قصه حملي بعد3سنوات

حبيت اكتبلكم قصه حملي عشان كل وحده ماتياس من رحمه ربها
انا تزوجت عمري17 سنه زواج تقليدي هو يقربلي من بعيد المهم تزوجت
ومرت الايام والناس تسال ماكو شي بالطريق اقول الله كريم مرت الايام ماكوشي استغربت
خلا ل هالفتره نفسيتي وايد تعبانه لان الكل قام يتحجى هذي ليش ماحملت وتمر الايام وكل ماتاخر
الدوره اقول يمكن حامل وابلغ ريلي وطيران على الصيدليه يشتري التحليل وبالنهايه يطلع ماكو حمل
يمكن حللت 20 مره ماكو حمل وترى زوجي يحب اليهال اكثر مني وبعدين صارت مشاكل بيني بين اهل ريلي
واكتشفت انهم ناويين يزوجونه بنت خالهم وكلمو اهل البنت وافقوا بشرط انا يطلقني وريلي ماكان عنده
علم بالموضوع وبعدين قال ليش لا انا ابي عيال اهني انصدمت زوجي اللي احبه باعني مرات اقول مالومه يبي عيال انا سويت تحاليل اشوف شنو المشكله طلع فيني بس هرمون حليب ونزلته الدكتوره وكلشي عندي سليم
تصدقون يابنات انهم يعايروني باختي تزوجت عقبي بسنه وحملت بعدها بشهر والله لما يقولولي جذي اصلي وابجي اقول ياربي ياحبيبي لاتخلي قلبي على اختي قاسي مع انها طيبه وايد بس الناس ماتخلي احد بروحه


قصه حملي
قعدت الصبح دايخه فيني لوعه والدوره كانت متاخره شهر ونصف وكنت شاكه اني حامل بس مابي انصدم مثل كل مره قعدت اطالع التلفزيون وطرت على بالي ليش ماحلل واقطع الشك باليقين دقيت على الصيدليه طلبت تحليل حمل وطول الوقت كنت استغفر على ماياني التحليل سبحان الله حتى شكل التحليل غير كان على رسمه بيبي رحت الحمام وسويت التحليل ونطرت شوي قلت ابي اقرا التعليمات على ماتطلع النتيجه وبعد دقيقتين طلع خطين لحظتها انصدمت مادري شقول رحت لزوجي كان نايم رحت قعدته من النوم وانا قاعده ابجي قلتله بطل اعيونك ابي اكلمك قالي ابي انا م قلتله بطل شوف انا حامل بطل عيونه وشاف التحليل قالي لحظه انا مو مستوعب صج او لا وتم يطالع التحليل لمده نص ساعه قالي اكيد انا بحلم وقالي لبسي خنروح نحلل بالمستشفى وطول الوقت انا ابجي وهو دموعه بعيونه
رحنا المستشفى سوينا التحليل قالوا بعد ربع ساعه يخلص نطرنا طلعت نتايج التحليل قالي روحي شوفي النتيجه انا ماقدر رحت شفت النتيجه قالتلي مبروك حامل من االفرحه قلتلها ترى موقته تلعبين باعصابي انا لي3 سنوات ماحملت قالتلي والله حامل قعدت ابجي رحت لزوجي قلتله انا حامل راح لدكتوره قال اكيد حامل قالت اي حامل قعد يبجي من الفرحه والدكتوره معانا وردينا البيت وشرالي كيكه صج ذاك اليوم احلى يوم بحياتي الحين الله نصرني على الاكل لان يوم دريت انهم خاطبين لزوجي مازعلت ولاعصبت بس قلت اللهم وكلتك امري والحمدالله الله نصرني عليهم


ادعولي يبنات اني اولد بالسلامه ويخليلي زوجي ويحنن قلبه علي