قصه حقيقيه صارت معي

السلام عليكم ورحمه الله وبركاته.               بنات حابه احكي لكم قصتي من باب العبره ونصحي مع اني ما اتوقع ينفع معي النصح بس ابي دعواتكم ان ربي يهديني                           القصه هي .....                                             انو عندي قريبه لي مررره  مرررره هذي البنت في سني وتزوجت كم مره وماتوفقت مع اثنين.  ويوم وصلت لسن كبير شويه جاها نصيبها الثالث وكانت ع اتصال فيني دايما تخبرني بكل شي يصير لها المهم يا حلوات خدت رجل امي وهي دارسه الين المتوسط بس وماعندها عيال من قبل  وجلست خمس سنوات معه وربي يابنات اني صرت اكره الجلسه معها من كثر ماتشكي من حياتها وماهي ملتزمه مره عادي  المهم وتجي مرات واستغرب حركاتها اسمعها طول الوقت يطلع منها صوت قلت انتي تراك ازعجتينا احسك منتي بمعي بس توصوصين كنك عصفور  طبعا امزح  قالت لي استغفر احسن من جلستنا البايخه ....طبعا هذا مزح يعتبر  بما اننا نمون ع بعض...وتمر ايام وسنين وهي ماملت نفس الحركه الي درجه انها ماصارت تشكي ...والمفاجأءت بحياتها جات ورا بعضها اقسم بالله العلي العظيم اني ما كذبت بكلمه تخيلو حملت وجابت ولد يجنن وبعد الولد تخيلو المعجزه .......توظفت وربي اني صادقه توظفت بالاشراف تخيلو بشهاده ثالث متوسط وحنا بكالوريوس طايحين بالبيوت الهم لاحسد ماشاءالله وبعد كذا اسكنوا بيتهم الجديد  وجابت شغاله بعد .......اقسم بالله يابنات اني ترددت بكتابه القصه لكن حبي لكم وحاسه اني ابي اسوي زيها بس ماقدرت فيه شي يمنعني واكيد انها الذنوب عشان كذا ابيكم تدعون لي بالهدايه  والله يابنات انو الي صارلها من خير صار ورا بعض في نفس السنه الي ولدت فيها الله يهنيها ولا يحرمنا.   .............كل مره انوي اسوي زيها خاصه ان امور حياتي كلها ملخبطه واداوم يوم يومين بالكثير واكسل .....بس امانه معكم تدعون لي ان الله يهديني ويثبت قلبي علي طاعته ...........والخير الي صار لها مو بس دنيوي والله العظيم يابنات انها صارت تحافظ علي صلاتها وبالوقت مو زي اول غير كذا ما عاد شفتها تغتاب واذا زل لسانها علي طول تشوفي الخوف بملامحها وترجع تستغفر بسرعه. يارب يالي هديتها انك تهديني انا وبنات حواء والله اني مقصره بصلاتي وبالاستغفار وباذكاري يارب الطف بحالي وسخر قلبي لك وحدك يالله.........الله يثبت قلبها علي طاعته  ......الاستغفار يابنات شي عظيم الله يجعلنا من المستغفرين هذا وصلي الله علي نبينا محمد صلي الله عليه وسلم