قصه حملي وولادتي ((خلو بالكم))

حبيت احكيلكم تجربتي واللي حصلي وانا حامل واثر على ابني علشان كل وحده تنتبه على نفسها وتخلي بالها وما تستخسرش في نفسها حاجه ولو لقت اي حاجه حصلت جديده تجري للدكتوره وما تستهترش

ربنا يحفظ اولادنا واولادكم من كل سوء

المشكله ابتدات من قبل حملي بعد مافطمت وببسبب تكون الحليب جتلي حمي واخدت دوا وجتل تاني بس كانت اصعب طبعا كنت باخد مضاد الف علشان تروح المفروض كنت اروح لدكتور واتعالج وكان فيها محاليل لانها السخونه اسبوع ماتنزلش طبعا اهملت جامد خدت الدوا وبعد فنره اتحسنت لدرجه اني بقى وزني 49 طيلو تخيلو بقيت جلد على عظم

قد ربنا حملت بعدها علطول الشهر اللي بعده طبعا لا في صحه ولا مناعه جتلي حمي تاني وانا حامل خدت دوا من الدتوره قعدت كام يوم وراحت اللام ده في الثالث وانا في الخامس جتلي تاني بس اشد كنت روحت لدكتوره شاطره ماشاء الله ادتني محاليل وادويه والحمد لله راحت بصيت لقيتها جايه تاني في السادس كنت روحت لدكتوره الاولى تاني ماادتنيش اي وا وقالتلي يومين وتروح الله يسامحها بقي قعدت اسبوع علشان تروح وقلبت باحتقان وبلغم
دا غير اني كنت بعاني من الالتهابات تخيلو من الرابع للسابع وانا باخد دوا ليها ومش بتروح وولدت وهي لسه عندي علشان مااخدتش دوا قوي

ولدت بقي ابني كان بين الحيا والموت بسبب ان الرئه ضعيفه وفيها التهابات شديده بسبب السخونيه والالتهابات نسيت اقولكم ولدت في نص التاسع علشان مايجيش طلق وياثر عليه وكان لا قدر الله يموت

طبعا دخل الحضانه والحاله بقت كل يوم في خطوره الالتهاب شديد سببله عدوم قدره على التنفس اتحط على تنفس صناعي وبرضه بقي مش قادر ياخد نفسه بياخد نفسه بصعوبه تخيلو مع الجهاز
ضغط الدوم بقي عاالي الرئه من كتر التنفس الصناعي لانه كان اعلى حاجه كونت ميه وهوا فتحوا في صدره بقي ياقلبي انابيب من كل حته علشان يخرجه الميه دي والهوا من صدره بصينا لقينا بيقولو عايزين دم علشان الهمجلوبي قل عنده
كان عايش بس على المحاليل لمده 13 يوم وكل ده وانا ماشلتوش خالص نت بروح اشوفه من بره كده

كل ده حصل بسبب اني اهملت من الاول من قبل مااحمل وماخدتش دوا محترم وبسبب اهمال الدكتوره بتاعتي لا ادتني دوا كويس ولا عالجتلي الالتهابات وده كان تاثيرها اكبر من السخونيه عليه

الحمد لله هو دلوقتي خرج وبقي كويس نحمد لله
كتبت ليكم الكلام ده علشان كل وحده تخلي بالها رووووووحي لدكتوره شاطره لقيتي اللي بتابعي عندها طنشت في حاجه وله اهملت سيبيها فووورا ودوري على وحده كويسه
كل الداتره اجمعوا انه كان يتعالج وهو في بطني وكانت لاستجابه ليه اسرع من بره بس قدر الله وماشاء فعل هو نصيبه كان كده

وربنا يشفي اولادي المسلمين ويرد ليهم ابنائهم سالمين في اتم صحه وعافيه