قصه طلاقي الحزينه ومشاعري الان 💔💔

صباح الخير
بنات مانزلت هذا الموضوع الا متاكده انكم بتعطوني حل
انا تزوجت واحد كلن يشهد له بطيب اخلاقه وكرمه ويوم تزوجته طلع انسان مايهمه الا نفسه ووش تبغى نفسه قالي بعد 4 شهور من الزواج تصدقين اكتشفت انك ماتصلحين لي انتي قريبه من عمري وانا ابي وحده صغيره وقتها عمري كان 30 وهو اكبر مني اصلا 33
قال ابوه اجبره على الزواج هو يصير ولد عمي وقالي انه كان يبي وحده اصغر منه بكثير بس يوم قال ابوه قال يمكن اغير نظرتي بعذ الزواج وانسى اني اخذ وحده صغيره بس ماقدر خلاص حطها براسه الفكره
وانا والله يابنات ماينقصني شي لا من ناحيه الشكل ولا الجسم بس هو حاط الفكره براسه
جرح كرامتي وكسرني كسر ماهو طبيعي والله العظيم يابنات اني صرت جلد وعظم من الصدمه والحزن يعني السبب تافه وانا مابي اتطلق بس قلت والله ماهين نفسي له وضفيت عفشي وتركته وتاسف مني والحمدلله انه ماحصل حمل
وانا الصراحه ماسامحته صرت اتحسب عليه بكل وقت
وجاء لاهلي وقال بنتكم تستاهل اللي احسن مني وترى الطلاق مني والبنت والنعم فيها
وسمعت انه بكل مجلس يقول انه السبب منه وانه استعجل على الزواج
مر على هالكلام سنتين وانا اغلب المناسبات ماحظرها قلت خلاص باطلع من دائره الحزن اللي انا فيها ورحت اهتميت بنفسي وباكلي وببشرتي ورجعت احسن من قبل الحمدلله من كل النواحي يعني اللي شافوني وقت الطلاق بيلاحظون التغير الكبير
مشكلتي اللحين حاطه كلام الناس فوق راحتي واخاف من نظرتهم لي لان شكلي وجسمي مره تغير وعندنا مناسبتين زواج واخاف يقولون هذي تتزييين تبي العرس
ودي اوريهم ان الطلاق مرحله من حياتي وشطبت عليها ونسيتها بخيرها وشرها
ماكنت كذا ابداً قبل الطلاق
كنت قويه وعندي مبدا اسوي اللي براسي اذ ماخالفت الدين والعادات
اللحين تغيرت وصرت احسب حساب لكلام الناس
انصحوني امانه اعتبروني مثل اختكم او حطوا نفسكم مكاني الله يفرج همي وهمكم