قصه واقعيه من اروقه المدرسه

مرحبا لكل اللي دخلوا ...............
كنا انا وصديقتى نتكلم عن ايام المدرسه والمقالب والذكريات الحلوه........
فقالت لي: حصلت لي مشكله ماراح انساها طول عمري
(كنت بثاني متوسط ومديرتنا شديده بالمره عندها هوس العظمه مانسمع الاتصريخها وكانت متسلطه على الطالبات بشكل جنوني لو اخطيتي بشي صغير تسويها سالفه واللي مابشتري يتفرج!:hahaha:
المهم في يوم من الايام كنا الحصص الخامسه والسادسه فاضين وكانا بالساحه انا وصديقتى وكانت صديقتى تعبانه تقول:يالله متى يفتحون الباب ابروح للبيت ارتاح ...
وفجاه فتحوا الباب وطلعو 4بنات(كانوا اخذين اذن من المديرلا ن عندهم ضرف) طبعا لان حنا كنا بالساحه فظنينا انو دق الجرس فلبسنا عباياتنا وطلعنا
البواب شافنا وظل يلاحقنا وحنا مو حاسين فيه لانو كان ظن فينا ظن شين
وطول ماحنا ماشين وهو يتابعنا فكان بيت صديقتى قبل بيتنا فدخلت لبيتهم وانا كملت طريقي والمسافه كانت قريبه جدا فدقيت جرس البيت ماحد رد وظليت ادق ومافي فايده .........
فرحت لجيراننا لانى كنت عارفه ان بنتهم غايبه اليوم فدقيت جرسهم وفتحت لي بتهم بسرعه
قلت لها : لو سمحتى ابي االتلفون ابي ادق على اهلي لان دقيت الباب اكثر من مره وماردو
فقالت:قالت اكيد تفضلي بس امي تكلم خالتي الحين انتظري شوي . فجلست اسولف معها يمكن لمده 10 دقائق
البواب يوم شفنا دخلنا بيوتنا وطبعا كان يعرفنا رجع وخبر المديره فجن جنونها وجت هي والمساعده والمرشده الطلابيه لبيتنا ودقو الباب بيتنا(مع انه البواب قالها اني رحت لبيت جيراننا مادري ليه راحت لبيتنا) وفتحت امي لهم وكانت حامل بالشهر التاسع فصرخت المديره بوجهها : وينهـــــــــــــا؟ قالت امي :مين؟ قالت: بنتك المصون! فاستغربت امي و قالت : بس بنتى مداومه الحين هي بالمدرسه قالت المديره: لاياحبيبتى ياغافلين لكم الله بنتك صار لها نصف ساعه طالعه من المدرسه!!!!!!!!!!!!
هنا امي ماقدرت تمسك اعصابها فاغمي عليها المديره خافت وطلعت بسرعه من دون حتى ماتسعف بامي او حتى تجيب لها كاس ماء!
جت اختى الصغيره ودقت فورا على جيراننا وقالت فلانه عندكم ؟ قالوا ايه فنادوني وكانت اختي تبكي تقول تعالي امي ماتت\
فجيت اركض لقيت امي صاحيه وتسالني ويييييييييييييينك؟
قلت لها انا عند الجيران وحكيت لها القصه كلها فصدقتنى امي اما ابوي مع انه انسان عقلاني ومثقف بس ماصدقنى وشتمني ومافي كلمه موحلوه الا قالها لي وزاد همي هم يقول مو معقوله المديره تتبلاك اكيد انتى مسويه شي؟؟؟؟!!! :( انا انقهرت وقعت ابكي طول اليوم من القهر وادعي على المديره
في اليوم الثاني مارحت للمدرسه خايفه من المديره
واليوم الثالث داومت وقلبي يرجف .. واحنا بالطابور شافتنا المديره فصرخت على الاذاعه بسسسسسسسسسسسسس
واخذت المايك وقالت فيه طالبتين قليلات ادب طلعن من المدرسه قبل نهايه الدوام وقالت اسامينا الثلاثيه !!!!!!!! ووقفتنا قدام المدرسه كلها وهات يا تسطيع بالايادي(حتى ان صديقتى انتفخت يدها من الضرب فقالت لها افضخي جزماتك(اكرمكم الله) وقعدت تضربها برجولها)!!!!!!!والله لو مافكتنا استاذه الدين كان رحنا فيها ! اما باقي المدرسات فدخلن لغرفتهن ماقدرن يتحملن المشهد!
وطبعا غيبتنا لمده ثلاث ايام مع حضورنا يعنى نجي للمدرسه ولايكتب لنا حضور! وقالت لنا يالله اوقفوا قدام الطوابير خلوا جميع طالبات المدرسه تشوفكم انتظرونى عند الاداره فجت ودخلت مكتبها فدخلت عليها قالت لها اننا ماكنا نعرف اننا طلعنا قبل الوقت ماكنا قاصدين الحق على البواب ليش ماقالنا قالت: لاقالكن بس انتن قليلات ادب ماسمعتن كلامه! قلتلها لا ماقال لنا شي كلميه الحين وتاكدي فدقت عليه وفتحت الاسبيكر وقالت له: ابوعبدالله بالنسبه للبنتين اللي طلعن قبل امس انت مانبهتن انهن طالعات قبل الوقت المسموح فيه بالخروج؟ قال . الاوالله انا قلت لهن يابناتي تراكن طالعات قبل الوقت وماسمعن كلامي هنا انا صرخت قلت كذاااااااااااااااااب فالمديره عصبت وقالت يالله اطلعي برا وطول اليوم راح توقفين قدام مكتبي انت واللي معك واذا تحركتي هنا او هناك ياويلك فطلعت ودمعتي على خدي انا وصديقتي وكل مامرت من عندنا مدرسه قالت انا عارفه انكن مظلومات حسبي الله عليها
وصرت ادعي عليها ليل نهار من قهري انا اخطيت صح بس اسلوبها بمعالجه الخطا كان افضع من خطاي ولماكنت بالثانوي سمعت ان بنتها جاها فشل كلوي وانها تعبانه مع بنتها وتركت منصبها وصارت لها مشاكل صحيه فقلت في نفسي دعوه المظلوم ليس بينها وبين الله حجاب !)
صديقتى وهي تحكي قصتها هذي كانت دموعها تبلل عيونها بالرغم من محاولاتها باخفائها حسيت بحرقتها فحبيت اكتبها لكم علشان تشوفون قصه من الواقع المرير وتعيشون هالماساه