قصه بنت خالي المعجزه 😍

السلام عليكم
هذي بنت خالي عمرها 27 سنه عندها اخت اكبر منها موظفه: بنت خالي اخر سنه لها بالجامعه ابوها و امها يكرهونها كره مو طبيعي يكرهون بنتهم اللي عمرها 27 ليش مادري من زمان وهي في عنف منهم عنف لفظي وعنف جسدي يحبون ويفضلون اختها الكبيره عليها حتى انهم قالو لبنتهم اللي عمرها 27 البيت كله عليك مايخلون الكبيره تشتغل كارفين الصغيره كرف مو طبيعي وهي برضه اشتكت لي تقول اهلها يكرهونها ومايطيقونها تخيلو ان ابوها اللي هو خالي يقول يارب تموت امي وقتها هاوشته وقالت هذي بنتك استح على وجهك تدعي عليها كذا ومواقف صارت كثير قدامي لاحضت من بعدها ان فعلاً اهلها يكرهونها وانها في معاناه امها تفشلها قدام الناس وتهينها المهم في يوم من الأيام تقدم لها شخص والنعم فيه الكل يشهد بأخلاقه وتربيته و الكل يمدح اهله موظف كبير ابوه مالك شركه واغنياء حتى بيوتهم قصور مو فلل لا قصور ماشاء الله المهر اللي دفعه لها مو 40 الف زينا لا دفع مهرها ميه الف تخيلو اشترا لها قصر وسجله بأسمها واخذ لها سياره روز رايز نفس سيارته بالضبط سبحان الله واهله يفتحون النفس معاملتهم لها راقيه ومحترمه سافرت شهر العسل سويسرا سبحان الله كيف عوض ربي قرأت مقوله يقول فيها جبر الله اذا تأخر لايأتي عادياً ابداً البنت طيبه وخلوقه وتفتح النفس واخلاقها عاليه جداً ماني عارفه ليش اهلها يعاملونها هذي المعامله القاسيه شوفو سبحان الله كيف ربي عوضها واعطاها اشياء كثير قبل كانت بمعاناه لايعلم فيها الا الله من الأهانات و التجريح سبحان الله كيف عوض ربي 🥺