السلام عليكم ورحمة الله وبركاته
في البدايه انا كتبت مقدمه طويله وكنت برسلها بس تراجعت لان قصتي ماتحتاج لمقدمات هي تقدم نفسها
قصه يوم سمعتها وربي احس صابتني قشعريره
القصه حصلت لاخو صاحبت اختي
العائله هذي ماشاءالله كلها مستقيمه الله يثبتهم يارب كان هذا الولد يدرس في الجامعه واخته تدرس مع اختي في قريه بعيده عن المدينه كان الولد يسافر للقريه الي هم فيها عشان ياخذ الصدقات ويوزعها على المحتاجين
حصل ان هذا الولد كان مع صاحبه بالسيارة وصار عليهم حادث صاحبه على طول توفى وهو دخل في غيبوبه يقولون سبحان الله لما قام جلس يقول الموت افضل لي وجلس يتشهد ويستغفر الا ان ربي قبض روحه وكان اول ليله برمضان وصلوا عليه الملايين في الحرم ماشاءالله اللهم احسن ختامنا
يوم جا الرجال يغسله شافه قال والله غير تصورونه تورونه امه
يوم شافته ماشاءالله كان مبتسم اختي تقول يوم رحنا العزا ماشاءالله كلهم كانوا هادين ولا احد يبكي وينوح مثل الناس الثانيه تقول بس وحده واضح انها كانت تبكي سبحان الله امنو بربهم واطاعوه وهبهم الصبر على المصيبه ووهبهم قلب خاشع ولسان ذاكر
يمكن تقولون ايش دخل الصحبه الحين اقولكم
بعد ماتوفى راحو عشره من اصحابهم عمره طبعا برمضان خمسه منهم اعتمروا عنه وخمسه اعتمروا عن صاحبهم الثاني بعد ماخلصوا العمره راحو احرمو من التنعيم والخمسه الي اعتمرو عنه اعتمرو عن صاحبه والخمسه الي اعتمرو عن صاحبه اعتمروا عنه
ماشاءالله نعم الصحبه اي والله
احنا كل واحد يطالع نفسه يطالع اصحابه هل ممكن نسوي لهم كذا او هم يسون كذا ؟!
اذا جاوبت بلا ليش ما تتغير
انت غيرهم دلهم على الخير لاتنتظرهم يتغيرون عشان تتغير كون انت مثل الصحبه الي قريت قصتهم لاتخلي املك ان هم يكونون كذا
كم واحد منا للاسف نسي اخوه من الدعاء والصدقه ويمكن حتى مافكر مجرد تفكير بهذا الشي
كم واحد توفى صاحبه قدامه ومارده هذا عن معاصيه ماقدم له ولا شي يمكن حزن وذرف الدموع بس مافاده لا في اخرته ولا في دنيته نسي وصله بشي يفيده باخرته ونسي ذكره بعد فتره والتها بدنياه وانتهت صحبتهم
هذا حال معظم الاصدقاء
للاسف الصحبه الصالحه نادرا نلاقي مثلهم في هالزمن
نقلت القصه لكم بدون لا اخبر اختي او صاحبتها بس اسال الله ان تكون في موازين حسناتهم
اتمنى ان حصلتم فائده من قصتي
منقوول
(بريق الحب) @bryk_alhb_2
عضوة فعالة
يلزم عليك تسجيل الدخول أولًا لكتابة تعليق.
خليك أول من تشارك برأيها 💁🏻♀️