قصه حقيقيه

حبيباتي..
هذي قصه حقيقه وغريبة جداا عن خطورة اللباس العاري..
الاسبوع ماقبل الماضي حصل ان ولد اخوي صغير عمره 3 سنوات تنوم في المستشفى .. والسبب جيك قزاز طاح على رجله وقطع الوريد عنده...
المهم امه تنومت معاه.. 
تقول زوجة اخوي..كان فيه غرفه بجنبنا وفيها بنت صغيره ومكتوب على باب الغرفه  ممنوع الزياره.. يعني اللي فيها في عزل  ممنوعة عنها الزياره..
تقول قلت في نفسي يمكن انه سرطان او مرض معدي.. تقول أمها جاتني في الغرفه وكان وقتها رمضان.. تقول جابت لي فطور قالت وسألتها عن اللي في الغرفه..
قالت.. انا قصتي يمكن ماحد يصدقني لو قلتها...
تقول كنا في تمشيه.. في مكان عادي.. قالت وبنتي كان شعرها طوييل ولابسه علاقي ..
تقول انا من زمان ابي اقص شعرها وفي بالي ذيك اليوم اللي تمشينا فيه قلت لارجعنا بقصه..
قالت وبنتي تلعب على السيكل رايحه جايه..
وكان في نفس المكان عايله جالسين..
تقول شوي ولا اشوف بنتي شابه فيها النار وشعرها وراسها..تقول كأنه احد صب عليها بنزين .. والنار شابه بس من خصرها وفوق بس.. 
قالت المكان اللي احنا فيه مافيه نار ولا احد شاب نار ابدااا..
قالت وانا اطالع في بنتي وماني مصدقه 
وتقول افرك في عيوني ويوم اطالع ولى فعلا هي بنتي قالت وافصخ عبايتي واحاول الف البنت والنار شابه فيها قالت وجاء أبوها ولفها بالشماغ وقلبها على الأرض علشان تنطفي النار..
قالت واخذناها للمستشفى وفي الطريق تقول اناظر عبايتي وفيها لحم بنتي متلصق فيها ..
المهم تقول يوم وصلنا هناك قالوا هذا على العنايه عالطول..
تقول الأم.. والله النار شبت وحرقت بس الأماكن اللي كانت عريانه.. على حد البلوزه العلاقي اللي كانت لابستها.. والبلوزه مافيها شي ابدا...وانا كمان جاتني حروق في يديني ورقبتي علشان يوم اسعفت بنتي..




طبعا البنت تشوهت .. جسمها ووجها..صاروا الدكاتره ياخذوا جلد من مناطق ثانيه ويسووا لها عمليه في الأماكن المشوهه








ياااا اخواتي ياحبيباتي.. والله ثم والله ان القصه حقيقه وزوجة اخوي قايلتها لي انا...
يعني صدق مو كذب والله العظيم  وربي...




انتبهوا لبناتكم... انتبهوا لانفسكم...
اللبس الساتر الله يرضى عليكم  والتحصين لاتفرطون فيه..ًسواء لكم او لبناتكم..،




تكفون انشروها لعلكم تنقذون احد من هالمصايب.. 
اسأل الله لكل من يرسل  لهذه الرساله ان يوفقه توفيق جااامع لخيري الدنيا والاخره وان يصرف عنه شرور الدنيا والاخره وان يجعله ممن كتب الله لهم القبول والنجاح والفلاح والفوز بالفردوس العااالي من الجنه..












هذه القصه انا كتبتها بقلمي/ وجدان الزهراني...
أحبكم وربي واتممنى لكم الخير الواسع