قصه غريبه.. بتجنني 😥.. ابغا اتصرف بس مو عارفه كيف

السلام عليكم ورحمة الله وبركاته
قصتي غريبه وفيها صدف عجيبه واحس ربي حطني في هذا الموقف عشان اساعد بيت ما يتهدم
شوروا على السالفه لها كم شهر مجننتني
القصه ان زميلة الدراسه على علاقه ب زوج وحده اعرفها
خلوني اجيب اسامي وهميه
بسمي زميلتي ندى واللي اعرفها بينا صلة نسب اسمها فاطمه
تخيلوا كنت مره حاطه تعليق على سناب ندى.. دخلت فاطمه علي في الخاص وقالت هذي ندى الفلاني تشتغل في كذا كذا قلت ايه.. سألتها كيف عرفتيها 😕.. قالت اعرفها
المشكله ان ما بينا اي قرابه وكلنا من عوائل مختلفه
المشكله ما امون على فاطمه.. انا علاقتي أقوى بأخت فاطمه
جلست تقريبا أكثر من شهر وقابلت اخت فاطمه اللي امون عليها.. و السالفه في خاطري ما نسيتها.. و سولفت عن زميلتي ندى قدام اخت فاطمه وقلت الحوار اللي دار بيني انا و فاطمه
سكتت اختها وسألتني من وين اعرف زميلتي ندى قلت لها كنا ندرس في الجامعه سوا نفس التخصص لكن مو من صديقاتي المقربات لكن بينا تواصل من فتره لفتره 😯
سألتها ليه تسأليني بصراحه انا استغرب انك انتي و فاطمه تعرفونها لانهم ما درسوا معانا ولا بين ولا وحده من الأطراف اي قرابه كيف عرفتها بعدين فاطمه وآختها مو من سكان الرياض تزوجوا و سكنوا الرياض
المهم قالت اخت فاطمه أن فاطمه لفت نظرها اسم زميلتك عشان كذا سألتك.. وكانت وظيفتها مميزه عشان كذا عرفتها
في الأخير طلعت ندى على علاقه ب زوج فاطمه 😬 وصارت بين فاطمه وزوجها مشاكل كبيره والسبب خيانة زوج فاطمه مع ندى زميلتي
بصراحه ندى طاحت من عيني وكرهتها.. صرت انا الوصل بين فاطمه وندى
ابغا اساعد فاطمه.. اعرف وين تسكن ندى والمشكال زادت بين فاطمه وزوجها
فاطمه انسانه رائعه ومحترمه.. المشكله ان فاطمه و ندى في نفس العمر ما ادري وش اللي لقاه في ندى عشان يخون زوجته معاها
والمشكله الأكبر أن ندى شخصيتها قوييييه و تخوف.. بعكس فاطمه جدا حنووووونه ومسالمه
و فاطمه سنعه في بيتها وفي عيالها وفي شكلها
بعكس ندى ما عندها سالفه وبس تتميع وتدلع ومتصنعه
وش الحل طلعت اعرفهم ثنتينهم واعرف شخصياتهم قبل ما اعرف هذي السالفه
الموضوع مره شاغل بالي
بيت فاطمه بيخرب والسبب ندى