قصه ولادتي .........

كيفكم حبيباتي اشتقتلكم مررره واشكر كل اللي باركولي على ولادتي ...............:)
المهم كانت ولادتي في 14 فبراير 2008 الحمد لله كان يوم الخميس عندي مراجعه لان الاحد اللي قبل قالوا ان مويه الجنين قليله وقالوا تعالي الخميس نشوف رحت الخميس المركز اللي اراجع فيه وقالوا لازم ولاده لان المويه اقل من 10 نسبتها المهم كانت ولادتي في المركز التخصصي الطبي ومسكوني سبحان الله مافيني اي الم او اي بوادر ولاده ودخلت المستشفى عند الدكتوره لمياء السباعي وكشفت عليه قالت فعلا المويه قليله والرحم مفتوح واحد سنتي وجلست في غرفه الانتظار وزوجي خلص اوراقي واخذتني السستر لقسم الولاده سبحان الله بس شفت اسم الولاده صار فيني خوف شديد وزوجي كان معاي وكانت الساعه 2الظهر وجلسنا الى العصر توظيت وصليت انا وزوجي وجلس زوجي يدعيلي وانا بس ابكي شويه جت المرضه قالت يالله شيلي ملابسك وانا فيني حزن :44:يالطيف وحطولي الجهاز على بطني لنبضات الجنين وجت وحده اعطتني حقنه شرجيه من ورا وانا مستسلمه امري لله واجتني دكتوره اسمها نازك فالت لازم نعطيك محفزات للطلق يالله.....ز:( اعطتني 3 فكرتها مغذيات بعد الولاده قالت زوجه اخوي هذا طلق صناعي كان على الساعه 4ونص العصر وكشفت تحت يالله من الالممممممممممم قالت 1سم والالم بسيط وكلمت كل قرايبي واهلي وقفلت الجوال علشان ما احسسهم بشي وجت خمسه وربع وكشفت وقالت 2سم يالله طلق باااارد وجت على الساعه 8 قالت 3سم يالله :44:وانا استنا وتحملت كل شي بس ابغى افتك ودخلت يدها وفتحت كيس الجنين وذاك الطلق لااله الا الله بس ادعي ان الله يخفف عني وزوجي جنبي يهديني وانا اقول اسكت مبغى اسمع احد يتكلم والممرضات كل شويه عندي فعلا عنايه وابكي :icon33:واعطتني اكسجين زي الاسطوانه وخلاص بغيت استغرغ وجت على الساعه 10 وربع وكشفت وقالت ماشاء الله عارفه كم انفتح رحمك 9سم ولاده والممرضات تجمعوا وجابوا الكشافه وسرير البيبي والعده يالله لحظه كل يوم افتكرها سبحان الله وجا زوجي قال للدكتوره بكون معاكم مع زوجتي قالت مافي مشكله وجلس معي زوجي الله يخليه ورفعوا رجولي واعطوني شي امسك فيه عشان ادفع وانا ادفع زوجي يشجعني والممرضات والدكتوره وانا في عالم ثاني من الاكسجين اللي جابوه وقت اولاده مريح بشكل وانا ادفع واخذنفس ويدخل الجنين سبحان الله قريت عن طريقه التنفس اثناء الولاده لاكن ماطبقتها اثناء اولادهودفعت بكل قوتي حسيت اني نفسي توقف ولاصرخت ولاشي سبحان الله قبل الولاده في حريم يصرخون والله اصواتهم عاليه وش يستفيدون تعب نفسي اكثر من جسدي و3ضاغطين على بطني وزوجي يبغى يساعدهم وخرج البيبي :icon28:وجلس زوجي يبكي وانا اهدي فيه سبحان الله لحظه حلوه .........:39: وحطوها على بطني وشالوها وجلست تبكي بعدين مدري وين ودوها وجلست تخيط فيني الدكتوره وانا ميته جوووووع:09: نصيحه خذو معاكم شي تاكلونه...
وبعدين اتصلت في اهلي ونصدموا قالوا العصر مافيها شي والحين ولدت ماشاء الله لاقوه الابالله....وهذي قصتي وسلامتكم وسميتها( ريما )الله يحفظها ويخليها لي ولابوها ياااااارب
سبحان الله الي ساعني في الولاده بدري جلسه القرفصاء وشغلي في بيتي على طول حتى الكنب مسحته وانا في نهايه الثامن .....عقبال للباقين يااارب