قصة من باكستان
زميلتي باكستانية يقربون لها
رجال كبير وفقير وعنده ١٠ بنات ولا احد فكر يخطبهم وكبروا البنات اصغر وحده عمرها ٢٩ خطبها طبيب وتزوجت. ومن بعدها خلال سنتين كل البنات تزوجوا أطباء ( تقول كان رجال تقي ولا يتسخط)
العاقبة للجميع

هذي سلمكم الله قصه لوحده من جماعتنا تزوجت من ولد عمها ومالله رزقها اطفال وكانت اخته مريضه نفسيا وعندها بنات قمت اخذت البنت الصغيره اكفلتها وماتت امها وكانت هي لها امها اللي ماولدتها وكل جماعتنا يوم ينادونها بنتك جات بنتك راحت وماترضى عليها وياويل اللي يكلمها المهم مرت السنين يمكن عشرين سنه اقل او اكثر سوت الحرمه هذي اطفال انابيب ورزقها ربي بنوته والله يوم شفتها حامل اني فرحت لها فرح اكثر من فرحي بحملي والبنت مازالات عندها وتعتني بختها البنت الان يمكن بالمتوسط ماشاء الله عليها ربي رزقهز بعد كفالة هالبنت

اشكر صاحبة الموضوع على تغير جونا شويلأن القصص سبحان الله محبوبة للنفس وفيها عبرة

هذي قصة قاضي في احد المحاكم كان متزوج وحب انه يعدد بدون ماتدري زوجته الأولى عنه

ومع الوقت بدأت تشك فيه وفي تصرفاته مرة يجيها رائحته عطر نسائي ومرة على كتفه شعرة طويلة او بقعة روج

وتشجعت مرة وواجهته قال أبدا ولا عمري فكرت ..

وفي يوم من الايام دق جرس البيت عند الزوجة الأولى وفتحت الا حرمة واقفة تقول لها الشيخ موجود عندي مشكلة وبستشيره فيها

دخلتها المجلس وكلمت زوجها (القاضي) قال لها تعالى معنا عشان ماتكون خلوة

وجلس قال نعم يا اخت وش مشكلتك قالت انا دايم اشك بزوجي واحس انه متزوج عليا بالسر ودايما مشاجرات ومشاكل على هذا الموضوع

قال لها معاك دليل قاطع انه متزوج صك زواج صور اي شي ؟ قالت لا مجرد شك

قال انتي موسوسة مثل زوجتي ام فلان شوفيها دايم تشك بي وانا قدامك اقولها لو عندي زوجة خارج هذا البيت هي طالق

عاد انبسطت زوجته بغت تطير من الفرح والمسكينه ماتدري ان الموضوع كله حيلة والحرمة اللي تسأل هي زوجته الثانية دبر معها هذه الحيلة عشان الاولى تصدق وتسكت وجمعهم في غرفة وحدة وحلف بالطلاق لو فيه برى احد

اتاري مو بس عند الحريم كيد حتى الرجال

هههههههههههههههههههههههههه الله يسعدك
اللهم صل وسلم على سيدنا محمد
ضحكت من قلبي الله يوسع صدرك

خخخخخ بروعكم تالي الليل😂كان ياماكان في قديم الزمان كان فيه واحد مره جميل وسيم يعني ورجوله وشهم وكل شي بس مشكلته ماتزوج البنات ميتين فيه وهو مافكر بالزواج المهم قام عليه ابوه الا يتزوج وزعل عليه قال اوك بروح لديره الشيخ فلان بخطب منهم وتوكل الرجال وراح وهو بالطريق جاه نعاس ونام تحت شجره واخذ له غفوه ولما قام لقى ناس حواليه وعرب وحلال وكل شي ودخل عليهم واكرموه وخلال الثلاث ايام شاف له بنت الشيخ واعجب فيها كانت ملكة جمال وكان يلاحظ عليهم اشياء ويسكت لانه غريب عليهم المهم خطب البنت وتزوجها وكان شروطهم اذا جاء يدخل على البنت يدق على الباب ولايذكر البسمله لانها كانت ممسوسه بمس شيطان ومن جمالها نسى يفكر ليش عاش مع البنت في سعاده وجابت ولد له ومره من المرات دخل عليها ونسى يدق الباب ولما فتح الباب لقى راسها في حضنها(تفليه) وولدها جنبها يلعب يوم شافها الرجال شهق من الخوف وقال بسم الله من انتي 😳 ومادرا الا هو فوق الارض نفس الشجره وطلع يجري ويصرخ وانهبل الضعيف ورجع لااهله بعد زمن بعد مافصخ عقله وجاهم وقالهم وعلى كلامهم مفقود له سنتين وربطوه عندهم وكان مجنون خلاص وزوجوه وحده مجنونه والسالفه حقيقيه تنسب لجد احد القبايل (طلع الجنيه معجبه فيه واخذته لتحت الارض ومن فضل ذكر ربي رجع ثاني)