قصه حملي اللي اجهضته

انا ام لخمسة اطفال اكبرهم بو سبع سنين واصغرهم توام عيال سنه بصراحه كانت تربيتهم شوي متعبه بحكم ان بنتي كان عمرها 4 شهور وحملت على طول بالتوام وكاني كنت اربي 3 اطفال والحمدلله قدرت اجيب شغاله تعاوني ومرت الايام ولما صاروا التوم 9 شهور تفاجئت اني حامل بكيت وتكدرت وكنت ابغي انزله بس زوجي وامي وخواتي هدوني واقنعوني اني اكمل الحمل واقتنعت انه هذي نعمه من عند الله ولا قلت لاحد اني حامل وكملت وكنت لما اروح العياده اطمن على حملي اتعلق اكثر وخاصه لما عرفت انها بنت لاني يصراحه بغيتها تكون بنت لان عندي 4 اولاد وبنت وحبيت تكون اخت لبنتي وكل يوم نتهاوش انا وريلي على الاسم هو يبي يسميها على امه وانا ابغي اسم جديد والحمدالله كملت 15 اسبوع وكنت رايحه موعدي ولما كانت الدكتوره تشوفها بالسونار صدمتني ان نبضها وقف من اسبوع بس وقتها وقف قلبي وظلت الدموع تنزل لا ارادي مني وحولتني قسم ثاني عشان تتاكد وطول الدرب ادعي ربي ان الدكتوره تكون غلطانه كنت ابغي بنتي وما ابغي يصير فيا اي شى ولما جا دوري بعد قالوا لي ان ما فيه نبض زوجي يواسيني من صوب وخواتي وامي كن صوب بس وقتها دخلت الحمام وظليت ابكي وحسيت ان ربي خذاها عني لاني ما بغيتها من البدايه بس الحين والله العظيم اني ابيها واني ندمانه وايد لاني فكرت اني انزلها..... يا رب ارحمني وصبرني وعوضني. اكملكم ... رحت المستشفى عشان ينزلونها قالوا لي اني حجمها كبير ولازم تكون قسطره يعني عن طريق طلق صناعي وتكون مثل الولاده توكلت على الله وتنومت وظليت عندهم يومين في اليوم الثاني اجهضتها قالت لي امي لو ابي اشوفها ما قدرت وكانت جنب رجولي بصراحه كان موقف صعب خذوها وطلبت من زوجي انه ياخذها ويدفنها ويسميها على امه ... طلعت بنتي للدنيا وهي ميته واحس بذنب كبير مب عارفه ليش... ادري ان هذي مشيئه رب العالمين وانا مالي دخل فيها بس الحمدلله على كل حال والله يحفظلي عيالي ويرزقني ويرزق كل محرومه .... وترا الحمل نعمه :26: