي عن وليد تخيل بس أنا اتغطا عنك قلت له لوتطير وليد زي اخوي مافي امل وزعل وطلع خخخخخ *************** وليد : يالبي توك صغنطوطه وينك والغطا خخخخخخ ************** يوسف : ههههههههههههه حلوه مسكينة هزئوها **************** ندى : كذا شمته فيني أنا موصغيره أنا كبيره بس أنت من كبرك تشوف الناس كلهم صغار ***************** الأم : بنت بلا قلت أدب لا تغلطين على ولدي **************** ندى : لاهو ولدك وأنا ألبطه السوده مثلا وأنا موبنتك قعدين يهزئوني وساكتة إنا مسكينة في ذا البيت دايما مضطهده متى أعرس وافتك منكم ************** يوسف : الله يعين إلي بياخذك أمه داعية عليه ***************** دخلوا الأب وعبد الكريم السلام عليكم عبد الكريم خز ندى وبشويش : انا وش قلت لك ***************** ندى : طلعت لسانه أنت مو أبوي أبوي بس هو إلي يقولي مالك دعوه فيني ************** الأب : وشفيكم توشوشون أشركونا معاكم **************** ندى : يبه شوفه يشاغبني فيني *************** الأب : عبد الكريم وشفيك على على ختك ***************** عبدا لكريم : سلامتك يبه مافي شيء ******************* بعد الغداء طلعت ندى لغرفتها وجلست على سريرها والجوال معها والاب توب والسماعة في إذنها ************ حصه :ندى تدرين تقول أمي إن منيرة يمكن بكره أو بعده تجي عندنا ****************** ندى : والله ليه خلاص بتولد ****************** حصه : ايوا صار لها اسبوع من دخلت الشهر التاسع بتجي عندنا عشان تولد ***************** ندى : الله نفسي تولد بسرعة نفسي يصير عندنا نونو نلعب فيه وووووو أموت في الأطفال خصوصا الصغار مره بس إن شاء الله يطلع حلو شبهي مو شبه أمه ولاشبهك ***************** حصة : والله إذا طلع يشبهني بيصير كله زين ***************** ندى : شفتي وليد اليوم وش قال قهرني مره يمون مع وجهه ياثقل دمه *************** حصة : وش قال ما سمعته قال شيء *************** ندى : يقول أما تتغطين توك بزره أنا بزره إلا هو الشايب يشوف الناس كلهم صغار ثقيل ألطينه ******************* حصة : حرام عليك وليد شايب ماهو شايب هو قدي يعني أنا عجوز ************** ندى : صراحة الله يكون بعون الي بتتزوجه عليه ثقل دم مش أي أي ولازي زي *************** طق الباب الأم : أبشركم منيرة ولدت تو زوجها مكلمني ************** حصه وندى : مشاء الله وش جابت ************** الام : جابت بنت جهزوا نفسكم بنروح لها المستشفى اليوم ************** ندى : ووووووووو وناسه اقوى شيء *************** في المستشفى الآم : حمد لله على سلامتك يا منيرة عسى متكلفتي ************ منيرة : الله يسلمك يمه والله تعرفين ولادة لازم بس الحمد لله يوم طلعت على خير تصدقين أول ماشفتها حسيت تعبي كله راح ****************** ندى : وهي ماسكه النونو تبوس فيها وش بتسمونها الحلوة هذي نصيحة مني سموها ندى عشان تطلع حلوه زيي ****************** منيره : ليه أنا مهبوله اسميها ندى عشان تتطلع مرجوجة زيك بسميها لانا ************** حصه : لانا الله روعه كثير حلو ***************** في البيت الأم : مسكينة منيرة ولادتها جت فجئه ماتوقعت انها بكر بتولد بدري كذا تقولي يمه اشتري ملابس النونو وأنا أقول لها لا تونا بدري أنتي بكر ماتولدين بسرعة الحين توهقت ماعندها ملابس للبنت ******************** الجده : يابنت الحلال الحمد لله أنها ولدت بسلامه والملابس ملي السوق روحي أنتي اليوم مع البنات وشتري لها إلي تبي ****************** الام : ايوا ما فيه إلا كذا المشكلة أبو عبد الكريم اليوم حده مشغول وعبد الكريم أدق عليه مايرد وهي بكره بتطلع مدري وش أسوي ****************** الجده : وشرايك تقولين لوليد هو بعد ولدك ومراح يقول شيء ****************** الام : ايوالله فكره كيف راح عن بالي بس عساني الاقيه ***************** كوكوكوكوكوكوكو صاح الديك شهريار : إنا لله وان إليه راجعون رجعنا لهالديك من جديد **************** شهرزاد : عشانك بس غالي بقولك وش بيصير طلعت السوق هذي بتقير مجري حيات ندى بالكامل بتصير لها اشياء عمرها ماكنت تتخيل انها تصير لها **************** هذا الجزء مجرد تعريف بالأبطال أتمنى يكون أعجبكم أنا بانتظار ردودكم وبكره بكمل 0000الماهرات

نورتوا موضوعي بردودكم اسفه على التاخير تفضلوا يالغاليات ...

Masa5 :

شكرا عزيزتي على القصة الرووووووووووعة تسلم ايدك واستأذنك تسمحي لي بملاحظة أو ممكن تقولي تصحيح لفكرة هي متأخرة شوية بس اندمجت مع إبداعك فتأخرت في الكتابة والملاحظة المقصودة في الكلام دا: ايه المشكلة؟؟؟؟؟ انه شرعا والصح لو أم حصة وندى هي اللي ارضعت وليد هيكون وليد أخو الاثنين معا يعني هيبقى وليد أخو ندى من الرضاعة برده زي حصة بالضبط :09: لأنه رضع من نفس اللبن اللي رضعت منه ندى لكن امتى يكون وليد أخو حصة بس وندى لا؟؟ .. لما تكون حصة هي اللي رضعت معاه من أمه يعني من أم وليد ساعتها ندى مش هتبقى أخته من الرضاعة وبكده للأسف ما ينفعش وليد وندى يتجوزوا لأنهم اخوان من الرضاعة .. قولي لهم بقى بسرعة ..:) وشكرا لك يا عسل

شكرا عزيزتي على القصة الرووووووووووعة تسلم ايدك واستأذنك تسمحي لي بملاحظة أو ممكن تقولي تصحيح...

الماهرات :