بسم الله الرحمن الرحيم
لدي قصة تحمل كثير من الوعي والحكمة عن الرجال الأوائل <<<< ولا اقصد تقليل شأن الأخري
"""""""""""" ندخل بالقصة """""""""""""""""
هذا واحد .... رجال على قد حاله يالله ويالله يلقى عشاه أو غداه
وبيته بطارف العرب
mk59033_12_16drv
بلاه له بلوى (( ضيف )) .. وواجب الضيف إكرامه بلا شك والقيام بواجبه دون قصور
الوكاد الرجال راح يم بناخيه وأخذ ذبيحه من الغنم ..(( طبعا دين )). شافه واحد منحوس ( نقال حكي وحق نكبات ))
وجاه قال يافلان علامك ... اشوف معك هالذبيحه وش عندك
قال الرجال / والله جاني ضيف ولازم أقوم بالواجب وأنا أعزمك (( والدعوة محفوفه )) تخبر الجماعة واجد والذبيحة ما تسد ...
قال :: خير ... خير
راح المعزب لأهله وذبح الذبيحه وطبخوها
mk59033_13150_153149_119772018
الرجال اللي اعزمه المعزب ما خلى بيت بالعرب ما دعاه
يقول ترى أبو فلان عنده عشاء ويقول بلغ الجماعة كلهم ولا أحد يغيب
(( طبعا ما صدقوا خبر ))
ويوم غابت الشمس إلا تفاجئ المعزب بربعه جايين
هذيلم ... اربعة السلام عليكم
وشوي اربعه ... وهكذا
حتى امتلى المجلس
ويقول يا سود وجهي (( حتى لو أجيب ذبيحة ثانية وثالثه وما تلحق تطبخ وتستوي )
وش اسوي .............. وش اسوي
وهو يجيب ثلاث رجال من افهم ربعة (( نادهم فلان ... فلان ..... فلان )) وعلمهم بالقصة
سوو اجتماع مغلق ههه
طلعو بنتيجه جوهريه تدل على صفاء عقولهم وهي
كل واحد من الثلاثة يدخل بقلطه يعني لا زم يزبن روحه بالصحن
وش الحكمة منها أنا أعلمكم (( أول البدو لا قلطو على الصحن من يقوم أول واحد
الجميع قام معه ولا أحد يتأن مثل وقتنا الحاضر ... وفي ناس معروفين فلان وفلان
واكيد انكم سمعتم بعضهم قبل أن تصل اللقمة إلى فمه رماها وقام مع الرجاجيل ))
(( طبعا صحنين ))
ويوم خلص الضيف (( الضيف هو اللي يقوم أول )) وبعدها المعزومين
القلطه الثانيه زبن أحد الرجال الثلاثه وسمابهم الرجال ... سمو يالربع الله
محييكم ... ما امداهم ثلاث لقمات إلا يقوم الرجال .... الله يكثر خيرهم
وهم يقومون (( ليه ما تأخر الرجال ؟ لأن الرجال أول سريعين بالأكل ))
القلطه الثالثه والثالث يقوم وسوى مثل زميله اللي قبله
وهكذا حلت المشكله
ويقولي جدي انه رجع للنساء لحم واجد وخير كثير
فهذه القصة تدل على عقلية تلك الرجال وقراراتهم الصائبه
إتمنى أجدت في طرح القصة والمعذرة عن اللهجه العاميه فمثل تلك القصص لابد
تطرح بهالشكل ... لأني اجد فيها نكهة خاصة
تولين 23 @tolyn_23_1
محررة فضية
يلزم عليك تسجيل الدخول أولًا لكتابة تعليق.
تسلمي على القصة من جد رائعة يا ليت رجال وقتنا هذا فيهم هذه الحكمة لكنهم خير وبركة الحمد لله لان الوقت تغير وما كان في ملذات وملهيات زي وقتنا الحاضر
الصفحة الأخيرة
وبالفعل رجال ونساء زمان
عندهم تصرفات حكيمة
وقصص روعة
تشكرين