قصه ولادتي

سلاااااااااااااااام يا كروشااااااااات

ادري اني نزلت الموضوع متأخر مرررررره لكن اخيرا فضيت ونزلته في منتداكم
هذي اول مشاركه لي في منتداكم الرائع كنت في متابعه دائمه لكم لكني اخرت التسجيل و المشاركه في منتداكم
لحين التفرغ التام …..
ولله الحمد والمنه فقد وهبني الباري أجمل مايمكن لامرأه ان تمتلكه فقد اصبحت اما لاحلى حمووووووووودي :04:في العالم ففي يوم 11/9/1430 في تمام الساعه 3 فجرا نورت دنيتي بقدوم مولودي الاول في مستشفى الحياه الوطني
وكانت ولادتي مفاجئه كانت مقرره في العشر الاواخر من رمضان وبحكم اني بكريه كنت متوقعه اعيد بعد
كنت احس بألم في أسفل ظهري من بدايه الشهر التاسع
كنت من الشهر الاول الى الشهر التاسع وانا اتوحم و نزل وزني وكان عندي هبوط في الضغط طوال فتره حملي ووووو .........ولكن كله بأجره ***** الله
على العموم رحت عند اهلي في تلك الليله و تسحرت و صليت الفجرونمت وانا مافيه إلا العافيه وفي الساعه 9صباحا رحت الحمام ولقيت الله يكرمكم نقطه دم خفت مرررررررررررره وقمت ارتجف بشكل فظيع :icon33:و من حسن حظي كانت اختي الكبيره عند اهلي وكانت خبره في الولاده (عندها ثلاثه مشاء الله)رحت صحيتها من النوم و خبرتها بلي حصل معي طمنتني وقالت بما انه مافي الم و لا نزلت علي مويه مافي ولاده لكنها قربت وانا ماصدقت خبر فرحت و رجعت انام والله ماامداني اتغطى بالبطانية الا الله يكرمكم نزلت علي المويات بشكل فظيييييع لحظتها تأكدت انها ولاده اتصلت على زوجي و خبرته يجي يوديني المستشفى و اخذت لي دش سريع و رحنا المستشفى وفي الطريق جاني الم فظيع في ظهري ولمن وصلنا المستشفى دخلوني في غرفه المخاض الي هي نفسها غرفه الولاده وكشفت علي الدكتوره لقته مفتوح 3سم (طول فتره حملي كنت اهوجس بالكشف باليد و معي حق كان مؤلم جدا ) بعدها طلبت ابره الظهر ودوني غرفه العمليات وكانت الغرفه بااااااااارده كأني ناقصه كنت جائعه مرررررررره وشهيتي مسدوده ومتوتره مره
الحمد لله ركبت الابره الي اعتقد انها السبب الرئيسي في ولادتي القيصريه لانها بردت علي الطلق و ماخلتني اقدر ادفع كنت ماأحس بشئ حتى الكشف كنت احس بألم خفيف جدا وجلست اطلق من الساعه 11 الصباح الى وحده و نصف ليلا اثناء هذي الفتره مابقت ممرضه ولا دكتوره في المستشفى الاجت و كشفت علي احيانا كانت جرعه المخدر تخف و احس بألم فظييييييع في ظهري وجتني الدكتوره الي كنت اتابع عندها وكانت استشاريه
و كشفت علي لقته 9سم وبدل ماتولدني قالت للمرضه انتبهي اذا شفتي رأس البيبي ناديني و راحت الله يسامحها للعياده حقتها و لمن انتهت من العياده جتني و كشفت لقته 10سم و جلست ساعتين وهي تحاول تعدل وضع الجنين لان راسه كان على تحت ولكن على جنب بدأ نبض الجنين ينخفض و انا شفت الموت من التعب و الارهاق تعبت تعب ما انساه طول عمري
احس اني وصلت لمرحله مايتحرك فيها الا لساني و كنت اقول لدكتوره ولديني الله يخليكي بأي طريقه كانت اهم شئ خلصيني
وقررت تولدني قيصري و اخذوني لغرفه العمليات وولدوني وجبت احلى حمودي عسى الله يحفظه و يخليه ويبارك فيه يارب

ملاحظه(انا مختصره القصه مره و ماكتبت بعض الاحداث لاني اكتب في اوقات مختلفه)
اتمنى كل من يقرأ قصتي الدعاء لي و لزوجي و لطفلي
:39::39::39:
__________________

ملاحظه انا اخت هايدي كيو وعمر ولدي الحين سته شهور الله يخليه و يحفظه و يرزق كل محروم الذريه الصالحه