قصه طلاق بنت عمي ..قصه اعجبتني...

السلام عليكم
بنت عمي تزوجت ولد خالتها
استمر زواجهم اربع سنوات  وعندهم ولد واحد
فيه مشكله حصلت بينها وبين زوجها   الله العالم فيها
لكن هالمشكله سببت طلاقهم

 بنت عمي تقول  قبل تتطلق اقعدت مع طليقها وقالت له لازم ننفصل بهدوء وبدون مشاكل وتفاهمو على كل شي بخصوص الولد   حتى لما طلعت من بيتها هو اللي وصلها بيت اهلها  وفاتحو ابوها بالموضوع انو قررنا ننفصل  لسبب خاص فينا وطلقها برغبه منها ومنه 
العائلتين بما انهم قرايب  يتقابلون عادي ويعزمون بعض وماشيه امورهم طبيعي... بدون مايكون بينهم زعل او قطيعه او شايلين بالنفووس..
ولدهم  يعيش عند ابوه بس متى مابغته امه يجيبه لها
طليقها ما عمره تكلم فيها ابد دايم يقول الله يستر عليها
و بنت عمي كذلك تقول الله يذكره بالخير 

رغم مره سالتها  لو رجعك ترجعين له
قالت مستحيل نجوم السماء اقرب
فهمت من جوابها طلاقها كان عن قناعه تاممممه واكيد سبب قوي الله العالم فيه
بس طريقتهم في الطلاق ماسببت شحن نفوس بين العائلتين خصوصا انهم قرايب حيييل
وعايشه حياتها بالطوول والعرض  الله يسعدها يارب  طلعات وروحات ومطاعم  وملابس ماركات وكملت دراستها بالجامعه.. انشغلت بحياه جديده وحلوه..
على فكره هي وطليقها ماكانو يكرهو بعض ابد..
وللحين طليقها ماتزوج بعدها لهم سنه منفصلين..

الله يعوض كل مطلقه  ويرزقها الزوج الصالح الغني التقي اللي يعووووضها ويسعدها  يارب ياربر