قصه منقوله خاصه بالسمينات الي مهيب داخله بتندم

السلام عليكم ورحمة الله و بركــاته







كيف حالكم شموائيات ؟؟


اليوم حبيت أشــاركم قصــة صعبــة علي جدا ... أنــا امر فيهــا الحين و مــا أبغى أي وحدة تمر فيهــا و كثيرا لما أتذكرها بسأل نفسي .... ليش أنا عملت كذا بنفسي .... لهالدرجة صرنا اغبياء و ننصاع ورى الموضات الغلط ؟؟










اتمنى تكون صرخة إيقاظ لكل الموهومات بالجمال النحيف ....

الجمال لا يستحق التضحية بصحتك











البداية /




الحين كل النساء في ذا الزمان يبون ينحفون و يصيرون رشيقات حتى لو هم أوزانهم تعتبر في الرينج الطبيعي ....


بس لا ما ترضون غير بأوزان عارضـات الأزيــاء .حتى لو كان هذا الشي مب سليم


أغلبكم الحيــن بقول هاذي قصة مؤثرة و بتقتل العزيمة اللي فيني عشان أنحف .... بس أنا أقول صبري شوي و إسمعيني و الله بتستفيدين .



أنــا تقريبا من سنة كنت نفس التفكير .... ابغى أكون نفس العود .... أموت في أجسام عارضات الأزياء و اتحسر لما ما القى شي حلو بمقاسي و تجيني حالة نفسية


و في يوم من الأيام الأخت قفلت معاها وقالت لازم أنحف وأصير عصقولة


و أدور في النت وصفات و أجرب .... بس كلها وصفات أعشاب مب خرابيط وما أدري شو





مـــــــــــــــــاشــــــــي ينفــــــــــــــــع معــــــاكي يا بنـــــــت





قلت أخذها من أصلها ....

آكل باليوم كاااامل شريحة توست مع جبن لايت او بيض مسلوق و اليوم كامل أعلك و أشرب كولا دايت و ماي و شاي نعناع .



و فعلا نقصت و فرحت بالنتيجة في البداية و شديت الهمة و قلت خلاص هانت 2 كيلو بعد و يصير وزني 55 .


اليوم اللي صرت فيه 55 قلت خلاص فرجت و طلعت مع ماما و نحتفل بالرقم القياسي


طلعنـا و بالصدفة تيجي صديقتي لنفس المطعم ..... سلمنا و جلسنا و قرقرنا شوي ....

و إلا وتجبلي سيرة وحدة زميلتنا بالإعدادية .....


ذي البنت كانت دوووووووووووووووووووووبة ممكن تعبي الطاولة كلها أكل عادي و ما تشبع بس كانت نشيطة و حروووووكة و من الممتازات ....

تقولي صديقتي البنت كانت مريضة و توفت قبل 4 شهور !!


الله يرحمها ()



سألت نونو ( صديقتي ) شلون ؟؟ وليش ما عندي علم ؟؟


تقول : البنت كانت تبغى تنحف عشان جالها خطيب و بتغى تتزين حق العرس ( تراها ما كانت تبغى تدخل جامعة ) و جربت كل شي حتى الحبوب و بالنهاية صارت ما تاكل و لو أكلت ما تكثر عن نص سندويش !!

في النهاية ضعفت و صار وزنها 50 بس جالها إكتآب و يلست بالبيت و طـار الخطيب ..... المسكينة جاها سرطـان دم ( حماكم الله ) و توفت بعدها ب3 شهور !!


طبعا وقتها أنا كنت أقول إنها صدفة و يمكن البنت عندها السرطان من أول و ثاني شي هي كانت تبالغ في الريجيم .... بس بصراحة ما دخل بفكري ان ممكن أنا يصير معاي نفس الموقف !!



الموهيم خلصنا ذاك اليوم على خير و ردينا البيت .... و ماما تعطيني محاضرة أن وزني الحين زين و ما يباله أي تنقيص .... بس على ميييين و أنا أشوف ذي الكرشة كل ما أعبيها تصير كوووورة



قالت خلاص يا بنت كلي بس يكون أكل صحي و تنقصين شوي شوي يعني مافي سبب تنقصين بسرعة



و تدرون ان الأيام ما تصبر على حد و انا أنسانة ملوووولة ما أقدر أستمر في ستايل معين خاصة الأكل

ورجعت لعاداتي القديمة و الأكل الجنك بس لاحظت شي حلو ,,, وزني ينقص ما يزيد


و الكل لاحظ هالشي فيني و انا الأستاذة فرحاااااانة



بس صرت أحس نفسي اتعب بسرعة و مالي خلق و دوووم أحس أني بردانة و فيني حمى

و كملت الأيام و كان عندي فحوصات روتينية بالمستشفى


و جينا نشوف النتايج إلا يقولي الدكتور إنتي دمك ضعيف و وزنك ينقص ... ليش مسوية ريجيم ؟؟

خبرته إني وقفت الريجيم بس ما ادري ليش كذا .... قالي خير إن شاء الله وكتبلي فحوصات و موعد بعد أسبوعين .

و ردينا بعد أسبوع بس لأن كان عندي حمى 40 و ما تنزل ... الدكتور خذ الوالدة برى و خبرها الخبر الشين ...... ترى أنا ما عرفت إلا بعد أسبوع لأني كنت تقريبا مشفرة و الحمى ضربت على العقل خخخ








THE BAD NEWS








عملنا فحوصات كثير و طبعا انا كنت مثل المخدرة ما حسيت بشي غير يوم خفت الحمى ...

بس أتذكر عملو خزعة من النخاع ( كانت تعور tHATS WHY )
طبعا يوم فتحت عيوني ما صدقت اني صحصت ابغى اطلع و ابغى نت و البلاك بيري وين ...
ماما مسكينة كانت تهديني و تقولي الحمى طلعت في راسك .... كنتي مومياء امس و اليوم قرد


بعد انا من النوع اللي ما يعرف يسكت و ما يحب يتكلم بدون رد خخخخ ... حرام ماما ما كانت تقدر تتكلم و انا حسيت في شي غلط ...

الموهيم في اليوم 8 خلاص وصلت الحد ابغى اطلع كفاية مغذي كفاية نوم ..... أبغا الهوت شوكلت و اللبيج ماك .... تراها اول ايام الاجازة و ابي استمتع .... ابغى امخمخ خخخخ .... قلت خلاص أخبر الدكتور يخرجني و ما فكرت أسال عن تعبي ...... و يوم جاه الدكتور :-

- دكتور () أبغى أطلع خلاص طفشوني النيرسات .
- طيب اصبري شوي ... خليني أخبرك بنتايج الفحوصات

و يوم شفت ماما حسيت وجها صار لون قوس قزح .... قلت الله يستر و سألت الدكتور ...

-خير يا دكتور ,, طلع في شي مب زين بالفحوصات ؟؟
- للأسف طلع عندك لوكيميـا !!

طبعا أنا تدمرت و تذكرت قصة زميلتي اللي توفت
( كل ما أتذكر القصة ببكي بس عشان شمواه و بنات شمواه لازم أحط قصتي للعبرة )

الحمد لله على كل حال وهاذي هي مشيئة الله و قدره .... بس طبعا أنا تحسرت و قلت و الله يا زين المتن و الأكل .... فرحانة بالأكل و بصحتي ..... الحين أنا وزني صار 45 و مستمر في نقصان !!








السرطـان مب هو المرض الوحيد اللي ممكن يكون مع النحافة ..... في أمرااااض واااااااايد ممكن تقتل

و أشياء نقصانها في الجسم ممكن ييأذي ....









طبعا غير فقدان الطاقة و الجلد المتعب و نقص الفايتمن و الهالات السوداء و الصداع و الشحوب و فقدان الشعر في اشياء اخرى اسوء و امر و اخطر









LOW K


نقص البوتــاسيوم



للبوتاسيوم دور كبير في حركة العضلات خاصة عضلة القلب ..... و لذلك زيادة أو نقصان مستوى البوتاسيوم في الدم قد يعرض حياة الإنسان للخطر المميت



من أعراض نقص البوتاسيوم

• النقص الطفيف في الوتاسيوم لا يسبب أعراضاً عند المريض، ويتم تشخيصه في نتائج الفحص المخبري.
• النقص الحاد في البوتاسيوم يسبب اضطراباً في دقات القلب
• للبوتاسيوم دور في انقباض العضلات وفي نقل الاشارات العصبية عن طريقردود الفعل، لذلك قد يظهر له دور في اختلال وظائف هذه الخلايا، إلا أن اضطراب دقات القلب يحدث قبل حدوث اختلال وظائف الخلايا الأخرى، وبالتالي قد لاتظهر هذه الاختلافات، كما أنه قد تظهر بشكل توتر في العضلات، وآلام في العضلات.

و أسباب نقص البوتاسيوم منها :-

• الإسهال ( أعزكم الله )
• الترجيع
• التعرق الشديد
• بعض أنواع الأدوية
• مدرات البول ( أعزكم الله )

و كثيييير منا يعرف أن في بنات ما يقاومون الأكل فيقومون ياكلون و بعدين يحاولون يطلعونة يإما بالإستفراغ أو الأدوية المسهلة !!
و هذه أسوء طريقة للضعف لانها تفقد الجسم سوائل و املاح .....




قصة حقيقة :
طفلة امريكية عندها هاجس النحافة مع ان وزنها كان مقبول بس امها كانت على طول تكلمها عن الضعف و الازياء .... و بدات البنت عادة تقيء الطعام و هي عمرها 14 عام .... يوم عيد ميلادها الـ 15 اكلت الكيك و على اساس بتستفرغ .... البنت اصيبت بنوبة قلبية !!!





نقص السكر


لما نقول نقص السكر مب لازم تكوني مريضة بالسكري عشان ينقص السكر لأن المصدر الأساسي للطاقة هو السكر و اللي يجينا من الطعام - نشويات - خضروات - فواكه

و نقص السكر الشديد ممكن يسبب صدمة سكر أو خلل في إفراز الأنسولين اللي يسبب إرتفاع خيالي في مستوى السكر و في النهاية طبعا الإصابة بالسكري في حال الإنقاذ أو الموت .



أعراض نقص السكر

• خفقان القلب
• الرعشة
• التوتر
• العصبية
• التعب
• الخمول
• العرق
• الجوع الشديد أو الغثيان
• فقدان الوعي

أغلب حالات نقص السكر لا تحدث إلا عند الإستمرار في ريجيم قاسي مدة طويلة

و طبعا مرض السكري الكل يعرفه ولا يحتاج لشــرح هو احد الامراض الاحقة لنقص السكر الشديد








فقر الدم أو الأنيميا


و اللي يحدث عند عدم تناول ما يكفي من الحديد الموجود في اللحوم أو السمك أو الدجاج أو حتى البروتين النباتي مثل الشوكلت .... أو نقص فايتمين بي 12 او التسمم بالرصاص ... إلخ ( المهم الحديد )

و فقر الدم تمهيد لامراض الدم المختلفة .





أعراض فقر الدم

• إرهاق سريع وفقدان للطاقة.
• سرعة دقات القلب بشكل غير عادي، لا سيما مع ممارسة الرياضة أو المجهودضيق في التنفس

• وصداع، وخاصة أثناء التمارين.
• صعوبة التركيز.
• دوار
• شحوب.
• تشنجات في الساق.
• آلام المفاصل

طبعا الانيميا المصاحبة للريجيم القاسي هي اولى مراحل التوغل في الوحل المرضي ...
و انا كنت اعاني منها بس ما انتبهت لنفسي الا لما وقع الفاس بالراس




الحين فكرو معاي شوي










إنتبهي لنفسك قبل أن تسقطي في هاوية الألم .... حينها لن تجدي أنيس إلا الندم







كثير جدا من امراض العصر تحدث مع ريجيماتنا الغير صحيـــة
و أهم الأمراض تكون نفسية مثل الإنفصام !! و الأنروكسيا !! و الإكتآب !! و العقد النفسية !!







رجاء كل وحدة تدخل الموضوع تحط قصة حقيقة عن ريجيم قاسي أو معلومة مفيدة عن الريجيمات الغلط












و نهاية /اللهم قد بلغت اللهم فاشهد !!


و السلام عليكم ورحمة الله و بركاته