بسم الله الرحمن الرحيم
اهلين حرييم وبنات
كييفكم ؟ ان شا الله بخير
وحشتوني والله
اليوم حبيت اقولكم تجربتي مع اول يوم زواج اللي هو يوم عرسي
في البدايه قبل يوم عرسي بيوم كنت مرره متوتره وكنت اصلا مو شافيه زوجي قبلها بشهر قاطعنا بعض لمده عشان يتلهف بالعرس هههه المهم
قبل يوم عرسي بيوم رحت الكوافير وعملت حمام مغربي وتدليك ودلع العرايس وبديكير ومنيكير ومن هالاشيا
وكنت عامله برنامج عنايه قبل سنه من عرسي لبشرتي ووجهي والحمد لله استفدت
بعدين رحت اشوف كل شي واشيك عل كل شي من كوششه وكلمت راعي الكيك والحلويات والبوفيه واللي يجهز الطاولات والورود
طلعت من البيت ٨ الصباح ورجعت تثريبا ٦ المغرب
كنت متحمسسسه للعرس وبنفس الوقت متوتره شراح يصير
رجعت البيت عل اصوات اهلي يزغرطووو وخواتي متحمسيين قاعدين يشوفو فساتينهم ويجربوها بعد ما ضيقوها بالخياط ههههه ويسآلوني اذا طلعت حلوه عليهم او لا
وانا عل طول رحت غرفتي وكنت مجهزه اغراضي كللللللها في شنط فآول ما دخلت غرفتي جاتني الصيحه والله وقعدت ابكي ابكي من فراق بيت اهلي وخواتي وطقت الباب اختي اللي اصغر مني اللي بعدي عل طول ودخلت وشافت عيني حمررره وقعدت تهديني وتفرحني وتروح عني حزن فراقهم
وقالت لي فكررره ان اكلم كل صاحباتي وخواتي وننام مع بعض هذي الليله ونسوي ليله تودييع العزابيه
قلت لها لااا انا تعبانه وما يصير يمكن ما يرضوو اهلهم والخ
وطلعت اختي من الغرفه
وبعدين انا دخلت الحمام (وانتو بكرامه( وسبحت وغيرت نفسيتي شوي
ولما طلعت من الحمام اشوووف قدامي رفيجاااتي العزيزات عل قلبي كانو جايين ينامو معاااي ويهنوني
انا انصددددمت في البدايه بعدين مرررره انبسطططت طلعت اختي هي اللي كلمتهم وقالت لهم يجو
المهم قضينا الليله سوالف وضحححك وافلام ما كآن اليوم اللي بعده عرسي
وبعدين نمنا
وانا قعدت الصبح وما اشوف ولا وحده فيهم وانادي خواتي ما احد موجووود كانت الساعه ١١ الظهر وما احد بالبيت
اتصلت عل امي ما ترد وبعدين اتصلت عل اختي وردت علي وقالت لي هلا هلا بعروووسنا
يااا زينك توك جالسه من النوم
قلنا بنخليك نايمه عشان تشبعي نوووم وبعدين تجين الفندق وتتجهزي من مكياج وشعر
وطلعو اهلي ورفيجاتي راحو من الصبببح الفندق وهناك الميكب ارتست وقاعده تجهزهم كلهم
المهم خلصتهم الساعه ٤ وجا دورري
وتمكيجت وتجهزت جا وقت البس الفستان
طبعا امي وخواتي اصرو انهم يلبسووني اياه
وبعددد الهدددددرررره والسوااااالف والضحححك خلصوو العمال من تجهيز الصاله حقت عرسي ورحنا شفنا الصاله قبل لا يجوو المعازززييم
كنت مررره مبسوووطه ان كل شي كان مثل ما خططت وكل رفيجاتي واهلي طالعين شحلاتهم
واهلي اللي من صووب امي جوو من الكوييييت لان امي كويتيه وابوي سعوودي والعرس كان بالسعوديه
فانبسطت ان خالاتي وجدتي وبنات خالتي كلهم جووو
وجو بعددديين المعازيييم
وانا دخلت الصاله عل الساعه ١١ ونص تقريبا
وكنت خايفه وبنفس الوقت فرحانه وبنفس الوقت فيني غبنه يعني كل الاحاسيس مجمعه ههههه
وبعدين جا وقت زوجي يدخل علي بالصاله
شفته من بعيييييد لان انا قاعده بالكوشه والممر طويل فآول ما جا كان بعييييد بس رزه اسم الله عليه واول ما وصل عند الكوشه قعد يطالع فيني ويقول" والله ما ادري وش اقوووول بس يخررررررب بيتك عل هالجمال" انا طبعاااا فطسسسسست من الضضضضضحك حت مسجل فيديو وهوو يقولها ههههه كانت تعابير وجهه مضحكه ههههه
وبعدين باس راسي وجلس جنبي وقلتله عاااادي احضنك قدام الناس ترا والله وحشتني ههههههه
وقعدنا نسووولف واحنا قاعدين وصورنا والخ
والمعازيم جلسوو ياكلو
وبعدين رحنا الشقه
واول ما دخلت الشقققه حسييت قلبي يددددق يدددق كآن اول مررره اشوف زوجي مع اني كنت مخطووبه له سنتين بس هم كنت مررره خايفه
وقالي جوعانه ؟ قلت له ايييي ههههههههههه
قالي بعدين ولا يهمك اروووح اجيبلك عشاااا انتي بس انتظريني
وراح يجيب العشا
وانا كنت محتاره فذاك الوقت اشيل مكياجي او لا .. اشيل فستاني او لا
قلت لا لا خله علي لين ما يجي
وجا وتعشينا وسولفنا
وقاعد يتغزززل ومروووق عل الاخر ههههه
قلت له بروح ابدل ملابسي وبارجع
وبدلت ملابسي لبست فستان بيجاما حرير للعرايس من نعومي وشلت مكياجي وحطيت لي شي خفيف مرره
وتعطرت
وبعدين جيت له وقالي تعالي تعالي ومسك يدي بقوه
وقالي : بسآلك سوال >>>> قالها وهو مععععععصب
انا خفت هههه قلتله تفضل
قال : ليش انتي ساحرتني وجميله ؟
انا هني ارتحت وضحححكت وقلتله طالعه عليك :icon32:
وسولفنا شوي واحنا بالسرير وصار اللي صار عل خير الحمد لله
اغتسلنا وصلينا ركعتين ونمنا
والصباح سافرررنا بارييييس وسويسرا شهر العسسسل
وتوته توته خلصت الحدووته
هههههه حلوه قصت عرسي ؟ هههه
اهم شي بنات بلييييز قولو ما شاالله وادعوووولنا ان اللله يتمم علينا وادعولي بالحمل وبالذريه الصالحه
اختكم : العيون :21:
EL3YOON @el3yoon
عضوة نشيطة
هذا الموضوع مغلق.
EL3YOON
•
ماشاء الله تبارك الله الله يسعدك ويهنيكماشاء الله تبارك الله الله يسعدك ويهنيك
ويسسسسعدك حبيبتي
منوره
منوره
الصفحة الأخيرة
الله يسعدك ويهنيك