قصه جود وسلاف اللي بتوقيعي

السلام عليكم ورحمه الله وبركاته
بناء علي طلب كثير من العضوات ورسايلهم علي الخاص يسالون ويش قصه جود وسلاف اللي في توقيعي اليوم قلت بنزل القصه لاني ما اقدر ارسل القصه لكل عضوه وسالت صعبه المهم القصه هي ياطويلات العمر اني متاخره بالحمل سنين طويله جداااا وياما رحت دكاتره وممرخات يعني حافيت برجولي ويديني لين ربي ما الهمني بحاجه ايام حافز كانت عضوه كاتبه انه كفله يتيم وربي رزقه ووفقه هي في الجامعه المهم كفله يتيم بميه ريال شهرين وتفاجات:)اني حامل بغيت انجن السستر انفجعت قلت زوجي وانبسط المهم رحت مراجعه وقال الدكتور الكيس كويس تعالي بعد كم اسبوع نشوف النبض ورحت وانصدمت يوم قال نبض اثنين يعني توام صراحه سكتت وقلت الحمد لله ربي عوضني عن صبري اثنين وقلت لزوجي وانبسط المهم مرت شهور الحمل وتعبت فيه وربي يعلم بتعبي والكل عينه علي وزوجي الله يهديه قال لا اهله انهم توام ويهرجون فيه عادي وبطني كان واضح انه توام المهم قبل اسبوع من السادس سويت اشعه رباعيه الابعاد وشفتهم واه بس كانو يهبلون كانوا بنات جود وسلاف وحده كانت حركته كثيره علي قول الدكتوره شقيه والثانيه هاديه ومغمضه عيونه وجايه تحت والاول فوقه وورتني شكلهم يدينهم جايه جنب بعض كانهم يسلمون علي بعض وربي قلبي كان يفرفر فرحانه وخايفه وفيني البكوه شعور غريب انا اموت في البنات اعشقهم يوم شفتهم نسيت سنين الانتظار نسيت كلام الناس وجرحهم اوه بس ياهوه شعور كنت طايره وربي طايره من الفرحه بعدها با اسبوع ولادت وماتوا لانهم كانو صغار الرئه مااكتملت شعور مؤلم وانا اشوفهم يتحركون في بطني في الرحم قاعد يقذفهم والدكاتره مايقدرون يسون شي شفتهم وكانو صغار مره ماقدرت اشيلهم ولت احضنهم بعده بيوم طلعنا واخذناهم كانوا ملفوفات بفوطه بيضه حاطوهم زوجي وراء المستشفي قالوا مالنا دخل انت تشيلهم شالهم وحطهم وراء ويقول لي لاتتنظرين وراء اطول مشوار في حياتي نزلنا عند المغسله ودخلنا انا اشيل وحده وزوجي وحده جات حرمه تغسلهم وشفتهم واه اه ياقلبي كان بيغمي علي وانا اشوفهم يتغسلون ويتكفنون وهم صغار والله صغار اول مره ادخل مغسله اموات اللي تغسلهم اسالتني ويش يقربون لك قلت بناتي بغيت اطيح واصيح واقول بناتي جودي وسوستي لو شفتوا شكله قالت ليش ما خليتي احد غيرك يكون معهم قلت ماعندي احد غسلتهم وراحت وجاء الرجل وشالهم وصلوا عليهم وانا اصيح وبعدها الله يسعدهم ويوفقهم جاء حق المغسله وقال في شباب متطوعين بيشلونهم ويدفنونهم واخذوهن بسيارتهم وحنا وراهم ودفنهن ورجعنا البيت زوجي كنا دايم يوم يصلي علي اطفال يجي متاثر ويقول شكلهم اهلهم يقطع القلب بس هالمره بناته قطعه منه لو تشفون شكله وشكلي مرت علي ايام مدري كيف مرت والله مدري نحفت صرت عظم وجلد اقعد يوم كامل علي حبه تمره كنت ادعي الله يربط علي قلبي ويجعله ذكره حلوه في حياتي وهذي قصتهم