السلام عليكم....................... كيفكم يابنات؟:icon35:
ماراح اطول عليكم ادري إنكم مستعجلين ودكم تعرفون القصه..ابدا اولاً بتعريفكم على صاحبة القصه عمرها 31 سنه وتقرب لزوجي(( مراة جد زوجي الثانيه )) :confused-ادري ضيعتكم ((يعني جد زوجي متزوج ثانيه))
خلاص فهمتوا:2thmup:
المهم الحين اتركها تقول سالفتها لحالها
بدأت معاناتي من قبل 16 سنه حين تزوجت ولد عمي ابوي. كانت عقليته مثل عقلية الأولين وكنا عايشين في قريه بحكم الماديه والنساء عندهم في هذه القريه مثل الشغاله فقط :7_2_103v:ليس لها صوت حايتها فقط متمحوره حول الطبخ والفراش ولازم تنجبين من اول ليله...المهم يوم جاء ولد عمي وافقت لإن ابوي اصر...المهم جلست ع ذمة ولد عمي6 سنين ولم انجب منه وطبعاً الناس بدأو يتكلمون الله لايوفقهم وطبعاً طول هذه السنين اللي جلستها عنده مافكر يعالجني لإن المراه مالها حق وإذ ماانجبت في مليون وحده غيرها هذا مفهوم هم...
وبعد عشرة 6 سنين طلقني... وقضيت العدة وأنا ضايقه ادري إنه طلقني عشاني مانجبت ماقدرت استوعب ليه ماوداني المستشفى...المهم بعد العده بفتره بسيطه جاني واحد من برا العائله و وافقت لإني ادري إني في مجتمع مايرحم المطلقات فالذلك تزوجت للمره الثانيه وأنا مني مرتاحه وهذا ايضاً طلقني بعد سنتين زواج عشان الإنجاب ولكن في هذه السنتين اللي قضيتها عنده قدرت اقنعه اروح للمستشفى لعرف السبب فقط في تأخري بالإنجاب واكتشفت إن السبب كان بسيط إرتفاع في هرمون الحليب مماادى إلى ضعف في التبويض ولكن يوم درى هو إن عندي ضعف طلقني مو فاضي يعالجني ومصاريف العلاج...
وبهذا ضاقت علي الدنيا ادري إن السبب بسيط ومابيدي حيله ورجعت لبيت اهلي مكسورة الجناح 8 سنوات مضت ولم احمل بسبب تخلف اهل قريتنا...
وبعد فتره بطلاقي الثاني جاني شايب يبي زوجه عقيم لتساعد زوجته الاولى:angry: اللي ماتقدر تقوم بواجباته بحكم كبر السن ومع إصرار ابوي وافقت وجيت عندهم وأنا ادري إني غير مرغوب فيه عند اهل الشايب لإني الزوجه الثانيه مايدرون إن الظروف هي اللي اجبرتني... وجلست عند الشايب 8 سنين وأنا احول اقنعه يعالجني او اسوي انابيب اهلي كانوا يقولون خليه بس يعطينا الفلوس وإحنا نوديك ونجيبك للمستشفى وكان يرفض هو لحد ما واحد من إخواني تكفل بعلاجي ومن الفرحه قلت لأهل الشايب إني راح اروح للرياض اسوي طفل انابيب وهم عاد ماعجبهم الفكره كنت بالنسبه لهم شغاله ثم بدوا يسوون مشاكل عشان يتخلصون مني قبل لاانجب واصير وحده منهم غصب
عاد ذاك اليوم جاتني الطامه كنت ارتب اغراضي ابروح للرياض عشان الموعد وزوجي كان بيسبقني يسوي الإجرات
لكن تفاجت لما دق علي وقال لي خذي اغراضك وروحي بيت اهلك أنتي طالق :06:بكيت ليه وش سويت حرام تفرحني ثم تحطمني وهنا قال أنا شايب وماني فاضي حق هالخرابيط روحي دوري ع شاب أنا اخذتك بس عشانك عقيم مابي عيال عندي اللي يكفيني
ثم اغلق الهاتف ورجعت لبيت اهلي وانا ادري أن الكلام اللي قاله مو كلامه في احد غير تفكيره
ومرت الأيام وأنا مهمومه وتعبت تعب يئست من الدنيا كرهت حياتي 16 سنه انتظر طفلي ويوم قرب والناس تخرب
ويجي ذاك اليوم اللي اصبحت فيه وأنا تعبانه وقلت لإهلي ابطلع اغير جو طلعت وأنا تعبانه ع بالي من التعب النفسي لإن مالي إلاإسبوع من تحطم حلمي وإحنا جالسين أنا وإمي وخواتي في البر قلت لهم عن التعب اللي فيني قالت إمي يمكن حامل قلت مستحيل تدرون متى احمل إذا الجبل اللي وراكم حمل أنا حملت .قالوا ماراح تخسرين شي روحي حللي دم رحت مع إخوي بعد إصرار إمي وأنا من داخلي اضحك عليها رحت للمستشفى وحللت وقعدت انتظر النتيجه يوم جات السستر وقالت مبروك مدام أنتي حامل قلت روحي تأكدي مره ثانيه أنتي غلطانه قالت لي مافيه احد غيرك حلل دم :icon33: قعدت ابكي وسجدت شكر لله أن عوضني بعد ماصبرت والكل رفض يعالجني لكن قدرة ربي وفوق كل شي وحين رجعت من المستشفى اهلي كانوا ع اعاصبهم ويوم بشرتهم الكل بكى حتى ابوي ومرت ال9 شهور وانجبت بنت والشايب رجعني لذمته عشان بنتنا..
اتمنى إني ما طولت عليكم وكنت ضيفه خفيفه ع قلوبكم