السلام عليكم ..
بكتب لكم قصتي من يوم انا حامل بطفلي
هذا طفلي الثالث ..
كانت بنتي عمرها 10 شهور يعني صغيره وانقطعت عني الدوره شهرين
واحسس نفسي دوخه ومابي امسك الدجاج ولااشم ريحته وكل مايجي زوجي انسدح
هو قال وش هالدلع والكسل قومي بس قلت ابي موز مشتهيه موز قال خلاص لطلعت اجيب لك
المهم وجاب لي وقلت بروح لهلي تعبانه وداني ع طول سلمت ونسدحت امي شكت بالوضع
قالت متهاوشين قلت لا بس تعبانه قالت شفيكك قلت لايعه كبدي من كل شي
قالت خلاص خلاص .. وتعطي اخوي الصغير فلوس يجيب لي تحليل من الصيدليه جاب لي
وقالت يلا تكرمون ادخلي الحمام وسويه قلت يمممه حنا نسوي مانع يعني ماني حامل قالت ادخلي شوفي
دخلت من الدلاخه اللي فيني ماقريت شي شفته زي البلاستك ابيض وفيه فتحه تكرمون خذته بكبره وعزكم الله تبولت عليه
المهم ان امتلى ماي وماعطانا اي نتيجه طلعت قالت امي ها شصار قلت خربان هذا قال شسويتي قلت ابد حطيته وبلت عصبت علي
انتي ماتفهمين انتي ليش تدرسين انتي وانتي وكلام مشفر ههههههههههههههههه
قالت لخوي روح وجيب ثاني وجاب ثاني وقالت خلاص بولي وعطيني انا اسويه يوم عطيتها ماطلع شي وحطته ع جنب وقالت قومي بس
انتي مو حامل بس تتسدح علينا المهم اني قمت والله وفيني تعب احس اني اركض وانا امشي عادي يوم انظف واظف البيت قامت امي تبي ترميه قالت تعالي تعالي
قلت وشو قالت انتي حامل ياغبيه هههههههههههه التحليل تو يبان عاد انا عصبت شوي وقلت لالالا ليش لان زوجي مايبي احمل الحين عشان وضع بيتنا صغير وانا ادرس وبنتي صغيره
المهم ..رحت بيتنا وقلت لزوجي انا حامل قال وش شلون وحنا نسوي مانع قلت عاد اكتبه ربك ويسكت وقال بكره صبح نروح نتاكد بالمستوصف
رحنا الصبح قالت ماشاءالله حامل زعل زوجي وقال نزليه الحين الحين يطيح قلت صاحي انت شلون قال ماااابي بزارين تشوفين وضعنا قلت طيب
قال بنشيل الرحم واروح لهلي واصيح واقول لهلي ويناديه ابوي ويعطيه محاضره وبعدين اقتنع وقال كل بزر يجي رزقه معه وانا اقول بقلبي من اول هالكلام
رحنا يوم صار لي 5 شهور شفنا السونار ولد استنانس انه ولد
يتبع قصه الولاده ..
ولادتي كانت صعبه صعبه ..
طول فتره حملي وانا اركب دم
بالبيت الساعه 1 الفجر زوجي وعيالي نايمين وانا يجي طلق ويروح لين الساعه 7 الصبح
بعدين قلت خلني اتحمل عشان يصير اقوى شوي واتحمل وينزل دم واتوضا واصبر واصبر
لين خلاص ماقدرت قلت لزوجي قم ولاده قال يلا يلا وحنا بالطريق بالسياره وانا امسك نفسي من الالم
وهو يسولف ابي اقوله انطم ماني برايقه ويهذر ويهذر وانا كل الم ودي اصرخ بوجها واقول اسسسسسكت
دخلت الطوارى قال لازم اكشف جاني الم خلاني اصيييييح مومني وتدخل يع يدينها قالت ماشاءالله 5 ولاده
واتصل ع زوجي اقول بتطلع لك الممرضه عب ورقه الدخول
عشان بيدخلوني ولاده قال زين الله يوفقك ياقلبي انا ودي بس لواشوفه عشان افرمه ههههههههههه
المهم خذو جوالي قفلته وخذو شنطتي وكل شي
دفوني بالكرسي لين فووق انسدحت ع السرير اللي يجيك نص انا من دخلت وانا ادور الكمام مخدر
المهم جات دكتوره تسالني وتسالني قالت مكتوب بالملف انك تركبين دم وماراح نفتح كيس الماي الا اذا سوينا لك تحليل وشفنا كم دمك
قلت اوك واستنى واستنى واستنى بعدين قالت دمك 9 ماتحتاجين اذا كان 5 لا نركب لك قبل الولاده عشان يمكن يصير نزيف لاسمح الله
ويفتحون الكيس ويبرد الطلق والله اسولف معهم وبعدين قالت بنحط لك طلق صناعي وحطوه اه ياويل قلبي بس شفت المووووت
اصارررررخ من قلب ولا احد عندي وبعدين حسيت بشي يبي يطلع انادي وانادي وجوو وقلت شي يبي يطلع قالت خليه يطلع
وطلق وطلق واحس شي يبي يطلع واخذ الكمام وارتاح واشوفها تلبس كلها ازرق وجو معاها 5 ويقلون يلا يلا يلا قلت ابي ماااااي
قالوا يلا مافي ماي يلا بيموت بيبي قلت ابي شوي ماي حرام عليكم ويرشون ع وجهي وادفع وعيا يطلع وادفع عيا يطلع
ويمسكون رجلي يرجعونها ع بطني وتجي وحده والله عطتني كف قالت بيبي يروح النبض يلا يلا كل تعب 9 شهور بيروح الحين يلا ساعدينا
انا من بعد هالكف صحصحت شوي واعطيهم دفعه قويه قالوا خطا خطا مو كذا يدفعون ويقلون بسرررعه ادفعي واتعصر وطلعوه واصرررررخ صرررررخه اح بس
يوم يطلع حطوه ع بطني هو والوصخ ياويل قلبي انا كل عيالي ماحطوهم علي وحطو هذا حسيت بحنان وحار وينظفوني وينظفونه وقالوا يلا تبغين تنزلين تنويم قومي روحي الحمام
عشان نتاكد ان كل شي زين ورحت بس جلست 3 ساعات بغرفه الولاده عشان مافي سرير فاضي بالتنويم بعدين جابو قفاز شفاف حطو فيه ثلج وحطوه تحتي لان فيني بوسير ومع الطلق زاد
والله ماعرف اجلسسس يووووجع وخلصت قصتي المصون
يلزم عليك تسجيل الدخول أولًا لكتابة تعليق.
الصفحة الأخيرة
والله عيشتيني جو الولاده
يالله الله يرزقكم بره وينبته نبات حسن