قصه ولادتي؟؟؟

بعد عناء وكثر تفكير ووسواس <<<<<<اقصد هوس الولاده
ولدت الحمدالله وجبت ولد زي القمر حمودي<<الله يخليه لي ويحفظه
وهاذي قصتي
يوم السبت 26-2كنت في بيت اهلي زوجي مداوووم:06:
وداني لهم على المغرب وهو طالع الدوام طبعنا ما راح يرجع الا اليوم الثاني
دخلت كان فيني الم في ظهري بس ماشكيت انه ولاده ابدا وفي هاذيك الفتره توقعت اني خلاص ماراح اولد
لانه نفس اليوم كان اخر يوم من التاسع:06:
دخلت وصليت المغرب وجابت امي القهوه واشرب هاذيك القهوه الي ماعمري شربت زيها
اذن العشاء وصليت وجاء الوالد وتعالي ياحنه اقولهم ودوني مطعم انا اليوم بولد ومصدقه نفسي جاء اخويلا واقوله تراء انا اليوم بولد<<<<واثقه من جد
المهم واحن على امي وابوي ياله نروح المطعم انا بكره بولد الا قال الوالد ياله تجهزو نشوف ويقول وهو يمزح وخلك ما تولدين وانا اقول لا ولا يهمك بكره الوعد
ونطلع نتعشى والله المطعم دايم نروح له بس احس في ذاك الوقت انه غير وطعمه غير وانا اكل بشراهه
تخيلو وانا با المطعم يجيني شي يمسكني بظهري من قوته اضغط على الشوكه باقوى ما عندي عشان مااصرخ اويبان على ملامحي ومن بعدها يرجع كل شي طبيعي وعلى ها الحال وانا ساكته<<<ستر الله ما ولدت في المطعم
المهم وكل شوي جايني ها الالم وساكته البنتخلصنا عشئ وطلعنا ورحنا البيت على الساعه 12كان اجازه بس اخواني لسى ماتاقلمو على السهر نامو وهم با السياره دخلنا البيت راحت امي تفرش لي فراش في المجلس لاني كرهت غرفتي مع الوحام ونجلس عند التلفزيون انا وامي واختي انا انسدحت واعطيتهم ظهري عشان اخذ راحتي وانا اطلق لانه صار طلق والاخت ماتدري بعدين امي سكرت التلفزيون وقالت ل اختي روحي غرفتك اختك نامت لاتزعجينها طلعت اختي وامي راحت غرفتها تنوووم
من بعدها صار الالم اقوى ومتسارع ياله اخذ نفس شوي رجعت اختي تكلم في التلفون وتعال يا ضحك ويا صديقتها وانا كل اشوي اصرخ وهي تقول لصديقتها اختي قاعده تطلق بكل برود والثانيه ترد خل تروح تاكل ملوخيه وموز عشان يزلق ويضحكون علي الين الساعه 3 بعدين راحت غرفتها تنوم انا احس الالم خف فا استعديت للنوم الساعه اربع الا ربع خلاص احس اني نمت هاذك الوقت الساعه 4 قمت على صرخه جاء الجد الي مافيه لعب ابي اقوم ابي اتحرك ما قدرت ادور جوالي بدق اشوفه بس من قوه الالم مو قادره امسكه اخير مسكته ادق على امي رنه ولا يطيح من يدي ويتقفل امي شافت الاتصال انقطع فكرته احد غلطان شوي شوي الا يخف الضغط قمت وانا ادف نفسي لين وصلت غرفه امي ولا اضرب الباب وانا مافيني قوه ماصحو الا على صرختي طلعول اهم الثنين امي وابوي وش فيك قلت مدري مدري قالت امي ولاده قلت لا مدري وش فيني فيني الم قوي انا في تفكيري ان الولاده مغص على بالي
المهم رحنا المستشفى على الساعه خمس دخلت اكشفت على الدكتوره قالت اربعه ونص فاتح ودخلوني غرفه الطلق وادق على زوجي عشان اروعه نذله:o ويطلع من الدوام ويعسكر في المستشفى لين ولدت
طبعن دخلت غرفه الطلق الساعه سته فتح الرحم سبعه على الساعه سبع الساع ثمان فتح عشره الساعه تسع انا ولدت وخيطوني وخلصت بس جلست الين الساعه 12 عشان البول وانتو بكرامه<<<مشاء الله لاقوة الا با الله