السلام عليكم يابنات والله اشتقت لكم موت ومن زمان ماكتبت وخصوصا بهالقسم ماعليه عذروني صايره دوم مشغوله ودخولي للمنتدى صاير قليل لكن اوعدكم قريب بتواصل بشكل اكبر :26:
المهم اليوم رحت بيت صديقتي عندها ختمه قرآن سوتها وهي الحين حامل ماشاءالله تبارك الرحمن عقب 9 سنوات قلت بقولكم قصتها وانا عندها بيتها قصر لااله الا الله زوجها ولد فلوس عيني عليه بارده وتوه بيتهم جديد ماصار له سنه المهم .. بقولكم سالفتها وان شالله تعجبكم وياكثر هذرتي:42:
عمرها 27 سنه تزوجت وعمرها 18سنه تقريبا يعني على 1998 وهي اول صديقه تزوجت بهالعمر زوجها ماشاءالله مهندس طرق كبيييييير بالكويت ومعاشه كبير تبارك الرحمن واول ماتقدم لها وافقت وهي كانت صغيره ماكملت دراستها على اساس راتب زوجها وغناه ..... مرت الايام والشهور ودخلت سنه 2000 وماصار حمل وعقب الفحص اكتشفو ان زوجها ضعيف من ناحيه الانجاب وضعيف حيل
( لايوجد حيوانات منويه ) وسوت اول عمليه عند د. فوزيه القطان وفشلت تخيلو سحبو 9 بيضات 4 من الدرجه الاولى استغنو عن الخمسه ورجعت 3 أجنه مره وحده رغم ان الدكتوره نصحتها ب2 بس ... وللاسف فشلت : ( قالت لها جمدو الباقي لان حاله زوجك صعبه بس زوجها رفض وفضل انه يدفع بس يكونون فرش على قولتها ..... وعادت التجربه مره ثانيه بعد ست شهور وهم فشلت : ( وماخلت خلطه وماسوتها ماخلو عسل ولا خلطات ولا اعشاب ومرت سنتين وبسنه 2002 سافرو بره سوتها وجمدو 3 أجنه ردت الكويت وخلال هالفتره بنو لهم بيت جديد وانشغلو مع البيت والقسيمه الين مااكتملت ماشاءالله وصارت من احسن مايمكن روووعه ... المهم على 2006 اسكنو البيت وقعدوا ناس تأجر فوقهم دور وجارهم وزوجته هم عندهم مشكله بالانجاب والله انا شفت الحرمه ماشاءالله عليها طيبه وحبوبه وحلوه بس الله مارزقهم ... فـ زوج رفيجتي اقترح انه يساعدهم علشان يسوون طفل انابيب عقب ماصارو اصدقاء .. وهم بعمر متقارب .. وبالفعل زوج صديقتي عطاهم مبلغ كهديه وجارهم وزوجته خلاص ناطرين النتيجه والحمدلله طلعت الزوجه الجاره حامل ماشاءالله وزوج رفيجتي فرررررح وايد المهم عقبها سافر للصين عشان جزء من اثاثهم رايح يجيبه او شي جذي .... المهم اتصلت فيني صديقتي قالت لي ان الدوره متأخره عليها وجايه عندي لانها حيل متضايقه لوقعدت بالبيت بتموت من ضيقه الخلق والله العظيم وبذمتي وكان هالكلام بعد ولادتي بكم يوم جابت الحلو وجابت كاميرا زوجها وقعدنا نسولف ونصور ولدي حمودي وولدي الكبير جان تقولي بطني يعورني والدوره موراضيه تنزل عاد انا خفت احرجها او اجرحها واجيب سيره الحمل لان ادري حاله زوجها صعبه انا سكتت وعلى غشمره قلت لها يمكن على الاعناد سافر زوجك وبتجيك من يرد من السفر ^_^ المهم قالت والله اول مره بحيااااااااااااااااااتي تتأخر 10 أيام
انا صرخت 10أياااااااااااااااااااااااااااااااااااااااااااااااااااااااااااااااااااااااااااام :eek: اوووووف وايد انتي دورتك منتظمه حيييييييل والله يابنات مثل الساعه دورتها تبارك الرحمن حتى لمن اخر الشهر اتصل الاقيها تتلوى من الالم اقول اكيد الدوره ويطلع كلامي صح فآخر الشهر مانتصل فيها نعرف السالفه .... انا استسلمت وقلت لها حللتي :confused: قالت لأ وليش احلل قلت لها حللي منتي خسرانه شي ... قالت اوكي باجر الصبح بحلل ....!! مادري حسيت انها تكذب وحبت تسايرني المهم قلت لها مسكي حمود بروح ابدل ونروح الصيديليه لوحللتي بول تكرمون راح يبان .... طبعا بالغصب بالغصب رضت وقلت لها ياعمري مايخالف خلي نتأكد عشان تاخذين دارسين او اي تنزل حرام زوجك يومين ويرجع وعليك الدوره موحلوه صار لك قريب اسبوعين موشايفته :icon28: المهم رحنا صيدليه ابن النفيس دخلت وهي بالسياره اخذت التحليل وردينا البيت وكان زحممممممه سيارات موطبيعيه وزوجي عصب يقول توه ماطلعتي من الاربعين بهالبرد طالعه :angry2:
اول مادخلنا الشقه قلت لها يالله حطي العينه وسحبي بهالابره ونقطي على التحليل ( صرت ممرضه ) سوتها وقعدنا نتعشى وهي متورتررررررررررررررره حدها والله العظيم ترجف وانا اهديها
قالت بروح الحمام تكرومون اغسل ... شوي ولا اسمع اسمي بصررررررررررررخه وقسما بالله العظيم ان طررررررررت من الفرحه < مو من الخوف
قلت اكيد خطين ............ اشوف ولا خطييييييييييييييييييييييييييييين والله العظيم خطيييييييييييييييييييين
قلت يارب يارب لك الحمد اطلعي من الحمام نسجد سجده شكر والله العظيم لمتني كسرت ضلوعي وصكت على الرداده اللي جبتها فديت عيونها ...... قلت بقلبي ان شاء الله التحليل صادق :33:
وقعدنا نبكي والله كأنه حلم ماني قادره اتخيل ابدددددددددددددددد والله كان الخط الثاني غاااااااااااااااااااااامق حيييييييييييييل ........... غسلت ايدي قالت لي بروح المستشفى اتأكد قلت لها انا ماقدر اجي خذت بعضها وطارت م.السلام الطوارئ سوت التحليل وبشرتني وقالت لي انا حامل حامل وتبكي والله يبنات اشلعت قلبي واسمع تقول بوزيتيف :biggrin2:
واااااااااااااااااااااااو يابنات 9 سنوات شوفو وزوجها مسافر سبحان الله صارت فتره تبويضها وصار جماع وسافر زوجها وكانت مفاجئه لما رجع وااااااااااااااااااو ماتدرون هي شكثر سعيده وتذكر جارهم والله صج الله سبحان وتعالى رحيييييييييييم كريييييييييييم اكرم عليهم بلطفه بدون علاج ... هي الحين تراجع عند د. فوزيه القطان والله مومصدقه تقول اخر تحليل كان عقم 90% سبحان الله سبحان الله
اذا اراد للشي ان يقول له كن فيكون ....
وهذي صديقتي طايره من الفرحه ان شالله عقبال كل محرومه زوجها لي الحين مومصدق يقول ياليت من زمان مسافر هههههههههههههههههههههه ... ماتدرون شنو اللي يسوي الخير ويصفي النيه شنو ممكن يلاقي من الله عز وجل
سبحان الله شوفو الرجال خله نفسه ودفع لجارهم عشان يسوي انابيب لان عندنا بالكويت اقل شي 1300 دينار هذا اقل شي يعني 14 ألف ريال ..... والثنتين حملو
وبالنهايه سامحوني قرقت وايد وأسأل الله العظيم رب العرش العظيم ان يرزق كل محرومه وبنات المنتدى وكل بنت دخلت موضوعي عسى ربي يفرحها مثل مافرح صديقتي اللهم امين.:hearts:
ღآلاءღ @ghalaaagh
كبيرة محررات
يلزم عليك تسجيل الدخول أولًا لكتابة تعليق.
سبحان الله.........(كن فيكون)
بالفعل قصة رائعة.......
الله ايثبت حملها يارب...... ويرزق اختي لها 16 سنة الحين بدون حمل
ويرزق جميع المحرومات يارب العالمين
القطرية
بالفعل قصة رائعة.......
الله ايثبت حملها يارب...... ويرزق اختي لها 16 سنة الحين بدون حمل
ويرزق جميع المحرومات يارب العالمين
القطرية
ما شاء الله تبارك الحمن
هالقصة مؤثرة جدا
ابكتني صحيح الله سبحانه ارحم الراحمين
و الله يتمم لها على خير يااااااااااااااااااااااااا رب
هالقصة مؤثرة جدا
ابكتني صحيح الله سبحانه ارحم الراحمين
و الله يتمم لها على خير يااااااااااااااااااااااااا رب
ماشاء الله تبارك الله
قصه مؤثره فعلا رحمة ربي واااااااسعه
الله يتمم لها بخير ويثبته لها اللهم اامين
قصه مؤثره فعلا رحمة ربي واااااااسعه
الله يتمم لها بخير ويثبته لها اللهم اامين
الصفحة الأخيرة
قصه مؤثره فعلا رحمة ربي واااااااسعه
الله يتمم لها بخير ويثبته لها اللهم اامين