قصه للتفاؤل ان شاء الله

السلام عليكم يا بنات


نا كنت عضوة نشيطه جدا في المنتدى هنا في قسم تاخر الحمل ولما ربنا كرمني قلت احكيلكم تجربتي للتفاؤل لان كنت بحب قصص الحمل والنجاح جدا وكانت بتديني قوة وصبر


انا كنت بتاخر في الاحمل يجي سنه
وبعد السنه بقيت احمل واسقط والنبض يتوقف بدون اي سبب حصلي الاجهاض ده يجي تلات مرات


بجد وصلت اني بدات بجد افقد الامل كل مره احمل فيها النبض يقف في البيبي كل مره في نفس الاسبوع ومفيش دكتور عارف يشخص حالتي


اللي يقولي خدي بيبي اسبرين
طب هرمونات
طب خسسي
خدي سيدوفاج




ومفيش حل لموضوعي
فكان اول حل ليا القرب من الله والاستعانه وملازمة الاستغفار والصدقات وقيام الله والتضرع والدعااااااااااااااااااااااااااااااااء كتير جدا مع الاخذ بالاسباب
رحت لدكتور عندنا في مصر اسمه د.عادل فاروق
بجد ربنا يكرمه بس هو كان من ضمن دكاتره تانيه ساعدتني
1_ قالي هناخد حبوب منع الحمل لمدة تلات شهور وبعد كده تنشيط عادي بالكلوميد
2- رحت لدكتور امراض دم برده شاطر اسمه د. اشرف الغندور قالي بعد تحاليل كتير ان عندي اجسام مضاده ونسبة تجلط وده محتاج اخد
كورتيزون اقراص كل يوم نص حبايه وحقن كلكسان بس كل ده بعد اول يوم اعرف فيه اني حامل بس انا مبدات في العلاجات ده الا بعد اول كشف وظهور نبض
3- رحت لدكتور اسمه د.هميسه في اسكندريه دكتور نسا وتاخر حمل عايزة اعرف ليه النبض عندي بيتوقف
فهو بصراحه للي اكتشف اني طلع عندي حاجز في الرحم وعملته واتشال الحمدلله
4- كنت بعمل على طول بحث علي النت كتير وقريت ان من الحجات اللي بتزود فرص الحمل وتخللي البويضه ناضجه وكويسه جدا اني اخد فوليك اسد بنسبه كبيره بصراحه مش فاكره كنت باخد كم بس كنت باخد حبيتين في اليوم + حباية بيبي اسبرين كل ده قبل الحمل بشهرين كنت مستمريه عليه + اني خسيت جدا يجي 11 كيلو مع الرياضه المستمره لانها بتزود فرص الحمل الناجحه+ سيدوفاج
4-ومع الكلوميد والابر التفجيريه تحت اشراف د.عادل فاروق
تم الحمل الحمدلله والمفاجاه انهم طلعو تلات بويضات كان قلبي هيقف من الفرحه والتلات بوضات دول بقو تلات احلا بناتيت حلوين مطلعين عيني جدا بس نعمه كبيره من عند ربنا مكنتش احلم بيها


ربنا يكرمكو بجد
واتاكدو انه كل حاجه لها معاد
والاستغفار والصدقه يا بنات
اه كمان صلة الارحام عشان الدعاء يستجاب


واي سؤال انا معاكو