قصه زواج بنت مضحكه وواقعيه لاتفوتكم ...??

السلام عليكم ورحمه الله وبركاته
قريت هالقصه..وبصراحه ضحكت عليهااعجبتني
وحبيت أنقلها لكم وهي قصه حقيقيه عن زواج بنت
والقصه في زواجها الغريب والمضحك ..
هذي البنت سلمكم الله عندها اخوات اكبر منها واصغر منها يعني هي الوسط ..
وهي توها متخرجه من الثانوي المهم ..
كان في البيت ماعندهم شغاله ..فكل يوم الدور على وحده من البنات تطبخ وتنظف
المطبخ بعدين ترمي الزباله (الله يكرمكم )
عند الباب المهم جا دور هالبنت اللي اتكلم عنها كانت سهرانه مع اخواتها
الين الساعه 2 الصبح
وبعدهااخواتها راحوا ينامون فوق ..
وهي قعدت تنظف المطبخ وتشطب عليه ..
وقامت وطلعت الزباله عندالباب..وقالت ليش احطها عند الباب خليني اتشجع
وارميها بزباله الشارع احسن ..
وطلعت بره بالشارع وكان الشارع فاضي مره وكانت الساعه حوالي 3:30تقريبا ..
المهم يوم طلعت انقفل باب بيته وقعدت المسكينه بالشارع ...ففكرت ترن الجرس خافت
ان ابوها يهاوشها ويسوي لها شي ..
(لان ابوها شديد)..وهي في الشارع ماعليها الا قميص البيت ..
وبعد كذا سمعت صوت سياره يقرب منها !!!!!
قامت ومسكت الزباله وقلبتها ودخلت جواها المهم كان اللي جاي ولد الجيران ..
كان توه جاي من الاستراحه ..المهم جا ولد الجيران وقف بسيارته وطلع المفتاح
عشان بيدخل لبيتهم الايسمع صوت يتحرك بالزباله !!!
واستغرب ان الزباله مقلوبه قام وقرب من عندها...وجا بيرفع الزباله ويزينها ..
الاصرخت البنت وقالت:لالالالالالالالا.... قال:بسم الله الرحمن الرحيم ..
انتي انس ولاجان..
قالت انا انس..قال:وش جابك هنا ؟؟
وقالت له القصه وهي متغطيه بالزباله وترجت ولد الجيران يساعده ويستر عليها ..
قال خلاص لاتخافين قام وقرب سيارته من باب بيت البنت وركب فوق السياره
ونقز وفتح للبنت الباب ..
وقالها ادخلي بسرعهلاحد يشوفك قامت المسكينه ماصدقت رمت الزباله ..
وطلعت كذا قدام ولد جيرانهم ..
ودخلت وقفلت الباب على طوووول..
وولد الجيران واقف ماتحرك يناظرفيها..
المهم مامر على هالسالفه اسبوع الاجاء يخطبها من ابوها وتزوجها ..
والله قصه زواج غريبه وعلى فكره ترى هالقصه حقيقيه وحصلت بالفعل ..
ولايجي بكره اشوف كل وحده
قالبه الزباله حقت شارعهم عليها عشان يجي ابن الحلال يطلعها من الزباله ..
ولكم تحياتي ...
منقووول من ايميلي ..:32: