قصه شاب خطيرررررررررررره

اقرأ الموضوع بالكامل وراح تبكي.........
انا قصة الانسان
انا جرح الزمان
انا سالي سالي
اعيش في الحلم لوقع المطر لضوء القمر و نفس المصير
سالي سالي سالي
نبدل أحزان العمر كي نصبح نور الفجر
كي نحلم مثل الزهر
و نغني نغني نغني سالي سالي سالي
في ليلة من الليالي البيضاء ...
فيها القمر غاب والشمس بانت ...
وبعد مشاهدتي للمسلسل البدوي الشهير (سالي والأنسه منشن)...
حيث كانت الساعه تشير الى الواحد بعد العصر ...:confused:
وبعد منفقعت مرارتي من الأنسه منشن ...
عقب ماطردته سالي من البيت ...وخلتها تروح تجب لهم خضره...وخبز مدرمح ...:mad:
قمت وكلي عنفوان و خبطت الثلاجه من القهر الي فيني ...
وقلت لها عطيني كاسين لبن خالية من الكحول .<==== (ياخي هذا الي مصبرني على العيشه في هالبيت حتى الثلاجه فيه تخدمك ...)
أنا اشهد انها ماقصرت هالثلاجه عطتني كاسين ومن الشفاحه قربعتهن ...
بدون متأكد وش نوع المادة الموجودة في ذالك الوعاء الا بعد برهة من الزمن ...
أكتشفت أني أشرب زيت قلي مبيت في الثلاجه عقب الرمضان أولت العام ...:
المهم مالكم بالطويله ...
عقب ذالك الحدث المشؤم ...
عصبت وارتفع ضغطي وشبكت الثلاجه في فيش 220 عشان تنفجر .... أحسن من قال لها تغشني ...:mad:
وعقب هالعملية الفدائية ... طلعت للحوش وقلت بنسدح قبل الأذان عشان اذا أذن أنام .
فرشت الفراش وقعدت أتبطح فوقه وعيا النوم يجيني ....
مره أنا فوق الفراش ومره الفراش فوقي ... والله حاااااااله ....,<===( الله ياخذ الأنسه منشن ...هي الي طيرت النوم من عيني...خلت سالي ترقد في السطح لحالها ...:mad: )
المهم
حسيت لحظتها أن تسبدي تقلب علي ... ووجهي مصفر ....وفيني حكه ...
بس من زود العجز قلت والله ماأحك نفسي ....عشان الحكه تتوب ولاعاد تتعودها وتجيني ...
وفجأة في هذه اللحظه الحاسمه ...
سمعت صوت الشيف الي يطبخ في برنامج اطايب ... يسولف وهو يطبخ فوق النخله ..
ويقول ( وهلا بدنا نكب الرزايات فوء اللحمايات ) ...
قلت الله لا يضيق علينا على وسع الحوش ... مالقيتو تصورون الا فوق النخله ...!!
قال... ( وهلا بنألب المجدرة منيح ... وبنضل نألب ونألب ونألب لحد ماتضنج لحمة الضأن ...وبعد هيك بنضيف الزيت ) <=== وععععععع والي يرحم والديك كلش ولا الزيت ...
لحظتها ولعة لمبه حمراء فوق راسي قلت قسم بالله لأخرب عليه ...:mad:
أحسن شئ بهز النخله عشان يطيح هو وقدروه ...
بس أخخخخ من حظه طلعت السالفه كلها كوابيس وخرابيط....
والظاهر هذي هي بداية تأثير مفعول شراب الزيت المخمر....الله لايعيده
والا والله فلت من يديني ... و كنت ناوي احط حرتي فيه ... بس خيرها بغيرها
ماقول الا الله يأخذ الدنمرك <=== ( أحسن من قال لهم يسبون الرسول ...!!)
المهم ...
قلت يا ولد تعوذ من بليس وقم دور لك محل غير هذا ...
وفعلاً قمت ...
بس المشكله أن مخي بدأ يفضي وحل محله زيت قلي ...صرت امشي بدون مخ
مغير أناقز وتاغر ....وتعدى الباب وأدخل مع الدريشه ..
ومريت الصالة ولقيت أمي تخيط بالمكينه ...
قمت ومعطت ستارت الصاله وحطيتها على وجهي ...
وقلت : ياولد ...يااااهيه ....تغطوا ياحريم ...وسكرو المسجل الي يرنع عندكم ....
قالت أمي ... بسم الله عليك ...ياوليدي وش مسجله وش حريمه ... وش قاعد تخربط أنت
أنا امك الله يصلحك ... :confused:
قلت ...
معليش يمه الكبر شين ...والرماتزم قضى على عيوني ... ويالله حسن الخاتمه ...وقمت وحبيت راسه
وقلت ...عيدتس مبارك ...
أمي : عيد .... !!
وش هالعيد الي يجي هالحزه ...اخبر الضحية ماصار له شهر والفطر باقي عليه واجد ... الله يلحقنا خير ...
قلت : لا هذا عيد ولد جيرانا ... يالله مع السلامه يومه توصين شئ بروح أجاهد ...:
أمي : لا والله الولد راح فيها ... هذا كله من ( التنترنت ) الي يتبطح قدامه ليل نهار
لازم نوديه لشيخاً يقرا عليه ... والا اجيب أم شبيب عشان تصبخه ...!!
أنا من العجله الي فيني تسلقت لدور الثاني مع الجدران ... بس المشكله ضيعت في الطريق...
مالقيت نفسي الا في ...سطح جيرانا <===( وشلون مدري )

المهم ...
قلت ياولد لازم ارجع لبيتنا ...
والاترى هالشايب الي انا في بيته بيبلغ علي راعية البيت الابيض كند ليزا رايس ...
و بيقول لهاااا ترى بن لادن متوزي في سطحي ...
بس بصراحه أن سواها هالشايب ...ببصم بالعشر أنه مهوي ... لانهم بيسطرونه بالصواريخ
وبيفقعون وجهه بالقنابل ...:ac6:
وأنا ماجايني شئ ... بطلع جنحاني وبطير ....و الله يخلف على هالشايب ...
طبعا قمت اطامر من سطح الى سطح أخر ومن حوش الى حوش أخر
ومن حي الى حي أخر ...ومن شئ الى شئ أخر..
.الى أن وصلت الى سوريا .....!!
أنا يوم دريت أني في سوريا ...قمت ازاعق وأصااااااارخ واصييييييح .... وأصبخ براسي في الجدران...
واقول ...
كله من هالزيت الي براسي ... لو اني شارب بنزين .... كان ارحم على الأقل البنزين بيخلص بسرعه ...!!
والله الورطه المشكله أني مااعرف أحد في سوريا ... الا ... بشار الأسد ...
لا ومن زين الحظ طلع مسافر برى سوريا ...
بصراحه أستحقرت نفسي ...وقلت هذي مشكلة الي يجون بدون موعد ...!!
قلت مالي الا أدوج وسعسع في الضيعااااات حقاتهم كود نلقى غوار الطوشه والا أبو عنتر ...
عشان يوصف لي طريق السعوديه ... بس لاحياة لم تنادي
طلعو رخوم حدهم قهوة فطوم وتخب عليهم
قلت مالي الا أكتب رساله وأرسلها لسفارة السعودية هنا
بس المشكلة قبل فترة سمعت في الاخبار ...
أن السعودية سحبت سفرائها
بس وش الدولة والله مدري... خفت أرسل رساله لسفارة الي هنا وتطلع مسحوبة
ثم يمسكوني ويسطروني ويشربوني اسيد ....يحسبوني جاسوس ..
قلت ياولد هي خربانه خربانه ...
ارسل رساله لهم بس لاتعطيهم مواصفاتك الصتز
خلها تموية وشف ردت فعلهم ....
رحت وجبت ورقة من دفتر أو أربعين مربعات وكتبت مايلي ...
أنا شاب أبلغ من العمر 15 خريفا ...من أسرة ملكية ...شبه منقرضه ...!!
احفظ قصائد نزار عباس ...ومصطفى متولي ...
معايا شهادة اللصنص وقاعد احضر لثنويه العامه وخلصت القيش
وعندي شقة بدون عفش ... وأعرف اسوي وردة بحبال الكنادر ..( الله يكرمكم ) ....وأعرف اطق اصبع...
شعري لؤلؤي ....عاكس للشمس
عيوني عسلية بالقشطه
شفايفي كحلة بنفسجية
جسمي مخصر
طويل كطول رقبة الزرافه
عريض كعرض خصر الفيل
وفي الأخير على من يعثرعلي يسلمني لاقرب دولة مجاورة وشكرا ...
مع تحيات ...أبوعناد ... لنقل الاثاث وتركيب المكيفات ...

بس عقب ماكتبتها تحسفت وقلت أخاف يطلعون بكره ...صوري في العربية والا الجزيرة ..
وأنا والله مافضيت لأزعاج هالمعجبين ...
أحسن شئ بوقف على طرف الشارع وبأشر وأقرب واحد يمر بطمر معه ....
ومن قرادتي طحت في سواق دينه راعي خطوط ...شنباته لافها على الدركسون ...
وسيقانه حاطها على الطبلون ...ويسوق السيارة بأصبع ...!!
شكله من الأبضايات حقينهم ...
المهم ركبت معه ...
وطول الخط وحنا ساكتين ... أنا ساكت وهو ساكت ...وأنا ساكت وهو ساكت
وهذي حالتنا ... في الاخير قلت له أنت وراك ساكت ...؟
قال ...إذا المَرءُ لم يَدنَس من اللُّؤمِ عِرضُهُ فكلَّ رداءٍ يَرتَديه جَميلُ ..
قلت ...ياخي مدري ليه أحس أنك بتقولي اعرب الجمله السابقة ...
ترى والله مادهورني في ثالث ثنوي الا الاعراب ...الناس تسقط في الرياضيات والفيزياء ....
وأنا في النحو ...والله حااااااله ...:
اللتفت لي وعطاني نظرة تنشق الجيوب منهااااا ... ثم رجفني بساقه ...
من .. قو الصفقه ... تعلقت في الرف رف الي ورى ...!!
قلت في نفسي ...ما أفكك يا ابو شكيب الا في السعودية ... ودواك هنااااااك يالهيس ... بس أصبر...:tongue:
المهم طول الخط وأنا متعلق ورى ...
وأبو شكيب هالكديش جالس يتسردح ويتمردح قدام في المرتبة لحاله ...
عقب مامر اسبوع وحنا على الخط ....مادريت الا هو مطلع علي راسه من القزازة ...
ويقول ... خيووو ...هلا نحنا بالرياض ....وين بدك أياني أنزلك ...
قلت ...في الي تبي ...أن شاء الله عند بليس ... المهم نزلني بس ...:mad:
قال ... لكان أنقلع ... ورفسني ذيك الرفسة ... المشكله من قوها صحيت على صوت أمي
تقول ...قم جب لنا سباك يصلح دش الحمام الي طايح له اسبوع ...
وتم الموضوع بفضل من الله ...
تحذيرات وموانع أستعمال ...
• أخي الكريم ...أحذر تنام وقت الصلاة ... ترى بيجيك ماجاني
• ثانياً لا تقرب الثلاجه ....الا وأنت شبعان ...
• ثالثاً حسبي الله على الانسه منشن الي جننت سالي وجننتنا معهااااا ....:
• رابعا ...أكتشفت أن أبو شكيب سواق الدينه طلع رجال الأنسة منشن ... :
وبس قضت السالفه ...

مماراق لي
بس بصراحه استفزني ايش فيه على الانسه منشن بالعكس طيوبه ايش حلاتها ياحبي لها ياناس