قصه علاجي من التكيس والحمد لله

السلام عليكم
من اول دوره الي واعاني من التكيس جانت تجي الدوره عليه مده سنه من دون ما تنكطع ومرات تمر سنه بدون ما اشوفهه من صار عمري 14 سنه بديت اخذ علاج بلا فايده لان مجرد ما اترك العلاج ارجع نفس الشي مرات جانت الدوره تنتظم بدون اي علاج
كبرت وتزوجت في يوم 11_11 _2011
وجانت بالبدايه الدوره منتظمه لان قبلهه تمرضت ونزل وزني بشكل فضيع باسبوع واحد نزلت 15 كيلو
بس الطبيب نبهني انه لازم ما احمل اول 3 شهور من الزواج بسبب العلاج وخطوره الحمل ع وضعي الصحي
بعد ال3 شهور الطبيب كالي صحتج ممتازه وتكدرين تحملين بس اني مردت احمل لان كلت بعدني صغيره وتوي متزوجه بعد مرور سنه من الزواج رجعت خربطه الدوره وبشهر واحد زاد وزني بشكل رهيييييييييييب تقريبا 30 كيلو بفتره شهر او شهرين جنت منفوخه .
مرت الايام والناس تسال اذا اكو شي بالطريق وكله اكول لا ماريد اطفال بس بديت بداخلي اتمنى يصير عندي طفل وبديت اراجع طبيب واول ما سوالي سونار صاح الطبيب تؤ تؤ تؤ شو هذا كتله شكووو كالي عندج تكيسااااااات شديده عالمبيضين والمبايض متضخمه اتحطمت من رده فعله مع العلم انه اعرف من زمان عندي تكيسات بس طريقه الدكتور وتفاجئه موتتني
كتبلي علاج كلوكوفاج وبيبي اسبرين وفولك اسد وكال لازم تنزلين وزنج وراجعيني بعد شهر واستمريت عالمراجعه لمده 3 شور
سوالي سونر جديد والمفاجئه المبايض بدت تستجيب وكالي اكو بويضه حجمهه 21 وفرححححححت :a_smil08:
بس كالي مراح تستفادين ومراح تتلقح لييييييش:44:
لان في شحوم حول المبايض تمنعهه من الخروج
قررت اني انزل وزني وفعلا رحت لطبيب تجميل مشهور بالعراق والدول الاجنبيه وهوايه مشاهير عرب واتراك يروحون يمه
شافني كال انتي مو سمينه هوايه بس حشفطلج منطقه البطن لان باقي الجسم ميحتاج وانتي ماعندج شحوم هوايه
بالمناسبه يابنات الشحوم حول المبايض سببهه التكيسات وحته لو جنتي نحيفه وماعندج كرش ما اله دخل لانه حول المبايض تتجمع هالشحوم لهذا تمنع نزول البويضه وبالتالي ميصير حمل حته لو عندج تبويض ممتاز
المهم اخذوني الممرضات بالغرفه الخاصه وجهزوني خدرو بطني تخدير موضعي واجه الطبيب اتعجبت لانه شغل اغنيه روك وعلا الصووووت مافهمت اتجهزت وجنت فرحانه ومو خايفه غمضت عيني حته ما اشوف والطبيب يمزح معي وجان يكول حنبدي هنااا بس مفاجاه
الم يارب شنو هالالم وبديت اصرخ واصيح والطبيب يمزح ويكولي يلا كةلي التوبه وانا اصيح التوبه ههههههه والممرضات لزمو ايدي وقالو استحملي وضغطي ع ايدنه ولتتحركين وهنا عرفت ليش شغل اغنيه روووك حته يغطي ع صوت صياحي وميسمعون باقي المراجعين امي ووزوجي من سمعو صوتي اتاثرو وامي بجت 5 دقايق جانت عمليه الشفط وجابولي عصير وكالو خلص ارتاحي دقايق وروحي للطبيب بمكتبه ارتاحيت لمده 5 دقايق ورحت للطبيب انطاني حبوب تنحيف وبرنامج غذائي امشي عليه وكال لعبي رياضه خيفه بس لحد التعرق وراجعته بعد اسبوعين سوالي جلسه ثانيه وهم خلال الجلسه صرخت بس عجيبه ما تاذيت ههههههه ما اعرف ليش صرخت والاحلا عصرت ايد الممرضه ومن خلصت الجلسه كتلهم ما تاذيت الممرضه كالت كسرتي ايدي انتي ممتاذيه ضحكت كلت من الخوف الطبيب كال لان انتي لعبتي رياضه وسويتي الرجيم والجلسه السابقه اكسرت الدهون ولهذا ما تالمتي المهم
نفس الشهر راجعت طبيبي الخاص بالحمل وكالي رجيمج جاب نتيجه والتكيسات بدت تخف والشحوم بدت تقل استمري عالرجيم وبالفعل بقيت اراجع الطبيب وهو يسويلي جلسات شد بجهاز الليزر وشفط ومستمره عالرجيم لحد مانزلت 20 كيلو
طبيب الحمل كالي التكيسات عالجانب الايمن اختفى وعالجانب الايسر باقي بس قليل مياثر وعندج بويضتين حجمهم ممتاز وهالشهر انتي 90 % حامل
وكتبلي ابره بركنيل وكلوكوفاج وفولك اسد
بس مصار حمل رجعتله مره ثانيه الطبيب اتفاجا كالي ليش مو حامل كتله ما اعرف كالي مو مشكله سوالي سونر ثاني وشاف انه عندي بويضه حجمهه 21 وكالي تبويضج ممتاز بدون منشطات ما شاء الله عندج تبويض بدون منشط وتحاليل زوجج ممتازه ابقي راجعي مستمره عالميتوفورمين الي هو نفسه الكلوكوفاج وفولك اسد والبيبي اسبرين وان لو ماحملتي منا لاربع اشهر حنسويلج اشعه ملونه
الحمد لله يا بنات خلصت من التكيس وصارلي تبويض الحمد لله والشكر بس باقي احمل ياربي لا تحرمني يارب ارزقني وكل متاخره الذريه الصالحه صرت ابكي دوم لما اسمع وحده حامل والله مو حسد بس الي بنات 2 من اقارب زوجي اتزوجي معي والحمد لله كل وحده حاليا عدهه بنت وحده ماشاء الله حامل بال2 الله يتمم حملهه يارب ويسعدهه ووحده تزوجت بعدي بسنه ونص وحاليا ع وشك ولاده ما شاء الله عليهم اتخيلو بعد ايام التبويض واني اشتري تحاليل حمل منزلي وكل مره اشتري 4 و3 واحلل ويطلع خط واحد كرهته:icon33:
ويوميه ابحث بالنت عن اعراض الحمل وتباشير الحمل صرت مهووسه بهالمواضيع ربي عوض صبري خيرا وارزقني وارزق كل محرومه اميييييييييييييييييييييين