قصه خطوبتي و فشلها واتمنى منكم النصيحه و الدعاء

السلام عليكم ورحمه الله وبركاته

أخواتي

انخطبت لشاب فيه كل الصفات الرائعه التي تتمناها كل فتاه و خصوصا الدين و الادب

وصارت الشوفه و استكرت الخطوبه لمده 7 شهور لظروف خاصة مرينا فيها

و احنا من شروطنا ان الملكه علينا و الزواج على الشاب و اهله

واهم شرط لدنيا انه لن نحدد موعد الملكه حتى يحدد لنا الشاب موعد و تاريخ الزواج

المهم اتصلت ام الشاب على والدتي وقالت لها نسوي لهم شبكه بدون عقد قران يتعرفون على بعض و بعدين قبل الزواج بكم يوم نسوي عقد القرآن

الصراحه صدمت صعقت قلت اكيد هذي ما هي فكرة الشاب لانه من اول عارف شروطنا من اول ووافق عليها معقوله كذا يفكر اساسا كيف في الدين اجلس مع شاب وليس بيننا عقد قران

المهم اتصل والدي على الشاب و طلب منه ان يتقابل معه

تخيلوا بعد صبري عليهم لمده 7 شهور وانتظارهم

قال ان لدي وجه نظر ابغى اسوي الشبكة واتعرف عليها لان المسأله مسأله عمر مو يوم ولا يومين ولا راح ادفع المهر ولا راح اخسر فلوسي
وبعد ما اقتنع فيها راح اقدم لها المهر و نسوي عقد قران و نتزوج

تخيلوا قال لابوي كذا طيب من قبل 7 شهور ليه ما قال لابويا كذا ليه عقلوني معاه كذا

هل شرط اهلي هذا فيه شيء من الغلط
؟؟؟؟؟؟؟؟؟؟؟؟
((واهم شرط لدنيا انه لن نحدد موعد الملكه حتى يحدد لنا الشاب موعد و تاريخ الزواج ))

هل خذعت في الشاب لان واضح عليه الصلاح و الادب و الكل يمدح في اخلاقه ووالده يمدحه و الكل يتمنى ان يزوجه بناته

ليه من اول ما وضح لنا وجه نظره ولا تركنا كذا معلقين ننتظره؟

هل لهذي الدرجه تفكيرة سيء

والله اني اكتب لكم وانا منهارة من الي صار تعبت تعلقت فيه و حلمت و خططت وفي الاخير يصير كذا

الحمد على كل حال

يارب اجرني في مصيبتي واخلف لي خيرا منها

قولوا لي كيف انساه ؟

وادعوا لي بإن ربي يعوضني الي ينسيني الي صار معاه كله