تذكرت قصه امس قالتها ليه اختي تقول كان فيه واحد غني ومعروف تزوج وحده من دوله غير دولته المهم انه ماتفق معها وطلقها حاولت بشتى الطرق ترجعله مارضي وهي متعلقه فيه مره مدري عاد عشان فلوسه والا لا الشاهد انه تزوج وجاب بنت ونسى الزوجه هذي ومره من المرات كان ماشي راعي تكسي الا توقفه ذيك الحرمه وخلته يمشي والرجال مشى لحدماودته بر وقالها يختي وصلنى بر قالت ايه كنا رايحين متمشين وبنتي طيحت بناجره بروح ادورها المهم انها وقفته قالها انزل ادور عنك قالت لا طيب اساعدك قالت لا المهم انها نزلت وراحت تركض وختفت عند كثبان وبعد شوي جات الا ملابسها كلها غبار وركبت قالها لقيتي البناجر قالت لا قال طيب ليش ملابسك مغبره قالت كنت ادور بالتراب وتغبرت ملابس المهم انه رجعها الرجال شك وراح اتصل على الهيئه وعلمهم بالسالفه وقال انا ماشفت ايش سوت لكن شكيت بالحرمه وطلع معه رجال من الهيئه وراهم المكان وحفرو وطلعو صورة الرجال من يوم ماشاف الرجال عرفه لانه معروف واتصلو عليه ومسكو الحرمه وقالوله تعرفها قال ايه زوجتي وطلقتها قالو هذي مسويتلك سحر انت وعايلتك ومركزه على الراس قال سبحان الله من اسبوع وانا احس بالم براسي بس ماهو قوي قلت يمكن ارهاق قاله ابغى اسالك ايش كنت تسوي عشان ماتاثرت بالسحر وربي فضح الحرمه قال والله اني كافل ارمله ومحد يدري غير الله ولولاك سالتني ماقلتلك بس الحمدلله سبحان الله صنائع المعروف تقي ميتت السوء ربي نجاه بكفالة هاذي الارمله

وحدة من جماعتنا اعرفها ..خطبها ولد خالتها وهو يحبها لكن امها رفضت خافت تخرب العلاقه بينها وبين ام العريس اللي هي اختها لو تزوجو
المهم الولد خطب وتزوج وحده ثانية ولكن ماقدر يكمل معاها وطلقها ماحبها ابدا ..والبنت تزوجت
بعد سنين زوج البنت توفى ...وولد خالتها رجع خطبها
وتزوجو.. سبحان الله

لااله الا الله
وانا اقراء القصص حسيت بهدوء القسم وكأننا جالسين بحوش او فوق سطح على بساط وكل وحده تقول قصتها بالدور
المهم جااا دوري
عندي قصص واقعيه كثيره لكن اقربها هذي القصه حصلت لاخت جارتي قبل سنه هي موظفه وعندها ٣اطفال وكانت بالدوام وزوجها بالبيت مع الاولاد خلاهم نايمين وطلع يصلي الظهر بالمسجد وبفترة وجوده بالمسجد سبحان الله احترق البيت وماتو الاطفال كلهم الله يجبر قلوبهم ياارب ادعو لهم
.........
والقصه الثانيه قريبه لي متزوجه لها ٢٠ سنه ماخلفت واتفقت هي وزوجها على الطلاق وكل واحد يشوف نصيبه طلقها وتزوج على طول وجابت زوجته ٣اطفال ماشاءالله وتزوجت هي وجابت بنت تقول بالليل جاني اتصال من رقم رديت عليه الا صوت رجال طلع زوجها الاول يبارك لها بالمولوده تقول على قد فرحتي ببنتي الا ان مكالمته اثرت في نفسيتي ذيك الليله. وبعدها جابت ولد يعني بعد زواج ٢٠سنه ربي رزقها بنت وولد الحمدلله

اللهم صلي وسلم وبارك على سيدنا محمد وعلى اله وصحبه اجمعين

يالله حزنتني كثير