قصه زواج اختي وسبب تاخيرها بالزواج

السلام عليكم ورحمه الله وبركاته
اليوم حبيت اعطي البنات العزابيات امل انه الكل بيتزوج ان شاء الله بس شدو حيلكم شوووووي:biggrin:
هذا اختي الله يسلمكم وصل عمرها 32 سنه وماتزوجت مع انها مو ناقصها شي الحمدلله وانا واخواتي الي اصغر تزوجنا قبلها وظلت لحالها استغربنا ليش اختي للحين ماتزوجت سبحان الله
ومره من المرات كانت وحده من جماعه زوجي تسولف معاي تقول ندور لاخوي زوجه ماتعرفين احد قلت لها لا قالت خساره لو عندك انت كان ياسلام قلت لها انا عندي اخت بس ماتناسبه بالسن وتفاجات برده فعها جد شي كنا مو منتبهين له قالت لي من جدك عندك اخت عمرها بال30 وينها عمري ماشفتها بمناسبه اشوف اختك فلانه وفلانه حتي بالنادي حتي بالجمعات والاعراس عمري ماشفتها
والله استغربت من كلامها بس جد كلامها صحيح اختي ماتطلع ابد ولا لها صاحبات الا الي كانو معها بالمدرسه وانقطعو عن بعض يعني بالله من وين بتتزوج ومن وين تنخطب وماحد شافها اساسا حتي الي يدرون عندي اخت في ال30 وين بيجون يتقدمون لوحده عمرهم مااشافوها يمكن ماتعجبهم يمكن ماتبي تتزوج يمكن فيها عيب خلقي يعني الف شي وشي يجي ببالهم لانها ماتطلع ولا تدخل ولا يعرفون شي عنها وهذا الشي حاصل مع اغلب البنات صراحه لا تطلع ولا تروح ولا تجي واخر شي تقول ماحد خطبني طيب كيييييييييييييييييييييف يتقدمون لوحده مايعرفون اطباعها او شافو شكلها غالب الامهات يحبون يخطبون وحده عارفينها او جلسو معها او سمعو عنها من قبل عشان يتطمنون علي مستقبل ولدهم صح
وطبعا كلمت اختي بطريقه غير مباشره عشان مااجرحها لانها مو اجتماعيه قلت لها وزنك زايد حبتين ليش ماتسجلين معنا بالنادي ومنها تغيرين جو واقتنعت وسبحان الله من اول شهر تعرفت علي الناس جد ارتاحت نفسيتها حتي متنت ماضعفت :biggrin:ومن البنات الي تعرفت عليهم وحده كانت تبي تخطب لخالها عمره 37 سنه ومطلق وظلت تراقب اختي شهرين بالنادي لين تعرفت عليها وعرفت شخصيتها وسوالفها واخلاقها وكلامها وتقدمو لها حتي اختي استغربت كيف صار كذا وسبحان الله البنت من اول يوم شافت اختي حطت عيونها عليها هي تقول هالكلام بس تقول حبيت اعرف اسلوبها اكثر واعاشرها عشان نطمن علي خالي لانه مطلق ومار بتجربه سيئه والحمدلله سالنا عنه طلع رجال والنعم ووافق ابوي عليه وتمت الملكه والله يهنيهم يارب
بنات اتمني الي قرات قصه اختي تتعلم من خطاها شوفي وش ناقصك عشان ماتزوجتي هل عدم اهتمامك بنفسك
او عدم مخالطتك الناس
او اسلوبك غلط مع الناس لاني اعرف بنت الله يستر عليها اسلوبها غلط ودفش ودايم تقاطع الناس بالكلام وتكذبهم وتعيب عليهم وبعدين تقول ماحد خطبني طيب حسني اسلوبك عشان يخطبوك :11:
وبالنهايه ادعي ومن كل قلبي بالستر لكل بنت لكل مطلقه ولكل ارمله الله يعوض جميع بنات المسلمين والمسلمات يارب ويزوجهم كلهم اتمني استفدتو من قصه اختي والي تخش تدعي لي بالذريه الصالحه الله لا يحرمني منكم يااعز بنات عالم حواء ولا وحده تجي تناشبني لانه المعرف مشترك :kiss2:فديتكم