قصه شعري كيف كان وكيف صار والحمد لله

راح احكي قصتي بالمختصر لانه انا شعري تقيل كتير ومجعد ومن قبل عمر 16 سنه بعمل اله فرد وهو عقدتي طبعا وهلا لما كبرت بطل يزيط معه الفرد كتير ومشاكله الله لا يوريها لاي حدا وكل مره بحكي خلص ماراح افرد شعري بجرب وصفات وبرجع افرده بحكم شغلي بقدرش يعني شعري يكون ملفلف وبسشوره باستمرار ومشكلتي لكبيره بالشتا يعني يوم كامل اسحب بيه بس يشوف اي رطوبه يلفلف واسحبه بصالون كل يوم سبت واخر شي بطل يزبط اسحبه وتاني يوم ولا كانه عامله شي فا تعقدت منه
بس من شهرين اضل على كوكل واقراء بالمنتدى هدا كل اشي عن الشعر وعملت برنامج كل يوم سبت والحمد لله هلا شعري فرق كتير عن قبل حتى انه السبت الي فات رحت على الصالون الي كنت اسحب شعري عندها بعد غياب شهرين سحبته الي بتحكي عامله اشي لشعرك متحسن كتير
برنامجي كالتالي:

اشتريت مرتبان مايونيز وحاطتته بالتلاجه خاص لشعري احنا طبعا ما بنستعمل المايونيز بالكل
بجيب متلا ملعقه مايونيز ملعقه لبن رايب ملعقه خميره ملعقه خل تفاح ضروري خل التفاح مع المايونيز للتعقيم الشعر عصرة ليمون شوي اي زيوت من عندي مره استعمل زيت سمسم مره زيت جنين القمح مره زيوت قديمه عندي من صيدليه للشعر يعني شو متوفر عندي زيت بضيفه مرات مايكون في لبن عندي كنت احط مكانه معلقه من حمام الزيت الي عندي ازا في موز بحط موز معه شو كمان يعني انه الواحد ما يعملها مشكله شو موجود عنده بضيف وكل انسان بعرف شو بناسبه ومتلا لو مره نقص مكون من المكونات مش مشكله ابدا يستغني عنه وبعوضه المره الجايه
وبحطه بالمونلكس وبسير بجد شكله حلو زي لكريما وبكون قبلها غاسله شعري منشان مسامات شعري تكون نضيفه ومفتحه وببغرق شعري بيه من الجذور وجلدة الراس والشعر كله وبجيب كيس بلاستبك وبلفه على شعري وبحط منديل او لفه خفيف على شعري وفوقه منديل كبير وبسير اشتغل بالبيت ساعتين تلاته اربعه حسب شغل البيت وبعدها بغسله منيح كتير وبسشوره حسيت بتحسن كبير وصار شعري يزبط مع انه مجعد وجاف جدا وعامله فرد بشهر 2 وصبغه بشهر 8
بس الي تحسنت عليه كتير الي هي عشبه القطونه قرات عنها وجبتها وطريقتها احط ملعقه ملعقتين بزيت انقعه وتاني يوم اخلطه مع الوصف واحطه بشعري والله كل شوي بطلع على شعري بالمراي تحسن كبييييييييييير والكل بسال شو عامله بشعرك