>>> حبيباااااتي اعذروووني تكفون لان القصه طويله فــ مضطره اخليها اجزااء ...
سلام ياا احلى اخوات بالدنيا
صراحه قبل فتره كنت من اشد المتابعات لهالقسم
لحد قبل اسبوعين وقدر الله وانشغل شوي او اتجاهل هالقسم
واليوم بما اني فاضيه ومريحه عند اهلي
قلت افيدكم واقول لكم قصتي من قبل سنتين ونص
لحد يومي هذا
والغرض من قصتي والله اتمنى لكل اخت لي متاخره تستفيد مني
وتبذل الاسباب وقبل كل شي تتوكل على الله وماااااا تفقد الامل ابدااااااااا
قبل سنتين ونص بالتحديد شهر 12 تزوجت
وطبعا من اول ما تزوجت وانا اسمع هاالجمله دااااااااااااايم تتردد على مسامعي
( شكلها بتحمل من اول شهر زي امها ) ماشاء الله ربي يحفظ لي امي الغاليه من عيون الحاسدين
المهم كنت بالبدايه افرررررح واقول بنفسي صح اكيد بطلع لامي
مر اول شهر ,, ثاني شهر ,, سادس شهر ولا حس ولا خبر للحمل
الكل اندهش واستغرب واعووووذ بالله من زنهم وكلامهم اللي ماله داعي
جد وقتها حسيت على دمي واستوعبت انه الناس ماصارت تذكر الله
مالهم سيره الا انا وامي وامي وانا
طبعا حطيت للكل حد .. وخطوط حمرا محد يتعداها مهما كان الموضوع اللي كنا نتكلم فيه
الحمد لله ارتحت ونفستي ارتاااحت كثييييييير
وكنت مررررره مأجله فكره اني اروح للمستشفيات وادور علاج
او حتى اشوف السبب اللي ماخلاني احمل من اول شهر زي مايقولوا : )
لاني ولله الحمد دورتي منتظمه ماشاء الله ومن عايله ولوده بسم الله علينا ههههههههه
طنششششت وعشت حياتي ولله الحمد بتوكل على الله ورضا بقسمته
مرت اول سنه وقدر الله ويكتشف زوجي بالصدفه انه يعاني من الدوااااالي
حزن .. وتذمر .. وحكم على نفسه بالعقم
لكن انا ما سبته لحاله خففت عنه وقدرت اوعيه من كل النواحي
فتحت النت وجمعت كل معلومه سواء كبيره والا صغيره عن الدوالي ووريته هيا
بحثت عن افضل الاستشاريين في المملكه واعطيته اساميهم
وحبيت اطمنه بقدر ما اقدر لانه الدوالي الحمد لله اهووووون بكثييييييييير من اي شي ثاني ولها علاج ولله الحمد
وقتها الحمد لله خفت حده القلق اللي كانت بقلب زوجي وهان عليه الامر
قلت له استخير الله و استشير اصحابك بهالامر لانه اكيد لابد من احد فيهم جرب لانه على حد علمي منتشره الدوالي لعل وعسى يتطمن
سأل اصحابه المقربين وطلع يمكن نصهم قد جاتهم وسووا لها عمليه والحمد لله عندهم عيال ومتهنيين
خففوا عنو.. وشجعوووه .. وساعدوه واعطوه اسامي دكاتره ممتازين ربي يجزاهم الجنه
واخيرا اقتنع حبيبي وراح سوا فحوصات العمليه وكتبوا له تنويم وعمليه ربط للدوالي باليوم الفلاني
وكان هالكلام بعد سنه كااامله من زواجنا
صح حزنت ذيك الفتره حزن مو طبيعي بس كنت متاكده انه ربنا كريم راح يشفيه ويعافيه ويقومه ليا بالسلامه
دخل المستشفى وكان هالمستشفى بنفس المنطقه اللي ساكنين فيها مع انه مو ذاك الزود بس عشن اصحابه سووها فيه .فتطمن شوي
تنوم وفي خلال ساعتين الا وهو مخلص العمليه ولله الحمد ونزلوه للغرفه وتوووه فاق
ومن بعدها بدأ الزن والكلام اللي ماله داعي
والرادارات بدت شغلها .. يعني ماصار لنا حجه على قولهم
مع انه كله بيد رب العالمين
مرت الايام ... وكثرت الاستفهااااامات ... وتحطمت النفسيه
وقتها جد بدات اقلق وافكر وش ممكن اسوي ؟؟
فاتحت زوجي اني ابغى اروح المستشفى اكشف
قال خليها على ربك .. اصريت لحد ما وافق
وبدأت رحله المستشفياااااات
بدأت وقتها معاناااتي
على كثر مارحت مستشفيات
الا اني مالقيت الجواب اللي يريح قلبي
او بالاصح عمري مارحت مستشفى وكملت فحوصاتي كلها
والله يمكن اكثر من 10 مرات اروح المستشفى موعد وما يتم
مره الدكتوره عندها عمليه
ومرات اوصل لحد باب المستشفى وتجيني ضيقه وما ادخل
ومره اسوي كذا تحليل وما عاد اكملها
ومرات كثييييييييييره ربي ما ييسر لي واخذ النتايج
مع اني ابذل الاسباب بس من ربنا
كنت اتضايق كثيييييييييييييييييييييييييييييييييييييير لاني اكون متحمسه ومايتم لي الموضوع
ولاني قلقانه ومن هالتنكيد ما ارتاح ابد
ووالله طوووول هالسنه اللي قلت بتعالج فيها ما استفدت ولا مره من روحاااتي الكثيييييييييييييييييره للمستشفياااات
مره كنت تعبااااااااااانه وموعارفه وش يعورني اصلا
رحت للطواريء بااخر الليل وانا اولول من الوجع
كشف عليا الدكتور قال لاااازم نسوي تحليل
قال زوجي ليش ؟؟
قال احتمال تكون عندها خمول في الغده الدرقيه
هنا دوروووني ما تلقووني تقفلت الدنيا بوجهي
وقلت خلاااااص عرفتتتتت سبب تاخر حملي
تعوذت من ابليس وقمت سويت تحليل وقالوا بعد يومين تنزل النتيجه
جلست هاليومين يدي على قلبي
والنفسيه ماااااره تعباااااااااانه
ولا يهنالي لا نوووم ولا اكل ولا رااحه
مرت هاليومين ورحت اخذ النتيجه
ما قدرت انزل للمستشفى قلت لزوجي انت انزل جيبها
قال يلا معايا عشان اذا قالوا محتاجه دكتور او شي
قلت مره لا تحااااول روح جيبها وانا استناااك مره ما اقدر
نزل ... وبعد ربع ساعه جاني واول ماركب السياره ساااكت
مشينا وانا مستنيه متى يقول لي النتيجه ..
قلت هااا بشر .. قال الدكتور يقول هي حبوب بسيييطه تشربينها ومافيك الا العافيه
قلت له يعني اييييييييييييش ؟
قال عندك خموول .............................. سكت
الحمد لله
حزنت بس حمدت الله انها جات على كذا
قال لي اخذت لك موعد بعد يومين ان شاء الله
جا الموعد وطننننننشته ...
جلست شهرين كل ما ابغى اروح للمستشفى اتراجع بااخر لحظه
مدري هو خوف والا هروب من الواقع
المهم قبل رمضان بكم يوم كنت ببيت عمي ( اهل زوجي )
وكانت عمتي رايحه للمستشفى .. ولنفس الدكتوره
قالت لي يلا معايا ماعاد فيها تاجيل خلينا بس نتطمن ويعطونك حبوب الغده عشان ترتاحين من التفكير >> لان نفسيتي كانت تعباااااانه من كثر الهلوسه ههههههه
غصبني زوجي وقال لي انا بوديكم عشان اكون معاك .. وامه من جهه ثانيه
ويالله يالله اقتنعت ورحت معااااااهم
طول الطريق وانا طفشااانه وخايفه بس مخليتها على رب العباد
وصلنا ودخلنا وكان اللي مناوب دكتور الباطنيه
استحيت قلت ما بدخل للدكتور قال زوجي ادخلي بس يطمنا على التحليل اللي اول سويتيه
توكلت على الله ودخلنا .... وحط الدكتور ملفي قدامه
قلب فيه قلب قلب الين ما فصفصه ومالقي شي عن ذيك المراجعه
قله زوجي قبل شهرين سوت المدام تحليل للغده ونبغاك تتابع معاها
قال مالقيت التحليل بالملف
قام ارسل الممرضه للمختبر ببياناتي وجلسوا يدوروونه
تاخروا يمكن سااااااااعه وانا على ناااااااااااااااااار
وزوجي ماحلا له التريقه الا ذاك الوقت ههههههههه
كل شويه الدكتور يدق على المختبر ويقولوا لسى مالقيناه
بعد فتره جات الممرضه ومعاها هالتحليل العلللله
اخذه الدكتور وطالعه وضحك ههههههههههههه
قال لو ادري انه هالنتيجه ماكان تعبتهم يدوروا عليه
قال نسبه الهرمون عندك ماشاء الله طبييييعيه ومررره ما تحتااااجين ولا علاج
واسفين اننا تعبناكم معانا وتعبنا لكم نفسياتكم
والله الدنيا مااااااااااااااوسعتني يوم قال هالكلام
تغيرت نفسيتي للاحسن
وصرت متفااااااااااائله .. وبديت افكر من جديد بالحمل ...
المهم جاء رمضان وسبحان الله زاد التفاؤل بقلبي
كثفنا دعاااااء واستغفار وبذل الاسبااااب
قلت يلا باذن الله يصير العيد عيدين
ومرررررررره كنتت داايم اسرح بخيااالي
كيف ابشر زوجي .. وكيف بتكون فرحته ... وكيف بيكون عيدنا
يعني منجد حسيت نفسي وصلت لأعلى مراحل التفاؤل
جا العيد وشرفت اختكم ام علي ما ثاني يوم بالعيد هههههههههههههههههههههههه
الحمد لله يااارب
اخذتها برووح ريااضيه
وكملت ايامي رتيبه وما يها شي جديد غير هالتفكير اللي ذبحني
قرب الحج .. وكلمونا اهل زوجي قالوا بنحج ونبغاكم معانا
عاد انا طرت فرحه والحمد لله تم كل شي على احسن مايكون
وقلت يلا باذن الله فاااااتحه خير علينا كلللللنا
رحنا الحج ... وكانت احلى اياااام حيااااااااااااااااااتي
يالله نسيت فيها كل همي وكل غمي وما اتذكر الا لذه عباده الله
ومتعه التذلل له
بكل خطوه .. وبكل دعوه كنت اتذكر امنتتي ( الحمل ) واقول يااارب لا تحرمنا ذريه طيبه من عندك
كاااان كلي امل وتفاااااااااااؤل
وسبحان اللي سخر لي ناس طيبييييييييييييين يدعون لي
ام زوجي بكل شعيره كل ما وقفت جنبها اسمعها تدعي لي ولزوجي
ربي يجزاها الجنه
وكل الحريم اللي معانا بالمخيم كل ما تشوفني وحده تقول لي ماشاء الله توك عروس ؟
اقول لأ ليا سنتين ونص
يستغربوا ويقوموا يدعون لي بالذريه الصالحه
ربي يجزاااهم الجنه ياما سمعت دعوات تجنن منهم
ربي تمم لنا الحج يااارب لك الحمد رغم ضروف السيل والخوف اللي صار
لكن ربنا اذا اراد شي يقول له كن فيكووووون
رجعنا من الحج .. وانا احمل بين طياتي حلم متاكده ان وقت تحقيقه قرب
غيرت من شكلي .. وعملت نيولوك وغيرت من نفسيتي
وكان وقتها توونا كملنا سنتييييين زواج >> العمر كله يارب
دخلنا السنه الجديده
وانا من رؤيا للثااانيه .. وكلها افسرها ويطلع ذريه طيبه باذن الله
بس انا الله يهديني مررره استبعدت الامر
وبنس الوقت صرت اتحرى موعد الدوره
وكانت كل ماقرب موعدها .. يتجدد الحلم واتحمممس اني حامل هالشهر
وسرعاااان ما ينطفي حلمي
موقف ما انساه كان باقي لدورتي يوم بسسسس
وكنت مع ام زوجي بمحل حلويات .. وكنت واقفه عند حلويات المواليد والتوزيعات حقت النفاااس
وسرررحت مررررررررررررره وجالسه اخطط بيني وبين نفسي
باذن الله اسوي كذا .. واشتري هذي ,,
شوي والا احس بألم فضيييييييييييع ببطني
االا وتشرف المحروسه ههههههههههههه قلت حتى ماخلتني اتهنى باحلامي
الحمد لله
بعد هالموقف قلت خلاااااااااااااااااااااص جا وقت العلاج باذن الله
مرت شهرين وانا ما دست عتبه المستشفى هههههههههه
وكله كان كلام فاضي مني وكالعاده كسوووله
المهم بعد زواج وحده من قريباتي بيوم كنت نايمه الا زوجي يصحيني
قوووووووووووومي يلااا بسسسسسسسسسسسسرعه
قوووووووووووووومي صلي وابغى اوديك مشوار مهم
قمت اصلي ...
وجاني مستعجللل قال يلا البسي بسسسسرعه بنروح المستشفى !!!
استغربت قلت وش في ؟
قال بنروح نكشف ,,, قلت وش الطاري ؟
قال طول فتره الظهريه وابويا حزنني يبغى يشوف عيالي ويتمنى انك تحملين بسرعه
وتراه اعطاني كل فلووس هالمراجعه تقريبا الف ريال
قلت يلا ما نكسر كلامه لبست ونزلنا
ورحنا مستشفى خالد ادريس بجده
دخلت عند الدكتوره الهنديه دريه قمه بالاخلاق والرقي
كشفت عليا وقالت لازم نسوي سونار سويته وقالت ماااااشاااء الله كله تمااااااااااام
والله ما تصدقون قد ايش رحت ولله الحمد
قلنا لها طيب وش ممكن يكون سبب التاخير
قالت من رب العالمين
قام نشب زوجي بحلقها هههههههههههههههه الا وتعطينا حبوب منشطه
قالت لا المراجعه الجايه اعطيكم بس تعالوا اول يوم بالدوره
قال لها احنا بمنطقه ثانيه لكن اكتبيها لنا وقولي لنا طريقتها
وباذن الله وقت الدوره تاخذها ونريحك مننا
وجلس يتريق يقول لها لو حملت بنونو واحد بعطيك 500
ولو توأم بعطيك 1000 هههههههههههههه وانا ماجاب خبري وش بيعطيني هههههه
اخذنا الحبوب وبهالمناسبه الحلوه تمشينا وفليناها وكنا بنخربها ونحجز فندق بفلوس عمي هههههههههههههههه لانه عندنا تامين بس عمي من زود الحماس اعطى زوجي فلوس
رجعنا وبدأ زن زوووووووووووووووووووووجي
جاتك الدوره ؟؟
اشربي الحبووووب
سوي كذا .. افعلي كذا
وانا قمت اوسوس خفت تجيب لي تكيسات او شي لاني سليمه الحمد لله
قرب وقت الدوره وانا خلاص اخذت قرار اني ما اشربها
قلت لزوجي وزعل عليا ,, قمت وريته مضارها بالنت >> صراحه ماكانت لها مضار بس من كلام الناس عن المنشطات عامه
ما اقتنع
قمت كلمته بالهداوه وفهمته وجهه نظري ويالله يالله اقتنع ورضي
جات الدوره وانا مابين مشتهيه وملتهيه
ابغى اشربها وخاااااااااااااايفه قمت طنشتها
عدا هالشهر ثقييييل ... وزوجي كل ماله يفتح موضوع المنشطااات
وقربت الدوره الثانيه وكنت عند اهلي وقلت يلا استخير واذا ربي رايد لي الخير باخذها
استخرت وعينت من الله خير ولكن مااازلت مصره على قراري ماراح اخذها
رجعت بيتي .. ورجع الزن ههههههههههههه وجد ذاك اليوم زعلته
ويالله راضيته وناام .... وانا برضو مقرره ما اخذها
وفجاه كنت اتصح هالمنتدى الرائع وشفت تجهيزات البيبيهات وشااقني الشوق
ولا شعوري ما لقيت نفسي الا اني شربتها وشربت مويه وخلصت هههههههههه
من فرحتي قمت صحيت زوجي وقلت له ومرررره فرح
عاد شربت المنشطات وتعبت مرررررررررررره منها
دوخه .... غثيان .... الام كثيره واجهاد جسدي
قلت يلا عشان عيون النونو وابو النونو
وبدأت استنى الدوره الجايه على احر من الجمر
كل يوم كانت لي قصه
وكل يوم كان يكبر الحلم بقلبي
وكل يوم يزيد املي بالله سبحانه وتعاااالى
وكل يوم اتلهف لخبر حملي
مر الشهر ثقيييييييييييييييييييييييييييييييييييييل
بس كان شهر غير حصلت فيه عوارض ماقد صارت لي
كل ما اجي بقول من الحمل
اقول لأ لان المنشطات شي جديد على جسمي
>> كنت اخاف اتفاءل مره وانصدم
قرررررب موعد الدوره وانا متلهفففففففففه
ومستنيه ومجهزه عدتي >> تحليل حمل منزلي ههههههههههههه
باقي على الدوره يومين قمت تليقفت وسويت التحليل
وطلع ساااااااااااااااااااااااااالب
صح انصدمت بس مازال الامل بقلبي
دام الدوره لسى ما شرفت
جا موعد الدوره .. واانا اللي بس منسدحه عشان ماتنزل
الحمددددد لله تاخرررررت يووووووووووووم
واروووووووووووووح طيراااان على المستشفى
واسوي تحلييييل حمل
وهنا البشااااره ههههههههههههههههههههه
http://forum.hawaaworld.com/showthread.php?t=2351196
وكان عمر الحمل شهر واسبوع
وكنت قمه بالفرحه والونااااااااااااااااااااااااسه
والدنيا كانت مي واسعتني انا وزوجي يارب لك الحمد
بس كان حملي ضعيييييييييييييييف
وشا الله وقدر ان الحمل ما يتم والاسبوع اللي فات نزل وصار الاسلاب
وباذن الله احكي لكم قصه اجهاااضي الحزين ...
>> المفروض اكمل القصه بس وربي تعباااااااانه وراسي مصدع وظهري ياااا سلام سلم الحمد لله بس
يسعدلي قلوبكم الطيبه اللي صبرت عليا وعلى قصتي
ويعلم الله اني ذكرتها لكم عشان تتفائلون وما تنسون الاخذ بالاسباب
وباذن الله لي عوده افتح موضوع جديد بكتب فيه تجربتي كامله مع المنشطااات
وبرضو باذن الله اذا ربي احياني بكتب لكم قصه اجهاضي وايش الاخطاء اللي ارتكبتها
اعذروووني على ردائه التعبير فانا والله تعبانه وحاليا عند اهلي
واول ما اخف اتحفكم بقصصي هههههههههههههههههههههههه
يسعدكم ربي
متمكيجه بعز الظهر @mtmkygh_baaz_althhr
محررة فضية
يلزم عليك تسجيل الدخول أولًا لكتابة تعليق.
الله مافي اكرم منه الله يعطيك ماتمنين سبحان الله والحمد لله والله اكبر لااله الا الله
يسعدني اكون اول وحده ترد عليك بس عن جد شوقتيني اسمع القصه كامله الله يجزاك الجنهيسعدني اكون اول وحده ترد عليك بس عن جد شوقتيني اسمع القصه كامله الله يجزاك الجنه
يا حياتي وتواجدك اسعدني اكثر
تابعيني حبيبتي
تابعيني حبيبتي
الله مافي اكرم منه الله يعطيك ماتمنين سبحان الله والحمد لله والله اكبر لااله الا اللهالله مافي اكرم منه الله يعطيك ماتمنين سبحان الله والحمد لله والله اكبر لااله الا الله
ونعــــــــــــــــــم بالله اكرم الاكرمييييييييييين
تابعيني حبيبتي
تابعيني حبيبتي
كملي يالغلا لفتني قصتك من قبل واحساسك انك حامل يارب تتكرر هاللحظة لك قريب ولنا كلنا يارب ياكريم :)
الصفحة الأخيرة
بس عن جد شوقتيني اسمع القصه كامله
الله يجزاك الجنه