(قصه فتاه في اولى ثانوي ) ادخلي ماارح تخسري ..

السلام عليكم ..
لما كنت في اولى متوسط في الاجازه الصيفيه اتفقنا انا وصديقتي اننا نسجل في دار للتحفيظ القران
والحمدالله تم الامر على خير ...
لكن جلست في بالي ذكرى ماقدرت انساها
في يوم من الايام جابوا لنا مدرسه عشان تلقي لنا محاضره
وبعدين قالت قصه وتاثرت بها

القصه:
تحكي الاستاذه وقالت انها كانت تدرس اولى ثانوي وتغيبت طالبه لمده اسوبع متواصل وبعدين جت وكانت تعبانه بشكل خيالي لدرجه انها لاتفارق الكرسي والحزن واضح عليها

قالت اخذتها برا الفصل وكلمتها وحاولت اني اعرف منها وش اللي صار لها لكن رفضت تماما انها تعلمني وبعد محاولات

اقناع مني قالت لها القصه انهم سكن قدامهم جيران جدد وبعدين تعرفت على بنتهم وكانت تجي عندهم باستمرار

وتقعد عند البنت في غرفتها سوا وكانت هذه البنت فيها حبه خاال على مااذكر في كتفها وكانت تلبس قدام صديقتها

ملابس تبين يدها وكتفها واستمرات العلاقه بينهم لكن في يوم من الايام عرضت عليها بنت جيرانهم انها تكلم شبااب

مثلها لكنها رفضت بشده وحاولت تنصحها لكن لافائده فصارت بينهم مشكله صغيره حقدت عليها بنت جيرانهم

وقررت الانتقام راحت اتفقت مع واحد من اللي تكلمهم انه يتصل على تلفون بيتهم ويقوله اني انا اكلم بنتك وصفت له

مواصفتها وكل شيء عنها وصار اللي كانت تبغاهه بنت جيرانهم وفي من الايام كاان الاب قاعد في الصاله ورن تلفون

البيت رد الاب وقاله الولد اني انا اكلم بنتك واعرفها وهي دايم تطلع معي ماصدق الاب في بنته ابدا قاله وحتى الدليل انها فيها حبه خاال في كتفها

تقول البنت اللي صارت لها القصه :
كنت قاعد في الغرفه اذاكار وفجاه دخل علي ابوي كالثور الهائج وجالس يضرب فيني حتى اغمى علي ولا ادري وش

السبب وحبسني في الغرفه وبعدها بنص ساعه صحيت من الاغماء لحالي ماادري الا يجي اخوي ويضربني لارجع ويغمى

من جديد واحاول الصراخ لكن ماحد عندي احاول اسال عن السبب لكن لاجدوى من كثر الضرب اللي جاني نزيف حااااد

في الرحم ونقلوني للمستشفى وصحيت لقيت امي واهلي كلهم حولي وجاني كسر في رجولي وبعدها فتحت

عيوني واهلي كانوا يناظروا فيني نظرات احتقار وطلب من الدكتور ان يكشف علي هل انا مازلت بنت او لا وانا ماادري

وش الموضوع وش السالفه حطوا انفسكم بدالي وكل ماسالت مالقى اجابه وبعدها جت بطله القصه المجرمه بنت

جيرانهم تحكي بكل فخر وسرور لوحده من صديقاتها على اللي سوته مع البنت المسكينه راحت البنت اللي حكت لها

السالفه على قولتهم اكسرت خاطرها وقررت انها تتصل وتعلم ام البنت بكل شيء وان بنتها بريئه ومالها ذنب لكن

ترددت كثير بعدها طلعت البنت من المستشفى بعد توقف النزيف وهي مازلات ماتدري وش السالفه صار محبوسه

في الغرفه اكل وحماام وبس وكل اهلها ضدها
لكن الله مايرضى بالظلم اتصلت هذيك البنت على البيت وردت الام وقالت لها على كل شيء وظهرت الحقيقه وبعدها

صار بين العائلتين مشاكل طويله

الحكمه من هذه القصه ان الام لازم تنتبه لبنتها وتعرف من اصدقائها وتكون قريبه من قلب بنتها عشان تعلمها بكل

شيء يصير معها وفي القصه لو قالت البنت لامها انها عرضت عليها انها تسوي علاقه مع الشباب لكنها رفضت لما

صار اللي صار لكن قدر الله ومشاء فعل

ثاني شيء ونقطه مهمه ان مو اي احد يدخل البيت ويقعد معها في غرفتها صحيح اكرام الضيف واجب لكن تقعد

في مجلس الضيوف وقت محدد وبعدها مع السلامه ..

اخيرا لبس الملابس المتستره وفي القصه لو لبست هذه البنت ملابس محتشمه ماكانت تقدر تعرف ان فيها حبه خاال

((انتهى ))