قصه صارت معي امس

السلام عليكم ورحمة الله وبركاته


بقولكم قصه صارت معي امس



امس كان عندي عزيمه لاهلي بمناسبه رجعتهم من السفر على الغدا
وكنت مستفره لاقصى درجه واناقز من غرفه الى غرفه لاني كنت ابغى كل شي على سنغة 10
لان اهلي من السنه الى السنه حتى يدخلوا بيتي
ابوي بالعافيه رضي يجي لاني انا دايما عندهم وما يحب يكلف علينا

المهم
وانا جالسه ارتب لقيت دولاب الجزم الله يكرمكم حايس قمت طلعت كل الي فيه وجلست امسح وارتب فجأه حسيت بضيقه وما صدقت وانا اخلص ورحت جلست على الكنبه وجلست افكر مع ان الوقت كان بيداهمني




تعرفون ايش الي جاني







ايش صار




















الي صار ان انا كنت متضايقه ان الدولاب مو جالس يوسع الجزم الي عندي الي من كل شكل ولون
ومتضايقه من الوقت الي اخذه مني وانا جالسه ارتب
وفجأءه جاء على بالي سؤال

وقلت اللحين انا متضايقه على الوقت الي ضاع والسبب كثرهم اجل ايش بصير فيني يوم يطول الوقت علي وانا جالسه اتحاسب عليهم وحده وحده يوم القيامه!!!!!!!!!!!!

مع اني كل فتره اسوي جرد واطلع الي ما ابغاه واوديه جمعيات خيريه بس لسا في كثير ولسا بنشتري
ولسا ولسا ولسا

الله يرحمنا برحمته

ويهدينا

المشكله انه صاير الشراء والتنويع شكل اجتماعي طبيعي وما وده الواحد انه يكون اقل او دون المجتمع العايش فيه
مع اني
والله العظيم اني ما ادور ماركات ولا انا ذات البذخ بالشراء ومو كل يوم بلبس جديد وما يهمني ومو راعيه حفلات واعراس
واكره السوق
بس هذا الي عندي تراكم سنين وبرضه كثير

لا حول ولا قوة الا بالله