قصه حقيقيه حدثت قبل 30 سنه فيها معجزة الهيه

السلام عليكم ورحمة الله
اول شي كلكم قولو لا اله الا الله ..........لانه فعلا لا اله الا الله غصب على من كفر
ثانيا القصه هذي حكتها لي امي الله يخليها لي بنفس اليوم اللي سمعتها فيه من خالها وهو رجل عمره فوق 65 بس عليه سوالف ماينمل منها بس عيبه الوحيد انه ناشب في حلق امي يقول بنتك ليه ماتسلم علي انا خالها وانا ماشاء الله خوالي كثار وكلهم شباب والقصه هي
كان هناك مجموعه من البدو شدو اورحلو من مكان لمكان اخر لطلب الماء والربيع كلكم عارفين !!!!!
المهم انهم كل شدو وطبعا يمشون مع بعض وينزلون في مكان واحد ومابقى من جماعتهم الا رجل وزوجته الحامل وعلى وشك ولادة تخلفوا عن ربعهم لسبب او لاخر مادري المهم انهم الحقوهم بعدين وبنص الطريق تعبت زوجة الرجال اللي مارحل مع جماعته وحست انها ولاده لان هذا بكرها وماتعرف بها الامور فنزلت من ظهر البعير وجلس زوجها عندها بعدين جاها الطلق وولدت بعدها مباشرة توفيت :09: رحمها الله واموات المسلمين وجابت بنت عاد زوجها صارت مصيبته مصيبتين زوجته ماتت من جهه ومن جهه ثانيه ابتلش بالبنت وماعنده احد يرضعها:( وكلكم تدرون المولود بعد ولادته مباشره يحتاج رضاعه المهم ضاقت عليه الوسيعه ومايدري ويش يسوي جلس يفكر يدور يمكن فيه ناس جنبهم وحتى لوبعيد ماعنده مشكله المهم يلقى مره ترضع هالمسكينه ويوم يأس من حياتها وشك انها ممكن تموت من الجوع قام وسوى لها التراب بيده تحت ظل قشعه اوشجره ماهي طويله وحط لها مثل قطعة قماش فوق الشجره عشان تظللها من الحر والشمس وراح يقنص او راح يدور لى ماء مادري المهم انه كان طول اليوم غايب ويوم رجع المغرب لقى العجب !!!!!!!!!!!!!!!!!!!!!!!!!!!!!
تخيلوا وش شاف البنت الصغيره لازالت عايشه وباحسن حال حمد الله واليوم الثاني راح طول اليوم والمغرب رجع لقى بنته احسن مماتركها عليه وجلس عدة ايام وهو كل مارجع يجد بنته احسن من الشكل اللي تركها عليه كانت كل يوم يزيد جمالها مومثل الاطفال المواليد تكون عادة اشكالهم وكانهم من كوكب اخر لا هذي حلوة ونظيفه وجمالها يتجدد ويزيد ومايدري وش السبب الى ان جاء يوم من الايام


وجد البنت تمص اصبعها الابهام وماعطى الموضوع اهميته الى ان لاحظ ان اصبعها اللي تمص يطلع منه حليب والبنت ترضع عاااااااااااااااااادي وكانها ترضع من ثدي امها استغرب بعدين اكتشف ان الحليب اللي من اصبعها هو من الجنه !!!!!!!سبحان من فهمها تمص اصبعها ليخرج منه حليب ليس كحليب الامهات وانما حليب كان هو وراء ازدياد جمالها كل يوم انه حليب الجنة رحمها ربها يوم كانت طفله جائعه عاريه ملقاه بصحراء لا تعيش فيها حتى الوحوش من شدة حرها
لا اله الا الله بعدها الاب اخذ بنته ولحق جماعته
وسلامتكم!!!!!
اتمنى تعجبكم قصتي واتمنى ماكون طولت عليكم بهذرتي الزايده:hahaha: